ابيزا 99

**activ_ibiza** · 27-04-2010 02:59 PM

السلام عليكم ورحمة الله وبركاته
احب في الاول اوضح ان ده اجمد منتدي سيارات في مصر كلها ويمكن في الوطن العربي كله انا مبقاليش كام يوم مسجل فيه بس بجد اتصدمت لما شوفت الشغل اللي في المنتدي.. بجد مشاء الله

المهم انا معايا ابيزا 99 ومن كام يوم امبير الحرارة رفع معايا قوي.. المهم ان الشجره بتاعت المياة اتكسرت والمية اللي في العربيه كلها فضيت دا سبحان الله مرة واحده.
المهم جبتلها مكانيكي قالي المياه رشحت في المكنه وكدا جابت جوان وش سلندر المهم لما اشتغل فيها اكتشف ان المكنه 1400 مش 1000
مع العلم انها متسجله في الرخصه 1000 وانا شريها علي هذا الاساس المهم انه غير كده لقي وش السلندر (قففح) وشويه قالي البساتم فيها بوش وكده هتحتاج مكنه جديده
طيب دلوقتي هل ممكن تكون المكنه 1400 ولا الراجل ده بيشتغلني واعرف منين
المهم قالي هنجيب نص مكنه استيراد ب 1600 دي 1400 سيسي
وبعدين رجع قالي ال 1600سيسي ب 1800 و ال1400 سيسي ب 2000
انا عاي حد يفيدني بجد واكون شاكر جدا

**ehab_mansour** · 27-04-2010 03:57 PM

وعليكم السلام ورحمة الله وبركاته

أولا اهلا بيك في منتدي نايل موتورز بيتنا كلنا و نورتنا بجد
ثانيا بصراحة مش عارف ايه اللي وصل الميكانيكي انه يقلك كده الله المستعان وبما انه فك خلاص يبقي عليك انك تغير ماكينة كاملة 1400 او 1600 علي حسب راحتك وفلوسك
ونصيحة لما تغير تجيب ماكينة كاملة بالتكييف والباور وبكنترولها وضفيرتها عشان تشل وتحط كله وتريح دماغك وكمان تستفيد من الفلوس اللي هتدفعها
عايزتعرف الماكينة عندك 1000 ولا 1400 هتلاقي استيكر ملزوق علي الغطاء اللي فوق سير الكاتينة مكتوب عليه كود المحرك لو aer تبقي 1000 زي عندي لو غير كده تبقي حاجه تانيه
ولو ما لقيتش الاستيكر ده دور هتلاقي الكود مكتوب برده قبل رقم المحرك اللي مكتوب في الرخصة اللي بيكون محفور علي جسم المحرك علي شفة كده بس مش فاكر في اي ناحية بالضبط دور عليها

**ehab_mansour** · 27-04-2010 04:38 PM

بصراحة ما عنديش فكرة لأني ما سقطتش قبل كده بس انزل الحرفيين ودور واسأل
شوف الموضوع ده كده
http://www.nilemotors.net/Nile/114241-1600-2.html
ونصيحة مني استني دخول الأستاذ ibiza هو اكتر واحد هيفيدك في القصة دي وبالتوفيق