الموضوع: كرسى البوجيه

هو كرسى البوجيه ده شكله ايه وهل بيتباع جاهز

بس انا مقتنع بان ولا التوكيل ولا اى صنايعى لو فك مكنة العربية وعمل فيها شغل المكنة هترجع زى الاول بل بالعكس اكيد كمان هتظهر مشاكل مكنتش موجودة قبل كده

فى دى أنا مش معاك يا أستاذ / محسن

لأن وجهة النظر دى مش صح فنيا

فالسكوت على العيب الصغير بيدخلك فى متاهات كبيره

غيرت عنده سير تكييف وبكرة شداد وسير دينامو وفلتر بنزين وبوجيهات (على فكرة حضرتك انا بعرف اعمل بنفسى كل الحاجات اللى روحت اعملها عنده ويسهولة بس انا كنت عايز اشوف شغل واحد كويس علشان اغير سير الكاتينة عنده بعد كده ) وطلب 120 جنيه
دفعتهم وانا ساكت لانى مبحبش اجادل فى فلوس مع اى حد ومشيت من عنده وكأنى بدلت عربيتى بعربية تانية لا سحب وصوت عالى وحاجات غريبة وقبل ما اوصل البيت مباشرة لقيت صوت صرخة جامدة دخلت الجراج وفتحت الكبوت لقيت كل من سير الدينامو وسير التكييف متفرتكين
سلكتهم بصعوبة وبصيت لقيت بكرة شداد سير التكييف الباشا مربطش المسمار ال 15 بتاعها
فسير التكييف رخى وطلع من على طمبورة الكرنك وضرب فى سير الدينامو كل ده مقدور عليه
ركبت سير الدينامو القديم ومشيت بالعربية لمدة اسبوع بدون سحب وصوت المكنة عالى جدا وفى نهاية الاسبوع قررت افك البوجيهات الجديدة والمفاجاة انى لقيت كل بوجيه الخلوص بتاعه مختلف

هو سير الكاتينه راكب صح

وكل اللى حصل بسبب نسيان رباط صامولة بكرة شداد التكييف أو رباطها برباط صح

وكان يجب عليك طالما بتعرف كويس كده فى شغل الميكانيكا

أنك كنت بصيت وراه على الشغل بتاع السيور الخارجيه

أول ما لحظت حاجه غريبه

لأن تأثير نطر سير التكييف وتقطعه هو اللى عمل المشكله دى كلها

أثر على سير الدينامو والباور وباظ شغل دايرة الأشعال ( علشان الدينامو هو اللى بيغذى البوبينا وخلافه )

عموما قدر الله وماشاء فعل
وده فعلا نصيب ومكتوب

وده اللى أنا عاوزه من كل الزملاء

دايما يبقوا واقفين ويراقبوا الصنايعى وهى بيشتغل فى سياراتهم

منها حيتعلموا حاجه جديده ومنهم يخلوا بالهم من كل خطوه بيعملها

أنا لما بأروح بأى عربيه لصنايعى بأبقى ناسى أهلى وعينى على كل كبيره وصغيره ومتابعه من الألف للياء

لأننا بشر وممكن تفوتنا حاجات بدون قصد
وده اللى حصل مع الصنايعى أو صبيانه

بدون قصد طبعا

بغض النظر مين هو الصنايعى ده

ورجاء منى لا تذكر أسماء لأن كل ده وارد ومفيش شك

وفى نهاية الاسبوع قررت افك البوجيهات الجديدة والمفاجاة انى لقيت كل بوجيه الخلوص بتاعه مختلف

ماهى دى غلطه برضه وأعتقد ده عدم درايه وأهمال من اللى غير البوجيهات ودى ألف باء ميكانيكا

ولقيت بوجيه عليه زيت اتارى الباشا كان عامل الخلوص بتاعه صفر اى والله العظيم الموجب لاحم فى السالب غيرت طقم البوجيهات وركبت الطقم القديم ومن ساعتها موضوع الزيت بيزيد على البوجيه والزيت بينقص والعربية سحبها عمال يقل

الزيت اللى على البوجيه ملوش علاقه بشغل الميكانيكى

ممكن يكون كاوتش صباب الغرفه دى باظ فجأه بعد شغله
وبالذات مع الأختلال اللى حصل والشوية الدربكه أياهم

فهو غلطان ....وآسف فى اللفظ
فأنت غلطان برضه

أزاى تمشى بالعربيه أسبوع بدون سحب وكل القصص دى
ومتكشفش على البوجيهات بمجرد ملاحظتك لأداء غير سليم

نعم هو أخطأ ....ولكن عليك جانب فيما وصلت أليه الأمور
وبالذات مع قولك بأنك متمكن فى شغل الميكانيكا
وأنا عارف أنك شاطر فى شغل الميكانيكا وملاحظ ذلك من زمان

يبقى كان المفروض تكشف على البوجيهات على طول ومتستناش أسبوع
بالشكل ده

ايه رأى حضرتك فى المستوى الجميل بتاع ميكانيكى الناس بتقول فيه شعر

أنا مش عاوز أعرف هو مين ده

بس قولتلك أن ده أهمال وخللى بالك دايما أنت والزملاء جميعا بلا أستثناء وأنتم بتعملوا أى شغل فى العربيه عند أى ميكانيكى أو عفشجى

عينكم عليه بأستمرار

ومحدش يسيب عربيته لميكانيكى ويروح ويجيله بعد فتره علشان يستلم

لازم يبقى كله على الطرابيزه
هو ده طبعى
عاجبه يتشتغل وأنا واقف على رأسه أهلا وسهلا

مش عاجبه أشوف غيره

ودول كتير أوى

اسف انى طولت على حضرتك

خير بإذن الله

وشىء فداء لشىء

فثق تماما بأن الله سيعوضك خيرا

وأتعلم بأه من الدرس ده

وعنينا دايما على الميكانيكى وهو بيشتغل زى ما أتفقنا

أمال أحنا هاريين نفسنا مناقشات كده ليه فى المنتدى
وعمالين نقول ونزيد

ماهو مش علشان كلنا نبقوا أحمد زويل
أبدأ علشان نعرف الميكانيكيه بيعملوا أيه ونخلى بالنا من شغلهم

ما أنت عارف الأهمال المصرى عامة

أنا أشتريت عربيتى من التوكيل وهى لسه زيرو

وداخل بأجرشها ....ولقيت صوت بم بم بم بم جوه الغرفه

ربنا ستر ولحقت نفسى وعرفت السبب على طول

واحد من البهوات اللى بيجموا العربيات ( تقريبا كان متوضى وماسك السبحه )
وربط قفيز خرطوم الطرد بتاع طلمبة الباور بمنتهى الحنيه ....خايف على تعب صوابعه ( جاته شك فى صوابعه )

طبعا مع الضغط للزيت وأنا لسه بأجرش
الطلمبه بدل ماتودى زيت باور لعلبة الدركسيون وداته على الأرض
عملت الازم بنفسى على طول والحمد لله كله تمام الى الآن

وعلشان أنا شكاك شويه فى مواضيع الرباط بالذات
حطيت أفيز تانى بتاع أنبوبة بوتجاز جنب الأفيز الأساسى بعد ماظبط أمورى


المهم عاوز أقولك
طول ما أنت فى مصر ....أما تسلم على حد ............عد صوابعك بعد السلام