اذاى افك قلب العداد نفسه

**mmedali1978** · 27-04-2010 04:42 PM

انا فكيت التابلوه كامل وغيرت اللمض ذى ما شرحت فى موضوع سابق المهم دلوقتى انا طلعت العدادات بره خالص عايز اعرف اذاى افك العدادات نفسها علشان انظفها من التراب ولو فى صور تبقوا خدمتونى كتير ومعلشا تعبنكم معايا لكن الاضاءه عقدتنى وعايز حل قلت اشوفكم اذاى افك قلب العدادات علشان انظفها من التراب يمكن يكون السبب

**mmedali1978** · 27-04-2010 06:11 PM

مفيش حد عارف ولا ايه

**محمد الشامي** · 27-04-2010 08:09 PM

انا عن نفسي مش عارف , بس لو كنت مكانك كنت هخاف اغامر وافك قلب العداد , لانه وارد يكون جواه سوسته او كلبسه او اي حاجه تتنطر من مكانها ويبقه العداد باظ

ايه رايك لو تجرب تنفخ العداد (بحرص) بـ بلاور منزلي وخلاص ؟؟؟؟ واهو يبقه اديت نفس الغرض

ولا انت عايز تلعب في عداد الكيلومتر ولا ايه ؟؟ انا عارف الحركات الشقيه دي

**jojowork1** · 27-04-2010 08:34 PM

بص الموضوع بسيط خالص انت هاتفك المسامير اللي من ورا جمب اللمبات اللي انت غيرتها وهتفك الاطار الوش الشفاف والاطار الاسود بكلبسات باينه خالص حوالين العداد بس هتلاقي العدادات اتفكت بس خد بالك بقي من حاجه ما تحاوش تفك المؤشرات او تحركها خاصه بتاع البنزين والسرعه عشان هايطلع عينك لو اتحرك من مكانه مش هاتعرف تظبطه تاني وهيحتاج منك صبر وعمتا انت مش هاتحتاج تفك اكتر من كده عشان هتلاقي كل حاجه بانت خلاص مفيش حاجه تاني تتفك الا القلب وده ملهوش علاقه بالنور اصلا
يلا شد حيلك ولو في حاجه قول معاك

**mmedali1978** · 27-04-2010 11:57 PM

طالما فيها قلق يبقى بلاش انا ممكن اجيب بلاور واسلطه على مكان الاربع لمض وخلاص ولو ضاقت بيا الحكايه خلاص هشترى 4 لمض ذى اللى بيركبو فى الفوانيس اللى قدام واركبهم وخلاص وامرى لله