شكرا جزيلا على المقارنة الجميلة
شكرا جزيلا على المقارنة الجميلة
ربنا يبارك لك في الاربعة
و شكرا على المقارنة
:)
:C_laugh[1]::C_laugh[1]::C_laugh[1]::C_laugh[1]:
بص انا مش من محبيها خالص بصراحة , بس طالما عربيتك راضياك و مرتاح معاها , ولا اي كلام عنها يحبطك , ولا في نفس الوقت حبك للعربية يخليك تدافع عنها و خلاص , و ربنا يبارك لكل واحد في العربية اللي معاه يا رب
تعالوا نعمل معاهدة سلام بقى
:satelite:
فعلا أنا شايف أن فرق الوزن ممكن يكون عامل كبير ، وثبات الأوبترا أكيد أفضل مافيش خلاف على كده ،لكن كمان مواتير الهيونداي معروفة بنعومتها عن بقيت الكوري ، وده اللي بيدي أحساس بأن العربية هاتطير.
عموما ربنا يباركلك فيهم وكفيك شرهم .
ومستنيين التقيم بعد 100 ألف ، بس يكون بنفس مستوى التقرير ده :Oc_sun1[1]:
ممكن اعرف استهلاك البنزين فى الاوتو كام ك فى الصفيحة عشان اختى معاها العربية دى ومش عاجبها استهلاكها خاصة انها بتسمع ارقام عجيبة زى 250 فى الصفيحة وحاجات كده
الف مبروك ياحاج أحمد ....مقارنة موضوعية وعن تجربة - ربنا يباركلك فيهم هما الاتنين
الحقيقة كنت ماشى مع اغلب الاقوال ان الفيرنا عربية اى كلام ومش عارف ايه
بس شأت الظروف انى استخدمها لمدة اسبوع وغيرت فكرتى عنها تماما
العربية طبعا طلقة - تكيف ما حصلش - فتيس ناعم - باور مناسب - رؤية ممتازة - عفشة ناعمة
العربية مزعجة نسبيا لان عزلها ضعيف وخاصة على طرق السفر - الفرمل تخوف بس بتقول - الكرسى مش مريح نسبيا
نيجى بقى لنقطة مهمة جدا ... قطع غيار متوفرة وسعر حنين مش محتاجة ميكانيكى مخصوص
العربية بتظهر جدا ولديها قدرة على "الترويش" عالية يكفيها جنط وفيمه وبتبقى حاجة تانية
وبتتباع هوا .... فعلا تستاهل كل قرش مدفوع فيها.
فعلا التجربة خير برهان
الفيرنا مش وحشة للدرجة الى الناس بتقولها ومش صاروخية للدرجة بردة اللى الناس بيقولها بس ل الحكاية ان عربية تمنها 64 الف جنية ماتنتظرش انك تركب عربية فيها كل اللى انت عايزة من وسائل امان وتقفيل والا كدة هيونداى هتفلس
من الطبيعى انك تلاقيها عربية عادية جدا كويسة بالنسبة لفئتها السعرية بس معلش تمنها غالى على 65 الف ومش هنتكلم فى الموضوع دة لان عربياتنا كلها مبالغ فى سعرها جدا ,حتى المستعمل
المشكلة فى الفيرنا ان ماتورها اقوى من البودى بتاعها ودة اللى بيخلى التسارع حلو على السرعات لحد 110/120 وبعد كدة التجميع بيقل عن اى عربية تانية 1600 والمشكلة بردة فى اعتمادية قطع الغيار انا للاسف بشوفها كتير عطلانة على الطريق وموديلات 2007 او 2008 يعنى لسة جديدة ,ودة مش حالها هية بس دة كل الكورى كدة انا لسة شايف كيا سيراتو هاى لاين 2010 عاملة 4500 كيلو بس عند الميكانيكى بتاعى فيها مشاكل فى الايدل والعربية مش مظبوطة وطبعا مسالتش لية ماودهاش التوكيل فدة فعلا حال الكورى كلة فية اخطاء يبقى مانقدرش نلوم على الفيرنا فى النقطة دية
وفى الاخر اعتقد الفيرنا افضل سيارة فى الفئة السعرية مابين 64 الف الى 70 الف وسيبك من الصينى يبقى كدة الفيرنا تكسب فى فئتها بكل جدارة
و الله يا باشا
انا عربيتي 70 ألف كم ،، و نفسي حاجة تعطل أو أغير حاجة
الحمد لله مفيش غير الصيانة الدورية
و الدليل انها مفضلة دلوقتي عن غيرها في مكاتب الايجار و الشركات
بس للأمانة تجميع غبور مش و لا بد و كتير بيكون فيه عيوب صناعة مش حكاية تقفيل مش مضبوط و كده لأ عيب صناعة
و هما في التوكيل نفسهم معترفين بكده ،، و بيعتبروا الكواليتي كنترول هيا الضمان
يعني اشتري و امشي و لو عندك اي حاجة نضبطهالك
بس يمكن الكلام ده كان في 2007 لما كان الطلب عليها شديد و حجز و ويتنج ليست و مش ملاحقين
يمكن دلوقتي احسن شوية
مقارنة ممتازة ومبروك عليك الأولاد :)