الموضوع: تويوتا كورولا ولا ليون

المشاركة الأصلية كتبت بواسطة عبد الرحمن اسامه

ارشحلك الليون بشدة، الليون ركوبة تانية خالص

100%

ياريت تشوف حد راكب العربيتين وركب ديه وركب ديه او اركب انت بنفسك العربيتين واحكم وسيبك من التحيز بدون مبرر
والعربيه فى الاول والاخر هى عربيه تقضى بيها احتياجاتك فى امان وهدوء وتلم الاسره وتتفسح وبرده فى امان وكمان لما تعوز حاجه ليها كقطع غيار تلاقيها فى وقتها وتكون على اد ايدك كسعر
يعنى لما تعطل منك نفس الناس اللى كانوا بيبصوا على العربيه كبرستيج ويوقولوا واو هما هما اللى حيبصوا علييك ومش حيعملولك حاجه لما تفضل كل شويه فى مشاكل مع العربيه بالعكس يمكن يتريأوا عليك وتصعب عليهم وبرده مش حيعملولك حاجه
وغير كده انت حتفضل راكب على الاقل لمدة خمس سنوات على الاقل يبقى تأنى فى اختيارك وأستخير ربك

تقبل تحياتى وارشحلك الكورولا لانى جربتها وعن تجربه بقولك عشق للكورولا من اول دوسة بنزين
اركب النفاثه ودوس على الدواسه مع تحياتى لمعشوقتى كرولتى

اشكرك على تعبيرك بحبيب قلبى وابو عيالى اتمنى مش تكون تريقه منك
على فكره انا كنت زيك فيرناوى برده (بجد عاشت معايا وشالتنى ومازلت احترمها بس موديلات لحد 2006 وبعد كده خربها غبور) المهم انا حلمت زيك والحمد لله لحد دلوقتى الحلم حقيقه لحد 12 الف كيلو بمعشوقتى كرولتى
لو استقريت عليها مش حخليك تستنى شهرين والهبل ده ومن التوكيل
انا لسه جايبها لواحد صديق بالعمل اوتوماتيك 2010 واستلمها فى اسبوع وبرده كان فيرناوى زيى 2004 ومش عاوز ااقلك اول ما استلمها وركبها وطبعا كان جربها معايا مش مصدق نفسه وبرده شعاره الان
اركب النفاثه ودوس على الدواسه مع كامل تحياتى لمعشوقتى كرولتى

المشاركة الأصلية كتبت بواسطة mnvcxv

حبيب قلبي وابو عيالي
علي فكرة انا من زمان وانا حابب الكورولا بس جبت الفيرنا في الاول لانها علي قد فلوسي
بس مشكلتي الكلام اللي اتنشر الفترة اللي فاتت عن الكورولا
خايف احقق الحلم يطلع كابوس

الليون أفضل بكتيييييييييييييييييييييي ييييييييييييييييييير لحد أخر الصفحة .. شكلا أحلى بمراحل ... ثبات أحسن بردو ونظام تعليق ممتاز عن الكرولا ... صاج وتحمل وجودة في كل مسمار وزرار وكل لمسة في العربية .. فتيس dsg ثورة لوحدة وآدائه فوق الوصف ولا يقارن حتى باي فتيس تاني غير بقه الفتيسات البي ام والمرسيدس وكده .. ولو جينا للكورلا بالذات يبقى وجه المقرانة غير موجود اساسا بالنسبة للفتيس بتاعها اللي اثبت فشله ... باختصار الليون هي جولف في كل حاجة بالظبط مع فرق التصميم الخارجي( لصالح الليون وطبعا بردو تصميم الجولف جميل ) والصالون مشترك في حاجات كتير مع اختلاف في تصميم التبلوه ( لصاح الجولف وطبعا بردو تصميم الليون جميل )وفرق العلامة اللي بيوفرلك حوالي 25000 جنيه عن اقل فئة في الجولف وحوالي جنيه50000 عن الجولف اللي بنفس كماليات الليون ...

من الآخر الليون أحسن في كل حاجة من الكرولا وسيبك من الهري بتاع اعادة البيع ده لأن حتى الكرولا مبقتش كفائة عني في اعادة البيع ولو هتخلي العربية معاك فترة كويسة هتلاقي الليون أحسن كمان لأنها أولا هتكون انتشرت كتير عن دلوقتي خصوصا بعد ما نزلت اوتوماتيك وكمان هتكون ساعتها بحالتها أكتر من الكورولا .... أنا واحد من الناس معايا مازدا3 أعلى فئة 2009 اللي هي تدي الكورولا على دماغها بال..... وبفكر جديا في التغيير لليون ..

بالتوفيق ان شاء الله للصالح

المشاركة الأصلية كتبت بواسطة Eng.Sameh

الليون أفضل بكتيييييييييييييييييييييي ييييييييييييييييييير لحد أخر الصفحة .. شكلا أحلى بمراحل ... ثبات أحسن بردو ونظام تعليق ممتاز عن الكرولا ... صاج وتحمل وجودة في كل مسمار وزرار وكل لمسة في العربية .. فتيس dsg ثورة لوحدة وآدائه فوق الوصف ولا يقارن حتى باي فتيس تاني غير بقه الفتيسات البي ام والمرسيدس وكده .. ولو جينا للكورلا بالذات يبقى وجه المقرانة غير موجود اساسا بالنسبة للفتيس بتاعها اللي اثبت فشله ... باختصار الليون هي جولف في كل حاجة بالظبط مع فرق التصميم الخارجي( لصالح الليون وطبعا بردو تصميم الجولف جميل ) والصالون مشترك في حاجات كتير مع اختلاف في تصميم التبلوه ( لصاح الجولف وطبعا بردو تصميم الليون جميل )وفرق العلامة اللي بيوفرلك حوالي 25000 جنيه عن اقل فئة في الجولف وحوالي جنيه50000 عن الجولف اللي بنفس كماليات الليون ...

من الآخر الليون أحسن في كل حاجة من الكرولا وسيبك من الهري بتاع اعادة البيع ده لأن حتى الكرولا مبقتش كفائة عني في اعادة البيع ولو هتخلي العربية معاك فترة كويسة هتلاقي الليون أحسن كمان لأنها أولا هتكون انتشرت كتير عن دلوقتي خصوصا بعد ما نزلت اوتوماتيك وكمان هتكون ساعتها بحالتها أكتر من الكورولا .... أنا واحد من الناس معايا مازدا3 أعلى فئة 2009 اللي هي تدي الكورولا على دماغها بال..... وبفكر جديا في التغيير لليون ..

بالتوفيق ان شاء الله للصالح

ومين قالك ان الdsg اثبت نجاحه؟
والكورولا دلوقتي فيها اوتوماتيك عادي.

عزيزى محمد باشا مثل هذه النوعيه من الاراء وبهذا الاسلوب من الافضل عدم الرد والاهتمام وذلك من اجل أحترام ادارة المنتدى واهداف المنتدى ونفسك فى نفس الوقت وطالما حضرتك يا محمد باشا مستريح مع عربيتك وقدمت النصيحه لصاحب الموضوع بدون اى تحيز يذكر يبقى انت كده عملت بلوائح المنتدى وقواعده واهدافه
خللينا فى المهم عاوزين نخلص موضوع الشماسه ده بقى علشان نتقابل

المشاركة الأصلية كتبت بواسطة محمد محمد

ومين قالك ان الdsg اثبت نجاحه؟
والكورولا دلوقتي فيها اوتوماتيك عادي.