الموضوع: تويوتا كورولا ولا ليون

المشاركة الأصلية كتبت بواسطة محمد محمد

ومين قالك ان الdsg اثبت نجاحه؟
والكورولا دلوقتي فيها اوتوماتيك عادي.

الdsg من احسن انواع الفتيس فى العالم
وبعدين نجاح ايه يا باشا :) .. انت متعرفش ان فتيس البوجاتى فيرون dsg ولا ايه

خليك فى الليون احسن .. الكورولا عربية اتحرقت خلاص وشكلها قديم وعجوز اوى قدام الليون

المشاركة الأصلية كتبت بواسطة محمد محمد

ما هو ده اسمه الأنطباع الأول وده نفس الأنطباع اللى الناس كانت واخداه عن الmmt انه راكب زيه في عربيات الفورمبلا ومنتج بالتعاون مع بورش والكلام الجامد ده والفتيس الdsg تصميمه اكثر تعقيدا بكثير من الmmt وعندك منتديات اوروبية كتيرة تقدر تعرف شكاوي الناس منها وهتلاقي كمان عربيات اودي وفولكس الفتيس كان برضه بيفصل فيها وتظهر رسالة n error ....نفسي ننتهي من عقدة ده ياباني وده الماني وده صيني لما نيجي نتكلم علي عربية نتكلم عليها هي بس وسيبك من ان الفتيس راكب في بوجاتي فيرون او منتج بالتعاون مع بورش والكلام الدعائي بتاع الشركات ده.

انت ليه بتدخل بلد الصناعة فى الموضوع وتقول عقدة والكلام دا
انا كل كلامى على الفتيس مش على بلد الصنع خالص
فتيس الmmt مش معقد ولا حاجة وعادى يعنى دا فتيس بسيط جدا مانيوال بس ديبرياج اوتوماتيك
وبعدين حتى لو فيه مشاكل فى الفتيس فهى زى مشاكل الاوتوماتيك يعنى بتكون حالات
فردية او مشكلة بتحصل ليها سبب وحل مش زى الـ mmt كل الملاك عندها العيب
ومهما غيروا ليه قطع مش بينفع ويرجع العيب تانى زى الاول.
وعلى فكرة دا مش كلام دعائى ولا حاجة دا حقيقة والشركة والتوكيل مش بتعمل دعاية
بالموضوع دا اصلا .. انا اديتك مثال للبوجاتى عشان موتورها وعزمها الجبار اللى الفتيس
بيتعامل معاه مش عشان حاجة وبعدين فولكس هى اللى مطورة العربية البوجاتى و
الفتيس دا بتعها مش جايباه من حته.
كمان الفئة السابعة بتنزل بـ dual-clutch transmission وكمان الفئة الاولى وM3
فى 2011 هتنزل بيه .. نيسان هتنزلوا فى الجيل الجديد من GT-R ومازدا تتطور
ايضا فتيس من نفس النوع عشان عربياتها .. هوندا وكيا باردوا هينزلوا عربيات بالفتيس دا
فا كدا اعتقد الموضوع هيكون فى معظم العربيات فى خلال فترة قليلة مش حاجة محدودة يعنى
ومش هتنتشر ومش عملية زى الـ mmt.

المشاركة الأصلية كتبت بواسطة eng.sameh

الليون أفضل بكتيييييييييييييييييييييي ييييييييييييييييييير لحد أخر الصفحة .. شكلا أحلى بمراحل ... ثبات أحسن بردو ونظام تعليق ممتاز عن الكرولا ... صاج وتحمل وجودة في كل مسمار وزرار وكل لمسة في العربية .. فتيس dsg ثورة لوحدة وآدائه فوق الوصف ولا يقارن حتى باي فتيس تاني غير بقه الفتيسات البي ام والمرسيدس وكده .. ولو جينا للكورلا بالذات يبقى وجه المقرانة غير موجود اساسا بالنسبة للفتيس بتاعها اللي اثبت فشله ... باختصار الليون هي جولف في كل حاجة بالظبط مع فرق التصميم الخارجي( لصالح الليون وطبعا بردو تصميم الجولف جميل ) والصالون مشترك في حاجات كتير مع اختلاف في تصميم التبلوه ( لصاح الجولف وطبعا بردو تصميم الليون جميل )وفرق العلامة اللي بيوفرلك حوالي 25000 جنيه عن اقل فئة في الجولف وحوالي جنيه50000 عن الجولف اللي بنفس كماليات الليون ...

من الآخر الليون أحسن في كل حاجة من الكرولا وسيبك من الهري بتاع اعادة البيع ده لأن حتى الكرولا مبقتش كفائة عني في اعادة البيع ولو هتخلي العربية معاك فترة كويسة هتلاقي الليون أحسن كمان لأنها أولا هتكون انتشرت كتير عن دلوقتي خصوصا بعد ما نزلت اوتوماتيك وكمان هتكون ساعتها بحالتها أكتر من الكورولا .... أنا واحد من الناس معايا مازدا3 أعلى فئة 2009 اللي هي تدي الكورولا على دماغها بال..... وبفكر جديا في التغيير لليون ..

بالتوفيق ان شاء الله للصالح

أوافقك في هذا الرأي ونصيحة لصاحب الموضوع انه يركب العربيتين ويحكم بنفسه ويجرب كمان
وانا متأكد انك لو ركبت الليون مش هتنزل منها
مجرد رأي ولا تنسي الاستخارة وربك هو الموفق للخير دائما

أنا مجربتش الليون بس مأجر كورولا 2010 بفتيس أوتو عادى مش mmt و عملت بيها الى الأن 3300 كم

فيها حاجات كويسة جداً زى التكييف ( ممتاز ) و السحب ( جيد جداً ) و أستجابة الفتيس ( ممتازة )
و فيها حاجات مش ظريفة زى الثبات ( بعد ال 100 ) و خللى بالك ان الثبات ده نسبى....يختلف من شخص للتانى و العزل برضه مش كويس ( بعد ال 100 بتسمع صوت الهواء)

الشكل الداخلى والخارجى مسألة أذواق......بس جرب تسوق الأتنين و تقارن.