انا معايا صنى 2007 والكلام ده كله طبيعي معايا من يوم ما اشتريتها وعلى فكرة انا عامل 68000 كم لغاية دلوقتى وعملت ظبط بالكمبيوتر مرتين في التوكيل ومفيش حاجة اتغيرت لاني بعتقد ان ده طبيعي.
عرض للطباعة
انا معايا صنى 2007 والكلام ده كله طبيعي معايا من يوم ما اشتريتها وعلى فكرة انا عامل 68000 كم لغاية دلوقتى وعملت ظبط بالكمبيوتر مرتين في التوكيل ومفيش حاجة اتغيرت لاني بعتقد ان ده طبيعي.
لما تدوس فرامل لمبة الستوب بتسحب من كهربا الضفيرة ويسبب الاعراض السابقة وده تفسيري ...
أود ان اشكر كل من كتب فى هذا الموضوع ،، لسبب هام جدا وهو اننى اشتكيت فى التوكيل من نفس الشكوى ولكن مع اختلاف بسيط وهو ان دواسة الفرامل احيانا تنزل سنة بسيطة لأسفل عند الضغط على دواسة الدبرياش قبل او اثناء التوقف وهذا يحدث احيانا فقط وليس دائما ،، ولم اعر الأمر اهتماما حتى تعرضت لموقف على السريع كدت افقد فية حياتى ،، هذا العيب لو حدث اثناء الضغط المفاجئ على الفرامل لتجنب حادث فان السيارة قبل التوقف ممكن ان تمسك عجلة قبل الأخرى وتحدف السيارة بالأضافة ان الفرامل تهرب وتفقد قوتها نسبيا مما يفقدك السيطرة على السيارة ،، وللعلم سيارتى صنى مانيوال 2009 بدون ABS والسيارة الأن بالتوكيل منذ 3 ايام لوجود عيوب اخرى وهى:
1- الفرامل كما ذكرت
2- تسارع السيارة يتغير لوحدة وRBM يرتفع لأكثر من 2 حتى والسيارة واقفة دون الضغط على دواسة البنزين وهذا العيب ايضا يحدث احيانا فقط وينتهى تماما بمجرد اطفاء السيارة واعادة تشغيلها "" وفى التوكيل من قبل ضبطو الكمبيوتر بتاع العربية ولكن العيب لسة موجود وانا صورتة لهم على الموبايل لأنهم من قبل رفضوا تصديقى وقالو العربية مافيهاش حاجة ومية مية وممكن ارفع الفلم لكل من عندة نفس المشكلة.
3- المارشدير ساعات يعلق ولا ياخذ النقلة الا لما ارفع رجلى من على الدبرياج ثم اضغط مرة اخرى ، وبردة التوكيل بيقول دة عادى اديها التالت الأول وبعدين المارشدير او انتظر 3 ثوان قبل النقل لأن الصنى كدة ،، وانا طبعا غير مقتنع بالكلام دة.
4 حزام الأمان لايرجع مكانة عند فكة
أضافة لعيب اكشفتة قبل كدة وهو صوت اثناء رفع اوخفض الزجاج الخلفى وفى التوكيل قالو دة من تراب الجو بيدخل ورا الكاوتش والكاوتش دة ناشف ومصرى عشان كدة بيعمل صوت ولما ننضفة بالهواء هايروح الصوت وفعلا راح بعد تنضيفة ،، وحصل بعد كدة كتير وبقيت انا انظفة واكبر دماغى
لكن بالنسبة للعيوب الثلاثة الأولى فأننى لن استلم السيارة دون اصلاحها ،، ولكن موضوع الفرامل وان الدواسة بتنزل سنة لوحدها ماكانش حد مصدقنى بالتوكيل ،، فارجو ممن كتن فى هذا الموضوع الأتصال بى للأهمية
]د. محمد كامل
موبايل 0144619225
mkb2000cd@yahoo.com
اولا مبروك عليك العربية أ/أيمن
بالنسبة للنقطة الاولى اعتقد انك لازم تروح لاقرب توكيل يراجعوا قراءات الكمبيوتر ويراجعوا ضفيرة المحرك ولو مش بتعمل كيلومتر كتير ياريت تروح قبل الالف كيلو عشان لو ضفيرة ميأثرش ع البوجيهات
اما بالنسبة للنقطة الثانية وهى الفرامل فده طبيعى جدا ومفيهوش مشاكل (مع استمرار ضغطك على دواسة الفرامل الدواسة بتنزل شوية).
مش لازم ننسا ياجماعة ان نظام الفرامل ده هيدروليك وطبيعى مع ضغط الفرامل الدواسة بتتحرك نتيجة لانتقال الهيدروليك بس لما الهيدروليك ده بيوصل للاخر بيفضل فيه انضغاطية مابين جزيئات مادة الهيدروليك ودول الشوية اللى بتحسهم لما بتقف فى اشارة وتبقا مكلبش فى دواسة الفرامل بس الانضغاطية دى محسوبة طبعا فمتقلقش
ده فيديو بسيط يشرح نظام الفرامل
[youtube]http://www.youtube.com/watch?v=srVb0T5_qtE[/youtube]
الله عليك يا وعلى كلامك يا حاتم باشا وتسل ادك على الشرح ده
جزاكم الله خير يابشمهندس على المداخلة والشرح بس على فكرة انا روحت صيانة الالف (ودا رابط كنت كتبته عن صيانة السبع في وقتها http://www.nilemotors.net/Nile/147790-a.html ) من فترة وللأسف قالولي العربية مفيهاش مشكلة بالنسبة للنقطة الاولي مع انهم لم يفحصوها بالطريقة اللي حضرتك ذكرتها
بالنسبة للنقطة التانية حاسس ان بدأ يحصل فيها تطور (العربية دوقتي ماشية 3500 كم) يعني الاول الهبوط كنت بحس بيه فقط اثناء دوسي على الفرامل في الاشارات لأ دلوقتي بقى ممكن يحصل وانا ماشي وجاي ادوس فرامل لدرجة اني بقى عندي قلق عند كل دوسة فرامل هل هيحصل هبوط ولا لأ لأن الموضوع بيأثر على حساسية الدوسة والمشكلة الاكبر من حوالي اسبوعين كنت على الطريق الزراعي بس كنت ماشي على حوالي 60 كم وجيت ادوس فرامل علشان مطب صناعي لقيت الفرامل هبطت جدا بطريقة تخض وكمان حصل النبضات تحت رجلي (ودي كانت المرة الوحيدة اللي حسيت بيها بالنبضات) بس ساعتها انا قولت أكيد ال abs اشتغل بس بصراحة دلوقتي انا مش عارف هو الهبوط حصل ليه ساعتها بالدرجة الكبيرة دي وكمان ليه ال abs اشتغل وهل لما ييجي يشتغل لازم الفرامل تهبط (احب اكد ان الهبوط دا بيحصل والمكيف شغال واحيانا فقط)
والله نفسي دي تكون هواجس بس متهيألي ان يكون عندي قلق وانا جاي ادوس الفرامل هل هتهبط ولا لأ دا أكيد مش هاجس والله الواحد معندوش وقت يروح الصيانة كل شوية وخاصة لو الذهاب ليهم هيكون زي قلته ويبدأ وينتهي بمناقشات بدون فحص فعلي.