هاهاهاها:C_laugh[1]:
عرض للطباعة
اعوذ بالله
ايه السفالة و الحقارة دي ؟
:@:@
انا باقترح يا جماعة ان الموضوع ده يتنقل المنتدى العام و يا ريت لو يتثبت بعنوان يعبر عن خلاصته عشان اكبر عدد من الناس تشوفه و تستفيد
انا كنت هاقول كده عشان مش عايز حد يحصله زى
و الامر متروك لادارة القسم او المنتدى لو عايزين ينقلوه
سلام عليكم
يا جماعة , انا لسه موري الموضوع حالا لواحد صاحبي كان قال لي انه حصل معاه نفس القصة
و اتفاجئت انه بيقول لي ان اللي حصل معاه حصل في نفس البنزينة
:_Alshmokh08[1]:
انا شايف ان مفروض فيه اجراء يتاخد بقى:hang::policeman:
تخيلوا كام واحد الحرامي اللي في البنزينة دي عمل فيه كده
الموضوع ده برضوا حصل معايا بس عند البنزينه الي في اول طريق مصر - الايماعليه الصحراوي الراجل اللي جوه دا اول ماتخش يمين في الوش نفس السيناريو بتفس الفيلم و كان عايز ياخد مني 60 جنيه و لاجل الحظ مكنش معايا غير 35 جنيه اديته 30 و قولتله انا علي طريق سفر و ليسه رايح الاسماعليه في كارته فصعبة عليه و سابلي ال 5 جنيه
عالم نصابه والله و فعلا اساليب النصب بقيت مختلفه و كتير جدا بس انا اتعودت من زمان اني ماعملش حاجه عن حد غريب معرفوش حتي لو كانت بسيطه دا حتي الكاوتش مش بخلي حد يفكه يقولوي يابيه انت علي طريق سفر اقوله خاليك في حالك و زودها و ربنا يستر
بالنسبه للخوابير و التيوبليس مش بيحصله حاجه علي حسب التجارب بتاعتي عادي يعني زيه زي اللحام العادي اللي من جوه بس الفكره انه اسرع و بعدين انا عندي فرده في العربيه واخده خابور في الجنب اخر النقشه كده فوق الكلام و مافيهش حاجه حصلت الحمد لله و الفرده ماشيه كويس اهي و عامل بيها حوالي 35 الف كيلوا
والله الأحلى أن حضرتك والأستاذ زميل tlrsiap تروحوا للراجل وتخلوه يكشف على أى عجلة (وأكيد هيعمل نفس الحركة تانى) وساعتها تمسكوه تبهدلوة فى وسط الشارع
يا جماعة اقول لكم على حاجة مضحكة ولكنها موسفة حد فيكم سمع عن الكتكوت الى بيرقص بعم كتكوت بيرقص على الكاسيت بس يا حرام الراجل ابن النصاب حاطط الكتكوت على صينية ألومونيم ومغطيها من الجناب بس تحتها يا ترى فية اية للاسف حاطط تحت الصينية سبرتاية فلما بتسخن الكتكوت بيرفع رجلية من السخونة قصدى بيرقص طبعا بس من الألم الكلام دة كان منذ حوالى 12 او 13 سنة ناحية سوق الجمعة وكوبرى التونسى بتاع الحمام و العصافير و عجبى عليك يا زمن
معلش سأطول عليكم مرة أخرى فى بعض الاحيان فى وسط البلد او البنزينة تلقى واحد يقول لك مبروك يا باشا الختار رقم وطبعا لازم حتكسب ويديلك زجاجة برفان ريحتها تواليت كلاب ويقول لك تعال أحضر معانا احنا شركة تسويق عقارى مثلا او ما شابة فحضرتك تفتكر انك ممكن تشترى شالية فى مارينا او الساحل الشمالى بالتقسيط بمبلغ بسيط وطبعا لجدية الكلام يقولكلازم حضرتك تكون متجوز او بالقليلة خاطب ويطلب منك دفع 40 جنية تسترد عند حضورك اليهم فى الحفلة والنتيجة النهائية انك ضيعت وقتك لانك مش حتلاقى الشالية اللقطة ودفعت 40 جنية فى زجاجة برفان بس مش وحشة دى زبالة احترس من النصابين
اكتر حاجة مزعلاني انك في نايل موتورز ومخدتش بالك من كل المعلومات اللي عدت عليك دي :(
خير محدش بيتعلم ببلاش ومنهم لله
حصلت معايا مرة كانو بينقو العربيات النضيفة ولجل الحظ كان يومها شيروكي ويقولك كسبت هدية قيمة وتعالي في المكان الفلاني يوم كذا ويديلك كارت والمفروض في سحب كمان علي مش عارف اية ، الفضول غلبني الصراحة روحت لاقيت مندوبين مبيعات كل واحد واخد الزبون علي ترابيزة وقاعد يقنعة يشتري اي حاجة تايم شير ، بس يومها ممشيتش غير لما خدت الهدية القيمة وطلعت علبة خشب ابانوس مطعم هههههههه
فى بنزينه فى النزهه الناس بتوع الهوا بيعملوا كده علاطول اروح اكشف على الهواء وانا مسافر يقولى الكاوتش مريح وفى كام خرم والتيوبلس الخابور ب عشره جنيه حقيقى حراميه
هما المصريين مالهم بقى بيضحك عليهم بسهوله كده ليه ؟؟؟؟؟؟؟؟؟؟؟؟
بصراحة لما في المحطة بيقولي الكاوتش و الهوا و الكلام ده بأقوله ماشي انا عارف و بأسيبه و أمشي
الاطارات عندي نتروجين و بأتعامل مع واحد بس هو اللي بيزودها و بيكشف عليها كل أسبوع ده غير الكشف اللي بأعمله في التوكيل كل 10000 كم بالاضافة للفحص الظاهري اللي بأعمله كل يوم الصبح قبل ما أركب العربية و أحساسي بيها أثناء القيادة , كل ده بيخليني ما أصدقش اي حد يقولي حاجة و أنا جوه العربية
و لو حصلت حاجة طارئة بأغير بالاحتياطي لحد ما ارجع و أروح لمحل الكاوتش اللي بأتعامل معاه علي طول
معلش المهم حضرتك لازم تتعلم من الدرس ده و كلنا أتعلمنا كده
مع خالص تحياتي
م/ سمير الشهاوي
تعييييييييييييييييييييش وتاخد غيرها
حصلتلى قبلك بس كانت الفرده نايمه وبتشخر على طريق القاهره الأسماعيليه من حوالى 3 سنين وقلتلوا غير العجله بالأستبن وارميها فى الشنطه ياراجل ياتوكتوك.
رحت وركبتلها جوان (شمبر داخلى) وكبرت الجمجمه.
الموضوع ده مشهور جدا فى كل محطات البنزين اللى فى قليوب على الطريق الزراعى .. وبتوع الكاوتش فى المحطات دى كلهم بلا استثناء حراميه ونصابين .. وكمان بيغشوا فى البنزين والعداد مابيبقاش مضبوط .. فياريت الجميع يتجنب محطات البنزين اللى فى قليوب دى تماما ويبقى يبلغ اللى يعرفهم كمان (الكلام ده بفضل الله من واقع خبره 12 سنه على الطريق الزراعى )
حسبي الله ونعم الوكيل
لا حول ولا قوة الا بالله .. انا معاك فى اى حاجة طالما هاتخلصنا من الكائنات دى
هيا البلد دى معدش فيها ناس محترمة غيرنا ولا اية !! كلهم نصابين :8954[1]:
انا لو شفته هاكشف دماغه و هادب فيها خبورين امريكانى و هقله هات تمنهم :fdsa:
أنا من كتر ماقريت عن الناس اللي إتنصب عليها في محطات البنزين بقيت أخاف أدخلها !!!
حسبنا الله و نعم الوكيل فى الناس دى
يمكن عشان طيبين زى حالاتى و فاكرين ان الدنيا وردى!
معاك حق بس برده العيب مش من النصابين العيب من اللى بيتنصب عليهم
مشكور يا افندم على ردك
ههههه الحمد لله الكلام ده مش مظبوط لان فى ناس كتيير هنا ما شاء الله مفتحين ( زى كده):36_1_34[1]:
اكيد هانعرف من اى حد جوة المنتدى :shyy:نبيه انا مش كده
الحركة ده بقت منتشرة بغباء..
عين العقل حضرتك .. و مشكور على ردك
شكرا على المعلومة و على ردك يا افندم و الواحد كده المفروض يعمل حسابه يحط بنزين من جوة القاهرة اضمن
مشكور على الرد و ربنا يحفظنا جميعا من الاشكال دى
الاول احب اقولك عوضك على الله بس يا باشا الحركة ده معروفة جدا عند البنزينة بعد كدة امشى بالعجلة وهى مريحة واضبظها عند حد بتاع كاوتش احسن اما بالنسبة لموضوع الخابور وهو مش بيضع العجلة كدة على طول لا بعد اكتر من مرة والدليل ان الكل كان بيستخدمة فى الاول ولكن طبعا اللاصق طلع افضل منه بكتير وهو ده المستحب انك تعملة بعد كدة لا قدر الله اذا كانت فى حاجة فى الكاوتش وربنا يعوض عليك
بقولك اية يا ميدو كلنا حصل معانا الموقف ده ههههههههههه
ولحد النهاردة مش عارف ده نصب ولا بحق وحقيقى ولا اية مع انى مفتح وميضحكش عليا بسهولة
بس اللى مخلينا بقول علية انة مش نصب انى عديت على ازاز فعلا وشوفتة ومقدرتش افادية وانا على الدائرى بليل وبعد ما نزلت من الدائرى لطريق المريوطية لقيت العربية مش زى ما انا عارفها قولت اكيد الكاوتش.. لقيت واحد فى المريوطية قولتة قيس لقيت واحدة 18 والتانةي برضة كده اللى قدام واللى ورا مفهومش حاجة.. انا بس قلقت عشان انا لسة هطلع الدائرى تانى وهروح المعادى قولتة فك يا معلم ويا ريتة مفك هههههههههههههههههههههه
لقيت العجلة قدام فيها 7 تخرام وعلى عينى والله وبيطلع القزاز كمان والعجلة الشمال 4 يعنى 11 وعملة فعلا بخابور بيقولى يبقى الحساب 77 جنية قولتة ايةةةةةةةةةةةةةةةةة!!! لية يا عم قالى الخابور ب 7 ده امريكى .. قولتة امريكى اسرائيلى فكة مش عايزة يا عم انا ممعيش فلوس بقى على فكرة هههههههه والساعة داخلة ف 3 بليل قولتة انا فاكر الخابور ب 3 جنية يا عم انت فاكرى زبون سكة ولا اية انا قرايبى ساكين فى الشارع اللى وراك والاخر اديتة 40 جنية ومردتش واللى انزل كمان عن كده لحسن اكون واكل حقة فيها يا عم مش طالبة يدعى علينا ههههه
بس لحد النهاردة الكاوتش زى الفل ومفيش حاجة يعنى عادى.. بل بالعكس انا عندى الكاوتش بيزيد فى الحر ههههههه من 30 ل 40
:36_9_4: الخابور بيدمر الكاوتش لان فردة الكاوتش من الداخل عبارة عن اسلاك متماسكة مع بعضها ومغطاة بطبقة من الجلد او المطاط لتعطينا الشكل النهاى الى احنا بنشوفة
ولما يجى الخابور يتركب طبعا بيقطع جزء من الاسلاك دى او على الاقل بيقطع سلك واحد منهم فبيغير بالتالى الشكل الداخلى للفردة وطبوظ
علشان كدة انص اى حد الكاوتش بتاعة مش نايم على الاخر ميكشف على عليها ولو حصل ولقى اى خرم ميركبش خابور يبقى يركب الزقة الداخلية ودى ائمن كتير على الكاوتش وبتحافظ علية