الموضوع: شاهدت لك فيلم (حارسة اختى)

المشاركة الأصلية كتبت بواسطة karim_monir

اوكوتو بجد انا مكنتش متخيل ان في حد بيحب النكد لسه :-)
الفكرة اللي تشد في الفيلم ان ازاي البنت اللي عندها 11 سنه تروح لمحامي كبير وترفع قضية على ابوها وامها عشان تاخد استقلال طبي جزئي يمنعهم من انهم يجبروها على التبرع باجزاء من جسمها لاختها
لان ابوها وامها خلفوها عشان تكون احتيطاطي اعضاء ونخاع وغيرة لاختها
ومن هنا بيجي اسم الفيلم

ولقطة تانية قوية جدا لما البنت مش عايزة تخرج من البيت بسبب ان اصحابها بيبوصلها بصة وحشة عشان شعرها وقع
تدخل امها تحلق دماغها زلبطة زيها وتاخدها وتخرج :-)
فين الام هنا اللي ترضه تعمل حاجة زي دي عشان بنتها

دكتور شريف مش عارف اشكر على اللينكات بس يا ريت وصلات مباشرة عشان ماليش في التورنيت نهائي
اما الساندوتش بقى اني جايب تشيز برجر وتشيكن فيلية
انا عايز تشيطن شنغهاي ماليش دعوة :-)

هو انت لما تتنكد تطلب اكل
ولما تعمل عمليه عاوز اكل
ولما يجيلك ورد عاوز بداله اكل
ولما تيجي تتفسح برضه عاوز تاكل
ولما تفرح تاكل
انت عندك دود يبني ؟؟
ولا محروم ولا مالك ؟
هما عملولك فتق ولا وسعولك معدتك وركبولك خزان اضافي
وحتي ام اللحاف معتقتهوش وانت بتشوف الفيلم وقعدت تعض فيه واكلته
انا بجد مش عارف اقولك ايه
بس ماشي علشان حتتين اللحمه اللي الدكتور شالهم لازم تتقوت
الا مقولتش
رميتهم ولا اكلتهم هما كمان ؟؟؟؟

المشاركة الأصلية كتبت بواسطة abomar77

ينفع كده يا كريم بيه .... خلتني اتفرج على الفيلم النهاردة ولسه مخلصة ....
أحب أقولك اني انا والمدام قعدنا نعيط عياط ماعيطوش قبل كده من ساعة الجواز والواد ابني بيسألني هو انت ليه بتدمع وبتسح في الدموع مابقتش عارف اقوله ايه ....
وسيبك انت المدام مسكتني بعد الفيلم هو ديه فسحة يوم الخمييس منك لله يأخي ودخلت تنام ....

بس بالصراحة الفيلم جامد أوي .....
وبالمناسبة ديه هي جت متأخرة بس حمد الله على سلامتك ياباشا وربنا يرزقك انت واسرتك الصحة والعافية ....

هاهاهاها
معلش
مارضتش اقول برضه ان نص علبة المناديل المدام قامت بيها :-)
ورغم انها بتعشق الدراما قالتلي ربنا سامحك هالاقيها من العيال ولا الافلام :-)