يا كريستالوية هو الكمبروسور بيشتغل اد اية و يفصل اد اية احسن هيضحك عليا

التكيف بعد ما شحنتة الاسبوع اللي فات بقي الكمبروسور بيشتغل 9 ثواني و يفصل 9 ثواني
و احيانا يشتغل 6 ثواني و يفصل 18 ثانية
انا قبل كدة مكنتش بحس انة بيفصل اساسا لما شحنتة السنة اللي فاتت
هو الطبيعي اية بالظبط
اما رحت امبارح للراجل تاني ااقولة الموضوع دة قعد يقولي يا باشا دة كدة الطبيعي
ووصل المقياس قعد يقولي انا قدامي الكمبروسور بيضغط زي الفل و متحسبلهاش بيشتغل قدة اية و يفصل قد اية
بس الملاحظة الثانية اللي انا حاسسها
الطبيعي ان التكييف بيكتف العربية شوية ماشي مفييش مشكلة بس السنة اللي فاتت بعد مشحنت مكنش بيكتفها بالمنظر دة
انا مش عارف السنة اللي فاتت الراجل اللي شحنهولي هوا اللي كان بيشتغلي
و الا اللي شحنت عندة المرة دي هو اللي بيشتغلن؟؟
ملحوظة :السنة اللي فاتت بعد الشحن كان تسقيعة معقول
السنة دي مش عارف احكم قوي علشان الجو لسة محررش قوي بس هو لغاية دلوقتي حلو بردة
معلش ان كنت طولت عليكو بس كنت عايزكم تفهموا معايا كل اللي بيحصل علشان تعرفوا تحكموا

الووووووووووووووووووووووو و

التكييف المفروض يشتغل ويفصل حسب درجة حرارة الكابينة ... يعني في النهار هيشتغل كثير ومش هيفصل بسرعة وطبعاً ده بتظبطه بالمفتاح بتاع حرارة التكييف .
ولو الاوتوماتيك بتاع المكيف عطلان او ملفوف على الآخر ( التيرموستات زي بتاعة الثلاجة كده ) هيفضل شغال على طول زي ما حضرتك بتقول

ممكن علشان السنة دي شحنتو والجو لسه برد شوية فيفصل بسرعة...... والسنة اللي فاتت تكون شحنته والجو حر

شحنته فين وبكام ؟؟؟

انا شحنتة في المريوطية فيصل عند واحد جنب االنفق اللي تحت شارع فيصل
نظف ثلاجة التكيف و فرغ كل الغاز الموجود و شحنة من جديد و خد 150 جنية

قوة التبريد تعتمد على حالة الكومبروسر ونوع الفريون لأن الفريون انواعه كثيرة جدا وافضلهم a134 الأمريكي وبعدين لو دايرة الفريون سليمة متحتاجش للشحن كل سنه حاول تشوف مكان التسريب .

هيشتغل ويفصل علي حسب الحراره المطلوبه منه
وكمان حسب الجو الخارجي والداخلي
يعني لو انت واقف في شمس هيشتغل اكتر من انك راكن في ضل
بس انا عندي سؤال انت بتقول نضف التلاجه نضفها ازاي ؟ بالهوا ولا فكها كلها ونضفها ؟

هو نضفها بالهوا يا هيما

انا يا هيما برضه نضفت التلاجه و شحنت و هوا فك التلاجه و تقريبا غسلها بميه لانى لقيتها بتلمع و شحنت فريون 134 a نص كيلو عامل 34 جنيه و كان فى اولسيه مسرب الى هوا جلد كده معملوه على الفواصل الى فى المواسير و خد الصانيعى 140 جنيه و التكيف تلاجه على فكره انا فاكر السنه الى فاتت لما كنت بشغله كان بيطلع ريحه وحشه اختفت الرائحه تماما بعد تنضيف التلاجه

ياريت تقولى عملت الصيانه ديه فين وشكرا" مقدما" .

عملت الصيانه عندنا فى المنصوره وكان فنى التكيف عايز 250 ويقلى هى كده اصل دى بتتحسب كده رغم ان الشغل ده كله لم يتعدى ساعتين عايز 250 جنيه فى ساعتين فطبعا وصلت معاه للاخر و اديته 140 و مستغليهم و الله هوا عمل ايه يعنى ده الشحن ده كلام فاضى و تركيب جلدتين الى يعتبر شغل تنضيف التلاجه عشان رزله فى الفك بس