75000 أجيب بيهم يارس أستعمال و لا حاجة زيرو؟

**n_i_t_e** · 28-04-2010 11:26 AM

السلام عليكم....
فى كتير بيشكروا فى اليارس و تويوتا بصفة عامة شركة عملاقة بس مش معايا أجيبها جديدة حاليا..هل كفاءة اليارس ترجح أنى أشتريها أستعمال سنتين أو 3 بمبلغ رينج 75000 كاش و لا أشتري أحسن حاجة زيرو و تقسيط؟ فى عربيات هيونداي زيرو بالسعر ده بس المشكلة أنهم لما بينزلوا مصر بيشيلوا منهم وسائل الأمان زي air bag و ABS-EBD و بحس أنهم أغلى من تمنهم , . هو خوفى بس انى أشتريها أنها هتكون مستعملة و مش عارف لو تستاهل التضحية بالتقسيط.

**mnabil1980** · 28-04-2010 03:49 PM

فكر فى بروتون بيرسونا جديدة.. عربية فيها كل اللى انت عايزه وذات جودة وفيها تكنولوجيا من لوتس الانجليزية.

**mnvcxv** · 28-04-2010 04:09 PM

المشاركة الأصلية كتبت بواسطة mnabil1980

فكر فى بروتون بيرسونا جديدة.. عربية فيها كل اللى انت عايزه وذات جودة وفيها تكنولوجيا من لوتس الانجليزية.

بس اعتقد حتكون تقيله في البيع ليه متجبش فيرنا
شوف لو سواقتك هاديه مبتزدش عن ال 100 كم\ ساعة
هات فيرنا
فيرنا سيارة مدينه اقتصاديه تقدر تقول ان بدل ماتركب تاكسي هات فيرنا

**n_i_t_e** · 28-04-2010 05:23 PM

المشاركة الأصلية كتبت بواسطة mnabil1980

فكر فى بروتون بيرسونا جديدة.. عربية فيها كل اللى انت عايزه وذات جودة وفيها تكنولوجيا من لوتس الانجليزية.

الصراحة أنا كنت مستبعدها لأنى لما ركبتها فى المعرض لقيتها ضيقة عليا مع أن شكلها من بره واسعة و أنا طويل شوية. ده غير أن توكيلها سمعته مش كويسة حسب ما سمعت. كمان اليارس واخدة ستايل mini-sedan اللى بأحبه. بس طبعا زي ما حضرتك قولت البرسونا أكتر عربية شفت فيها أوبشنز بس نفسيا مش ميال ليها :)

**n_i_t_e** · 28-04-2010 05:34 PM

المشاركة الأصلية كتبت بواسطة mnvcxv

بس اعتقد حتكون تقيله في البيع ليه متجبش فيرنا
شوف لو سواقتك هاديه مبتزدش عن ال 100 كم\ ساعة
هات فيرنا
فيرنا سيارة مدينه اقتصاديه تقدر تقول ان بدل ماتركب تاكسي هات فيرنا

المشاركة الأصلية كتبت بواسطة n_i_t_e

ففى عربيات هيونداي زيرو بالسعر ده بس المشكلة أنهم لما بينزلوا مصر بيشيلوا منهم وسائل الأمان زي air bag و abs-ebd و بحس أنهم أغلى من تمنهم , .

أنا فعلا حضرتك سواقتى هادية و مش بأحب الجري السحب و الجري و فى السفر أخري 130 ...
بس الفيرنا برضه قعدتها مش مريحة كراسيها واطية أوي لما أخرج كأنى بأقوم من على الأرض..هو الكوري اللى كنت بتكلم عنه الجيتز و الأكسنت و هم أعلى من الفيرنا فى المواصفات...يعنى ..أنا حابب حاجة خامتها حلوة بس عارف ان بالسعر ده مفيش زيرو .. عشان كده بسأل على أحوال اليارس مستعملة.
لو فى بديل مستعمل غيرها أوك بس ميكونش أكتر من سنتين تلاتة

**د.محمود صلاح** · 28-04-2010 07:57 PM

انا شايف حضرتك ميال لليارس .. ابحث عن واحدة حالة حلوة وتوكل على الله

**m_ramadan** · 29-04-2010 10:34 PM

ممكن 70000 تجيب بروتون ساجا فول اوبشن اوتوماتك لو مش حابب تقسط

**tamagogo** · 29-04-2010 10:45 PM

الياريس ياباني وجودتها ممتازه واستعمال سنتين او ثلاثه مش هياثر عليها.
لو لقيت ياريس مستعمله ماشيه قليل (30 الف مثلا) وفابريكه بره وجوه هاتها ولو مالقيتش هات لانسر بنفس الحاله ولو مالقيتش هات لوجان او ساجا اوتوماتيك