سؤال محيرني في الاكسنت 2010 اوتوماتيك

يا جماعة زرار الاوفر دريف محيرني

فيه ناس بتقول لما يبقى منور في التابلوه يبقى كده مقفول وهو ده الوضع الطبيعي

وفيه ناس تاني بتقول لما يبقى مطفي في التابلوه يبقى هو كده مش شغال

المشكلة ان اللمبة لما بتنور في التابلوه بتبقى شكلها كده o/d off

يعني مفروض الاوفر دريف مش شغال لما يكون منور في التابلوه

طيب المنطقي ان الزرار ميكونش مضغوط لما يكون الاوفر دريف مقفول

بس المشكلة انه لما بينور بيكتب off تحت كلمة الاوفر دريف o/d

انا مش فاهم ياريت تشرحولي الموضوع ده وياريت ايه فايدته بالظبط موضوع الاوفر دريف ده

الف شكر

لا ياباشا لما بيبقى مقفول ومش شغال اللمبة بتبقى مطفية
فايدتة ببساطه لانى مش خبير بس هوا بيدى عزم جامد للعربية وبتلاقى ال rpm على وتسارع العربية بقى احسن وده بالظبط كانك بتسقط نقلة فى المانيول
وفى انتظار التفاصيل من الخبراء

صح كده .. هو بيسقط نقله من الرابع للثالث عشان العربية تسحب بسرعة - للتجاوز مثلاُ - وما تنقلش للرابع الا لما تطفيه

overdrive=final gear

الطبيعي ان اللمبة متكونش منورة والعربية تنقل بين الاربع نقلات عادي

اما لما يكون off واللمبة منورة معناه ان العربية بتنقل بين 3 نقلات فقط والنقلة الخيرة مقفولة وده طبعا بيدي تسارع جامد

عشان لفات المحرك بتزيد جامد ود طبعا بعد ال 80 قبل كده مش هتحس بفرق

بالظبط زي واحد راكب مانيوال وماشي فوق ال 80 وجايب الرابع او الخامس وراح مسقط للتالت

الطبيعي ان العربية هتشد جامد لان ال rpm بيعلي جامد

الفكرة هي هي

الف الف شكر يا جماعة بجد انتوا انقذتوني من الحيرة اللي كنت فيها

من غير حيرة يا باشا اللمبة منورة يعنى شغال وتقدر تجربها بنفسك دوس على الزرار وانت ماشى واكيد هتحس بالفرق :driving:بس لو العربية لسة فى ال 1000 كيلو الاولى متشغلوش

ثانيه واحده بس ياجماعه

انتوا بتقولوا لو اللمبه منوره يعنى شغال

هو ايه اللى شغال مش فاهم ؟

الى صاحب الموضوع

لو اللمبه منوره ومكتوب OD Off دا معناه انك لاغى النقله الرابعه , والعربيه هايبقى اخرها التالت ودا مش الوضع الطبيعى

الوضع الطبيعى ان تبقى النقله الرابعه شغاله يعنى OD On يعنى اللمبه مش منوره

لا ياباشا الطبيعى ان اللمبة بتكون مطفية وده عن تجربة والكلام الموجود فى الكالتلوج انما لما بتكون اللمبة منورة فساعتها بيكون لاغى النقلة الرابعة

اقتباس:

---

المشاركة الأصلية كتبت بواسطة ahmedabutaleb

لا ياباشا الطبيعى ان اللمبة بتكون مطفية وده عن تجربة والكلام الموجود فى الكالتلوج انما لما بتكون اللمبة منورة فساعتها بيكون لاغى النقلة الرابعة

---

بالظبط هو دا اللى انا باقوله

http://www.nilemotors.net/Nile/54459-a.html

الموضوع ده مفيد اعتقد ممكن يفيدك
تقبل مرورى وتحياتى