ايقاف نور الفانوس اوتوماتيكيا

**nedaloo** · 29-04-2010 07:28 PM

ازيكم ياجامدين بدون مقدمات هدخل في الموضوع مباشرة في بعض العربيات لما يكون نور الفوانيس مشغل وتشيل المفتاح من الانجن بعد 5 ثواني هتلاقي نور الفانوس انطفئ اوتوماتيك دا بيحصل ليه? وممكن اعمل في عربيتي الواجا الموضوع ده? وبيتعمل ازاي عشان من يومين نسيت نور الفانوس مشغل ومشيت اجي تاني يوم عشان اروح للجامعة الاقي العربية مش بتدور , تحياتى

**mony10** · 29-04-2010 09:27 PM

الموضوع دا بيحصل من خلال الكمبيوتر الخاص بالعربيه ممكن يكون متوصل على انوار العربيه علشان كدا في عربيات لما تفتح العربيه بالريموت تلاقي انوار العربيه منوره وبعد شويه الأنوار تنطفي على سبيل المثال العربيات الالماني العاليه نور العربيه متصل بالكمبيوتر علشان كدا تلاقي الانوار بتنور بمجرد فتح العربيه او تنطفي بعد ماتقفلها بمده معينه.
اللنسر البومه لما بفتحها بالريموت نور الصالون بينور لمده معينه وبعد شويه يروح طافي بالرغم ان مافيش اي صله بين فتح السنتر ونور الصالون ولما النور بينطفي بتكون العربيه لسه السنتر مفتوح كل دا والابواب مقفوله والحاجه التانيه بعد ماتبطل العربيه وتشيل المفتاح الكمبيوتر بيفضل مدي تحكم في بعض حاجات لوقت صغير تقريبا دقيقه زي فتح وقفل زجاج الاربع ابواب وفتحة السقف لو الفتره المحدده عديت الكمبيوتر يفصل كل حاجه ولازم احط المفتاح وافتح الكونتاكت علشان اقدر اتحكم ف الفتح او القفل.
اعتقد سؤالك هيكون العربيه بتاعتك فيها كمبيوتر ولا لأ وفي الحالتين ممكن تعمل ايه بصراحه مش هعرف ارد عليك اكتر من كدا

**YHYAKOTB** · 29-04-2010 09:44 PM

الموضوع دة متعلق بالسنترلوك انا عندى كدة

**aymanmaly** · 29-04-2010 10:56 PM

انت عايز كدة فى نور الصالون ولا نور الفوانيس الخارجية؟

**nedaloo** · 29-04-2010 11:29 PM

ياجماعة انا قصدي نور الفوانيس مش نور الصالون

**nedaloo** · 29-04-2010 11:36 PM

استاذ موني انا عربيتي بروتون واجا وفيها كومبيوتر ويارب الموضوع دا يتنفذ

**charming** · 30-04-2010 08:09 PM

مينفعش تعملها لانها ليها علاقة بوحدة تحكم العربية اللى هية الكمبيوتر control unit
يعنى مثلا عندى فى عربيتى حاجة اسمها follow me home ودة اوبشن لو ربنا اكرمنا بفيلا او جراج جمب باب الشقة

ودة بيعمل اية لما تنزل من العربية و تخرج المفتاح بتضغت دراع النور للامام بفتحلك نور الفوانيس لمدة 30 ثانية مع كل ضغطة بحد اقصى 5 دقايق و بعدين يطفى و دة بيسمحلك انك تشوف و انت داخل البيت طبعا بعد ما تكون قفلت عربيتك كذللك نور الصالون بيفتح مع السنتر عشان و انتا داخل عربيتك تقدر تشوف الكونتاكت و متفضلش تحسسس

**mony10** · 30-04-2010 08:23 PM

عربيتك البروتون فيها كمبيوتر للتحكم في حاجات معينه فقط ولا يمكن اضافة اي تحكمات اخرى للكمبيوتر الا عن طريق تغييره او اضافة كمبيوتر آخر للتحكم بالانوار او اي شئ آخر حسب اختيارك وفي جميع الحالات اعتقد انها عمليه صعبه ومعقده ومكلفه ودا اللي بيميز العربيات الغاليه ان فيها امكانيات زي دي بتخلي ليها طعم مختلف حتى لو حبينا نعملها في عربيه عاديه بتبقى صعبه ومكلفه واعتقد مش هنوصل لنفس النتيجه

**misoalex** · 01-05-2010 02:34 AM

المشاركة الأصلية كتبت بواسطة charming

مينفعش تعملها لانها ليها علاقة بوحدة تحكم العربية اللى هية الكمبيوتر control unit
يعنى مثلا عندى فى عربيتى حاجة اسمها follow me home ودة اوبشن لو ربنا اكرمنا بفيلا او جراج جمب باب الشقة

ودة بيعمل اية لما تنزل من العربية و تخرج المفتاح بتضغت دراع النور للامام بفتحلك نور الفوانيس لمدة 30 ثانية مع كل ضغطة بحد اقصى 5 دقايق و بعدين يطفى و دة بيسمحلك انك تشوف و انت داخل البيت طبعا بعد ما تكون قفلت عربيتك كذللك نور الصالون بيفتح مع السنتر عشان و انتا داخل عربيتك تقدر تشوف الكونتاكت و متفضلش تحسسس

كلام سليم جداااااااااااا كنت عاوز اقول كده

**fadod** · 01-05-2010 03:05 AM

المشاركة الأصلية كتبت بواسطة mony10

عربيتك البروتون فيها كمبيوتر للتحكم في حاجات معينه فقط ولا يمكن اضافة اي تحكمات اخرى للكمبيوتر الا عن طريق تغييره او اضافة كمبيوتر آخر للتحكم بالانوار او اي شئ آخر حسب اختيارك وفي جميع الحالات اعتقد انها عمليه صعبه ومعقده ومكلفه ودا اللي بيميز العربيات الغاليه ان فيها امكانيات زي دي بتخلي ليها طعم مختلف حتى لو حبينا نعملها في عربيه عاديه بتبقى صعبه ومكلفه واعتقد مش هنوصل لنفس النتيجه

كل عربية ولها الكمبيوتر بتاعها إلي عليه الوظايف إلي مفروض بيعملها، وديه بتكون متواصلة مع الاوبشن بتاع العربية

عربيتي لما أدوس على الريموت بيفتح الباب وينور نور العربية فوانيس وصالون ويرجع الكرسي بتاع السواق لورا علشان يدخل مستريح ،ويفتح المرايات على الوضع إلي متخزن في الذاكرة، ممكن كمان أخزن وضع لفتح السقف والزجاج بس أنا مش حاطط داه. لما بدور الكرسي بيطلع قدام لوضع القيادة والنور بتاع الصالون بياخد 5 ثواني وبعدين يبتدي يطفي شوية شوية على 3 ثواني تانيين . نور الفوانيس لو نهار بيطفي ولو بالليل بيفضل منور.

أنا عندي نور في التابلوه لو فيه أي فردة كاوتش الضغض فيها أقل من 30 بينور أصفر ولو أكتر من 32 بينور أحمر ، معرفش الكلام داه موجود في bmw والالماني ولا الياباني بيحب يدلع أصحابه