الف شكر ليك يا باشا و الله يبارك فيك :)
ان شاء الله هانت :)
انهاردة 7-7-2010
فات 3 شهور ...
و مازلت بانتظار الخدمة !
علما بان في في ناس معايا في العمار نفس نوع الخط ... ركبوا ! و اشتغل خلاص !
عملت الف شكوى و قابلت مدير فرع مكرم عربيد ... لا فائدة .... ( تابعنا خلال اسبوع )
قدمت شكوى في جهاز تنظيم الاتصالات ... لا فائدة ...
رحت السنترال بنفسي من كام يوم و قابلت الفني او المهندس الخاص بte data و دول على امر الشغل بتاعي .. وقالي شكله كدة كان " منسي " ....
ووعدني انه حيركب يوم الاحد الماضي ... و طبعا ولا الهواء ...
المدام راجت امبارح و قابلت نفس الراجل .. و قالها انه كلمهم في فرع رمسيس و اكدوا انه حيشتغل انهاردة ( الثلاثاء ) ...
و لا فائدة و لا اتصال ...
كلمتهم تاني دلوقتي ز.. يقولي مش الفني لا يمثل te data وهما غير مسؤولين عن كلامه !
طب يا عم في مشكلة في خطي ؟؟؟ ايه المشكلة ؟؟
- مفيش مشكلة ... تابع معانا كمان اسبوع ...
زهقت !!! كلمت link dsl قالي بصراحة مفيش غير tedata الي بشتعل dsl علي خطوط onu !
انا زهقت بجد ... ابوس اديكم لو حد يعرف اي حد في te data يعرفلي ايه المشكلة !
هل هي مشكلة رشوة ولا علشان عملت شكوى في جهاز تنظيم الاتصالات ولا ايه بالظبط ؟؟؟؟؟؟؟
بص يا باشا انا عندي نفس مشكلتك ومقدم في فودافون والخط نحاس بس فودافون قالولي الخط مالهوش بيانات فنيه على النظام او الموقع عشان كده هما مش عارفين بوصلوه رحت السنترال طلبت البيانات الفنية قالولي يعني ايه بيانات فنيه وبعتوني لحوالي 7 مكاتب ومافيش فايده رجعت كلمت فودافون تاني قلتلهم ايه البيانات المطلوبه بالظبط قالولي القايم والموقع والبوكس رجعت السنترال قالولي موجوده في قسم المعلومات رحت قسم المعلومات قالولي مش من حقك تاخد البيانات دي شركة فودافون هي اللي تاخدها المهم اتصرفت وجبت البيانات وكبمت فودافون قالولي هانحاول بس لازم البيانات تخرج من هناك على ورقه رسمي او يحدثه قاعدة البيانات خلاص باه انا غلبت معاهم
رجعت السنترال تاني طلبت تحديث قاعدة البيانات عشان بيانات خطي تبقى موجوده قالولي مش من عندنا ده من وزارة الاتصالات ودي كانت النهاية
بص ياباشا الناس دى مبتجيش بالذوق مدام متاكد ان فى ناس فى العمارة ركبوا
يبقى عليك وعلى بريد الاهرام وعلى صفحة لغة العصر بتاعة الاهرام وظبطهم ميل متين واكد على انك بعت لمرفق الاتصالات ولا نتيجة
يمكن الموضوع ده يجيب نتيجة
بس ياريت تكون متاكد ان فى خطوط فعلا وانت بس اللى مدخلكش
لولولولولولولولولولولي !
زغروووووووووووووووطة !
ال ADSL ركب يا رجالة !
يوم الخميس بالصدفة بكلم TEDATA و لسة حتخانق مع الراجل ... لقيته بيقولي الخدمة اشتغلت عند حضرتك يوم الاربعاء !
قلتله و محدش بعتلي رسالة ليه ؟ قالي " معلش "
طرت على فرع مكرم عبيد استلمت الراوتر ابو البوم صور ده :P
وروحت البيت ! و وصلت و ركبت و عملت ال TESTs علشان كنت خايف نوع الخط ده يقلل في الكفائة ولاحاجة ..
الحمد الله ال SPEED TEST طلع 1.08 Mpbs للداونلود و الابلود 0.12 ( 128 يعني مش مهم ) .
و ال LATENCY مزبوطة و كله تمام!
تاني حاجة عملتها .... شلت ال USB بتاع اتصاللات ( لا مؤاخدة يا عم احمد ) و حدفته على اد مادراعي قدر يحدفه :P
اخيرا !
حكمل سنة جواز ... و لسة النت راكب ! :)
عقبال كل الي لسة .. و صدقوني .. لم الموضوع واقف في التركيبات ... روح السنترال و قابل الفني و كذا مرة ...
انا لولا مارحت السنترال عمري ماكنت حركب !
الف مبروك يا باشا
دي فعلا رحلة عذاب
الف الف الف الف الف الف مبروك بجد ... بصراحة أنا مش مصدق إنه خد الوقت ده كله .. ياللا الحمد لله ربنا يعوضك خير
أنا بقى لسة شغال على الـ يو إس بي بتاع إتصالات ... بس يعني ماكانش له لازمة تشيله وترميه على قد ما دراعك جاب .. برضه يعني في ناس معانا هنا ... :44: ممكن تزعل ... كنت رميته من الشباك وخلاص :B4_592:
إدعيلي بقى الشبكة عندنا تركب إحنا كمان ... سمعت إن هم إبتدوا حفر في المنطقة .. الله أعلم بقى هايوصلولي إمتى
بس أنا مش هاعمل زيك وأرمي اليو إس بي بتاع إتصالات لأني بحب شركة إتصالات :lovlie02[1]: حتى لو عندي النت الأرضي برضه هافضل مشغل اليو إس بي بتاعها :dzey:
Thanks alot:)
الله يبارك فيك :)
متشكر جدا :)
بس اتصلات كانت شغالة بالعافية عندي .. يوم ممتاز و يومين زي الزفت .. و اتصلات يقولولي اصلك في منطقة مش متوصلة كويس ... ( انا ساكن امام سيتي ستارز ) صباح الضحك يعني :)
مبروووووووووووووووووووووو ووووووووووووووووووووووووو ووككككك
ألف مبروك أخى عقبالنا كده يا رب
وعقبال كل المزنوقين هنا
أ.أحمد فى امل ولا نسيتنى
قووووووووووووووول يا رب
حالى من حاله وانا اقول جايز لو أشتركت حد يحللى مشكلتى مع تى داتا بقالى 26 يوم ولاحيات لمن تنادى
الرد: يافندم فىخلال 24 ساعه هيكون الخط شغال.