المشاركة الأصلية كتبت بواسطة Meggieboy
موضوع التبديل ده فكرته ببساطة إن وزن العربية متركز أكتر قدام (موتور و باقى الأجزاء التقيلة...) أما ورا فالوزن أقل...
فبتلاقى دايما التأكل أزيد فى الكاوتش الأمامى عنه فى الخلفى...يعنى عمق النقشة قدام بيبقى أقل من ورا...و ده مش صح...
فللمحافظة على التأكل المنتظم فى الأربع عجلات و الحصول على أقصى أداء للعجل فى خلال عمره الإفتراضى...المفروض حضرتك كل 10000 ترجع الفردة القدام يمين ورا شمال....و الفردة القدام شمال ورا يمين....مع ترصيص الأربع فرد كل 10000.
بالطريقة دى هتحصل على أعلى أداء للكاوتش و هتطول عمره الإفتراضى و التأكل هيبقى منتظم فى الأربع فرد...و كمان أعلى أداء للعربية و العفشة....
أرجو إنى أكون قدرت أوضح لحضرتك....