سأل الله العظيم رب العرش العظيم أن يشفيه ويجعله فى ميزان حسناته ويخفف عنه ويرزقه الصبر والاحتمال سبحانه أنه ولى ذلك والقادر عليه
عرض للطباعة
سأل الله العظيم رب العرش العظيم أن يشفيه ويجعله فى ميزان حسناته ويخفف عنه ويرزقه الصبر والاحتمال سبحانه أنه ولى ذلك والقادر عليه
ربنا يعجله بالشفاء ان شاء الله
اللى عايز يساعده او يزوره ومش قادر علشان السفر والوقت ممكن يعمل حاجه جميله اوى
يخرج اى مبلغ لوجه الله بنية ان ثوابه لشفاء اخونا محمد جمعه
داوو مرضاكم بالصدقه
يارب يشيل عنه بس انا والله مشغول قوي بس هحاول ان شاء الله اروح
تقرير عن يوم 3/5/2010
توجهت وبمرافقتي 2 زملائي من الشركة
ووجدت هناك 3 أعضاء من المنتدى
وبعد عمل التحيليل اللازم لم يتم الموافقة الا على شخصين لعمل تبرع صفائح
وعند الفحص النهائي لحالة العروق استبعد شخص منهم ووافقوا على الاخر
وتبرع 5 أشخاص بالدم وتبقى السادس ليذهب يوم الاربعاء بميعاد مسبق لضيق الوقت بعد الساعة 6 ولطول عملة التبرع بالصفائح لتصل مدتها الى 1.30 ساعة
والله كان أحد الاعضاء وريده ضيق جدا وكان الموضوع مؤلم بالنسبة له وأصر على التبرع وكان أحد الاعضاء أيضا هزيل جسمانيا وكان احتمال ظهور انيميا لديه لكن ستر الله وتم التبرع
ملاحظات :
بعد المناقشة مع المسئول عن التبرع اتضح لنا الاتي :
1- المريض محتاج لكمية صفائح الفترة القادمة بشدة وبكمية اكبر من الحالية
2- خلال الايام الماضية لم يتوجه أكثر من حوالي 25 شخص فقط للتبرع (هذا على لسان المسئول عن التبرعات)
3- اذا لم تفلح التحليلات للتبرع بالصفائح فيجب عليك الموافقة فورا على التبرع بالدم لان كل 6 أكياس دم = 1 كيس صفائح
وبالصدفة وجدت أحد الاعضاء رفض تماما التبرع لانهم رفضوا تبرعه بالصفائح
4-بالنسبة للناس اللي بتخاف من الحقن والكلام ده انا عن نفسي والله اول مرة اتبرع وكنت مرعوب وقلبي هيقف والله بس الحمد لله وبجد والله الموضوع ابسط مما كنت أتخيل لان الهدف كبير (عن ثقة وتجربة الممرض اللي هنا ايده خفيفة جداااااااااااااااا ولا هتحس بيها والاهم علشان متتخضش متبصش على ايده وهو شغال)
5-بجد اتعرفت على 3 أعضاء حسيت والله انهم من أنقى الناس واحسنهم خلقا على وجه الارض ربنا يديم المعروف بيننا يارب
6- كل واحد معرض فيه او في حد من أهله أو أقربائه يكون في الموقف ده فياريت نكون إيجابيين أكتر من كده
7- في حالة لا قدر الله لو منفعش التبرع لا بصفائح ولا بدم يمكن شراء كيس دم ب 50 ج وأخد الكارت ووضعه في حساب المريض (والله أحد الاعضاء أمس لم يوافق الممرض على تبرعه مطلقا بالصفائح كان يريد شراء كيس صفائح ب 600 ج ) بس ياريت من غير ما يبلغ اهل محمد بأننا اشترينا حاجة ويسيب الكارت في مستشفى الزراعيين او يوصلع نبنفسه لاهل المريض وكأنه اتبرع بالدم فقط حتى نرفع عنهم الحرج خصوصا واضح انهم ناس عفيفة
والله الموفق
لظروف السفر مش هاقدر اساعد بالدم بس ممكن حد يقولي ازاي اساعد ماديا
انا اتصلت بالرقم الموجود (0145524268) و ردت عليا تقريباً زوجته و هي بتقوللي ان بعد التبرع بالصفائح بآخد كارت و المفروض اوصله للمريض أو لأهله علشان يتم الاستلام بيه و لكن لأن فيه كذا واحد اتبرع ليه فأصبح المتبع ترك الكارت ده بعد التبرع في المستشفى (مستشفى الزراعيين) و هي بتعدي كل فترة و تستلم التبرعات دي,
ربنا يسهل و إن شاء الله هروح النهارده علشان أتبرع.
لو سمحتولى اقترح غلق هذا الموضوع وضم المشاركات الى فيه الى نفس الموضوع بالقسم الاجتماع وطبعا ربنا يجازى صاحب الموضوع خير على انه كان سبب بتعريفنا بازمه اخونا محمد جمعه
عشان أنا لما كنت عاوز اعرف تفاصيل واماكن التبرع اضطريت اقرا الموضوعين مشاركه مشاركه واخذ من المشاركه ديه معلومه وديه معلومه تاينه
ويا ريت كمان يتم جعل المشاركات التى تحتوى على معلومات التبرع فى بدايه الموضوع خاصتا أنه من المتوقع أن صفحات الموضوع هتزيد جدا
أنا عارف أنى باثقل على الاشراف بس أن شاء الله ربنا يجعله فى ميزان حسناتهم ويجازيكم خير جميعا
أنا الحمد لله النهارده شرفت برويه استاذ محمد جمعه لاول مره فى المستشفى وأنا حاسس أنه ماشاء الله حالته معقوله و السيده زوجته بتقولى الحاله معقوله بفضل من الله بس المشكله أن النزيف مستمر والتبرع مهم جدا فى الوقت ده
ربنا يشفيه يا رب