الحمد لله انا رجعت من المستشفى النهارده و ما شاء الله تفاعل الأعضاء أكتر من ممتاز. طبيب المستشفى مستغرب من الناس اللى بتيجى و تتبرع للأسم ده من غير ما تعرفه شخصيا.أنا لما روحت كان فى طبيبة إمتياز و شخص إسمه محمد إبراهيم أو إسماعيل مش فاكر بيتبرعوا و الدكتور قالى هما كمان ميعرفوش المريض و جايين من منتدى نايل موتورز. و فى طريقة كمان ممكن نساعد بيها أنا عملتها فى حالة إن المتبرع مينفعش يتبرع إنه يروح الى vacsera ويشترى منها كيس دم (بس محتاج يروح لقسم السيزيوم فى القصر العينى الأول علشان ياخد العينه و الطلب) و بعد ما يشتريه يروح للقصر العينى بالكارت الأخضر لتسجيلة بإسم المريض.هى أصعب شوية فى إجرائتها من التبرع بس ممكن لو مارضيوش ياخدوا منك.
و أى تفاصيل فى هذا الموضوع أنا تحت أمركم.
ملحوظة: كسبنا عضو جديد و هو طبيب المستشفى و حينضم للمنتدى لما شاف قد ايه الناس متفاعلة مع بعضها و بتساعد بعض حتى من غير ما نعرف بعض شخصبا. و ده أكبر دليل على نجاح المنتدى و أعضائه.
المفضلات