أستغاثه للتبرع بالدم لزميل لنا بالمنتدى-عاجل جدا

**alashwat** · 04-05-2010 12:05 AM

مع التمنيات بالشفاء

**jojowork1** · 04-05-2010 12:31 AM

يا جماعه انا في اسيوط ناو مش هاقدر اساعده بس لو حد هايجمع فلوس او اي مساعده ماديه او معناويه اقدر عليا انا معاكم بس حد يقولي اقدر اعمل ايه

**shadyshehata** · 04-05-2010 12:48 AM

اسأل الله العظيم رب العرش العظيم ان يشفيه ....
اسأل الله العظيم رب العرش العظيم ان يشفيه.....
اسأل الله العظيم رب العرش العظيم ان يشفيه

**tarekmomo** · 04-05-2010 12:57 AM

يا شباب الدم المطلوب اتجمع ولا لسة ولو لسة يا ريت حد يبعتلى على الخاص ويدينى اسم الاخ الى هنتبرعلة والمكاان

**zkralla** · 04-05-2010 01:47 AM

المشاركة الأصلية كتبت بواسطة tarekmomo

يا شباب الدم المطلوب اتجمع ولا لسة ولو لسة يا ريت حد يبعتلى على الخاص ويدينى اسم الاخ الى هنتبرعلة والمكاان

التبرع باسم
الاستاذ / محمد جمعه كامل
تبرع صفائح دمويه

المكان :
بنك الدم - بمستشفى الزراعيين
1ش النهضه - الدقى
بجوار سنترال الدقى
حوالى 150 متر من محطه مترو الدقى
التبرع من الساعه 8 صباحا الى الساعه 8 مساء
تليفون
33377665
33377670
33377674
33377677
داخلي:
123
122
120

**AbuHusam** · 04-05-2010 02:50 AM

أؤكد لكم جميعاً إن أكتر شيء في الدنيا بيسعد محمد دلوقتي هو إننا نزوره أو نكلمه..
محمد حالته الجسدية سيئة جدا وكان بينزف من ساعات واحتاج إلى كيس صفائح إضافي في منتصف الليل.. العلاج الكيميائي بيهد الجسم.. وما تتصوروش قد إيه السؤال عليه وزيارته أو الاتصال بيه بيخفف آلامه وبيسعده.. من أسعد لحظاته لما جاتله مكالمة من خارج مصر من واحد ما يعرفوش وبيطمئن عليه وفضل يدعيله بالشفاء..
يعني اللي من خارج القاهرة لو يقدروا يتصلوا بيه وده هايبقى عنده أغلى بكتير من أي مساعدة مالية..
وأؤيد بشدة كلام الأخوة خصوصاً أ/ محمد عويس والدكتور شريف حول ضرورة التبرع بصفائح.. ولما يكون فيه رصيد في بنك الدم نأجل التبرع يوم أو اثنين.. برغم إنهم فعلاً لو أخدوا مننا دم بيتحسب رصيد لمحمد ويعطوه بدلا منه صفائح.. لكن المشكلة إن الصفائح دي مش متوافرة بسهولة.. علشان كدة اللي يصلح للتبرع بالصفائح لو اتبرع دم يبقى ضيع فرصة إنه يقدم صفائح مباشرة لمحمد.. وكمان الصفائج ممكن تتبرع بيها تاني بعد أسبوع أو 10 أيام.. لكن لو اتبرعت بدم لازم تنتظر من 21 يوم إلى شهر علشان تتبرع بصفائح..
ولأن موضوع محمد محتاج كميات صفائح يومياً فياريت نتمسك بإن التبرع يكون صفائح وإلا نأجله لوقت تاني..
علشان كدة باقترح إن اللي ناوي يتبرع إن شاء الله يتصل الأول على بنك الدم في مستشفى الزراعيين علشان يتأكد مطلوب التبرع ولا فيه رصيد كفاية..
وفيه اتجاه آخر وهو مستشفى الشبراويشي.. عرفت النهاردة من زوجة محمد إنهم أحياناً بيحتاجوا صفائح من الشبراويشي بالتحديد.. لأنها بتكون صفائح مزودة بجرعة إشعاع.. بس حالته وحالتها النهاردة ما كانتش تسمح بالسؤال عن الموضوع ده.. بكرة إن شاء الله نعرف التفاصيل ولو فيه حاجة جديدة مطلوبة هاقولكوا.. والله المستعان

**AbuHusam** · 04-05-2010 03:26 AM

[justify]أقترح نعمل موضوع جديد اسمه "المتبرعون لمحمد"
بحيث نجمع فيه أسماء وتليفونات كل اللي لسة ما اتبرعش وعنده استعداد للتبرع عند الضرورة بصفة عاجلة.. أو اللي يحاول يتبرع ويكون فيه رصيد لمحمد والتبرع مش مطلوب ومش هايروح ولا يتصل ببنك الدم.. أو اللي اتبرع خلاص ومستعد يتبرع تاني بعد 10 أيام أو أكتر.. أي حد من دول ممكن نسجل اسمه وتليفونه علشان نستدعيه لو الظروف تأزمت.. فما رأيكم؟
لو الاقتراح مقبول يبقى يتعمل في موضوع منفصل وأقترح على الإدارة وضع الرابط بتاعه مع كل المشاركات في موضوعنا الحالي (الاستغاثة) علشان تبقى قائمة الأسماء والتليفونات بس هي اللي في الموضوع.. وأنا ممكن أجمع الأسماء وأحدثها أولاً بأول.. ويكون فيه نسخة جاهزة دايماً مع زوجة محمد ونسخة تانية معانا..
وأعتقد ده كمان هاينفع في أي مساعدة أخرى ممكن نحتاجها لمحمد غير التبرع.. زي مشاوير نقل الصفائح مثلاً وخلافه.. وبعض الأخوة الكرام قاموا مشكورين بالاتصال بي وتأكيد استعدادهم للقيام بأي دور وبعضهم راح لمحمد بالفعل وقام بالواجب وبما ساعدهم الله عليه من دور ومساندة أخوية.. بعضهم أخفى دوره وتحركاته وبعضهم أعرف اسمه مثل الأخوة هشام رمضان وهيثم وإيهاب ود/ شريف وكل منهم أبدى استعداد صادق لأي معاونة ده غير اللي عملوه بالفعل..
فما رأيكم في توسيع دائرة المتطوعين؟ وإعداد قائمة بها تكون جاهزة سواء للتبرع أو لغيره؟؟
وأنا على ثقة إن القائمة المقترحة ستكون مجرد قائمة احتياطية عند الضرورة وإن السادة الأعضاء هايفضلوا على حماسهم وإصرارهم على التبرع لمحمد.. لأن المسألة لا تحتمل إننا كلنا ننتظر استدعاء أو طلب..
وفي النهاية ده اقتراح ممكن تطوروه أو ترفضوه وفي انتظار رأيكم ورأي إدارة المنتدى..[/justify]

**Karim_Monir** · 04-05-2010 10:35 AM

المشاركة الأصلية كتبت بواسطة samehrashed

[justify]أقترح نعمل موضوع جديد اسمه "المتبرعون لمحمد"

وفي النهاية ده اقتراح ممكن تطوروه أو ترفضوه وفي انتظار رأيكم ورأي إدارة المنتدى..[/justify]

ادارة المنتدى ترحب باي اقتراح يفيد محمد
تقدر تعمل موضوع في الاجتماعي وسنقوم بتثبيته لعموم الفادة وسهولة التواصل وجزاك الله كل خير انت ومن سيشارك ان شاء الله