اتصلت باثنين صحابى بالتليفون او الصراحه اتصلت باكثر بس انين بس هما الى ابدو استعتداد للتبرع فورا - الكلام ده بعد ما كلمت بنك الدم وقتلتهم ان زوجتى عاوزه تيجى تتبرع صفايح لاستاذ محمد جمعه بس نسبه الهيمجولبين عندها 10 على حسب اخر تحليل قالولى مينعش الى عنده انمييا يتبرع ولا حتى بدم
رحنا انا وصحابى الاثين على بنك الدم وللاسف برضه واحد بس الى سمحوا له بالتبرع والثنى طلع عنده انميا والدكتور مرديش يخليه يتبرع حتى قبل التحليل وحاولت اقتع الدكتور أنه يأخذ احتياطه بالنسبه ليا ويخلينى اتبرع بس رفض رفض تام وشبه طردنى بعد ما الحيت عليه فى غرفه التبرع وقالى من فضلك سيبنى اشوف شغلى
صاحبى الى اتقبل العينه بتاعته خدو منه دم بس مش صفايح
ك الكلام ده محبط طبعا عشان الموضوع رسى فى الاخر على كيس دم واحد
الخبر الكويس أن الدكتور قالى أن رصيد محمد الحمد لله بعد ما كان فيه عجز ثلاث اكياس اتغطى لان اثين مش عارف - الدكتور يعنى - ولا أنا طبعا بس ربنا يجازيهم خير ويبارك فى صحتهم وصحه اولادهم راحو النهارده ودفعوا ثمن ثلاثه اكياس وواحد راح اتبرع (واحد ثانى طلع من قائمه المتفرجين )
أنا يا جماعه والله عارف ان فيه ناس ظروفها تمنعها وناس بعيده بس اكيد الى خلانى انفعل فى المشاركه الى فاتت أنى لما سمعت أن حاله محمد متأخره وانه عاوز دم والا.. قعدت والله ابكى زى العيال الصغيره مش عارف ليه وكأنه اخويه فعلا
كل انفعالى انصب على الناس الى واخده موقف سلبى والله العظيم ما فيه ضياع وقت ده هيبقى فيه بركه فى الوقت وربنا هيعوض ال 3 ساعات ب 30 ساعه ويمكن 300 او 3000 هينع عن الى هيساعد مرض يمكن يبارك فى ابنه أو ينقظه من ضائقه كبيره ولا ولا .. أنا بتكلم على الدنيا وما بالكم بالاخره
ده ربنا يا جماعه الى هيرضى يعنى كل مش حسنى مبارك ولا احمد نظيف
دور الواعظ مش بيليق عليا بس والله الحال الى وصلنا ليه محتاج وعاظ كتير سواء بالكلام او بالمثل والقدوه
طولت بس عاوز اتكلم عشان اطلع الانفعال الى جوايه واستريح
وأسف أنى احتديت وبشكر استاذ علاء الى اتكلمت معاه فى التليفون امبارح واستاذ سامح واستاذ هانى ودكتور شريف واكيد الاستاذ كريم منير الراجل الطيب
المفضلات