أستغاثه للتبرع بالدم لزميل لنا بالمنتدى-عاجل جدا

**aif** · 02-05-2010 11:11 PM

مكان المستشفى بالتفصيل ( المستشفى اللي فيه محمد ) القصر العيني القديم وحدة السيزيوم
لو انت جاي من المنيل ... قبل كوبري الجامعة على يمينك مسجد صلاح الدين .... تدخل يمين في الشارع اللي بعد المسجد مباشرة ... ح يبقى على يمينك المسجد وعلى الشمال مسرح فاطمة رشدي
تمشي طوالي لمسافة حوالي 800 متر لغتية ما تلاقي علة شمالك كلية السياحة والفنادق وبعديها على طول ظهر فندق جراند حياة ..... ح تلاقي على يمينك وحدة علاح امراض الدم والطب النووي واسمها الدارج ( وحدة السيزيوم ) محمد في الدور الثالث قسم الرجال - العناية المركزة
لو انت جاي من عند حديقة الحيوانات يبقى تعبر كوبري الجامعة وتدخل شمال من قبل مسجد صلاح الدين وتكمل نفس الوصف
موعد الزيارة الرسمي لغاية الساعة 4 العصر
انت كنت عنده النهاردة وهو معنوياته مرتفعة وامله كبير في الشفاء برحمة الله ودايما مبتسم وصابر على الابتلاء ... ربنا يجزيه اجر الصبر على البلاء
انا بلغته سلام جميع زمايله في نايل موتورز ودعواتهم ان ربنا يشفيه .... وهو بيسلم على الجميع وبيشكراهتمامكم ومجهودكم ودعواتكم
ووالدته طلبت مني اننا نصلي ركعتين قضاء حاجة وندعي ربنا يشفيه .... ياريت ننفذ الكلام ده ..... عسى ان يكون منا من يستجيب الله منهم
اللي يروح الزراعيين ممكن يسيب الكارت بتاع التبرع هناك وهما بيجمعو الكروت ويبعتوها آخر اليوم مع حد من اهله
اللي بيقبلو منه التبرع بالصفائح لازم يكون عدد الصفائح عنده مناسب ... وكمان لازم يكون شرايينه قوية .... انا للأسف شراييني طلعت ضيقة وما رضيوش ياخدو صفائح حتى بعد المقاوحة .... خدو دم فقط
الشروط دي بتبقى متوفرة في الشباب اكتر .... ياريت الزملاء اللي اعمارهم في العشرينات يروحو يتبرعو صفائح ....... والتبرع بالصفائح بيستغرق وقت يمكن ساعة ونصف .... علشان اللي يروح يبقى عامل حسابه في الوقت
.........
ربنا ينعم عليه بالشفاء ويرجع يشارك معانا هنا باذن الله

**samirayad** · 02-05-2010 11:30 PM

المشاركة الأصلية كتبت بواسطة shikh_khaled

السلام عليكم ورحمة الله وبركاته

الأخ الفاضل المهندس / سمير , الأخ الحبيب الأستاذ كريم , الأخت الفاضلة / أم حماس

جميع الإخوة والأخوات الأفاضل والفضليات جزاكم الله وجزاكن خيرا وجعله في خالصا لوجه الله

الكريم

اليوم في حلقة تحفيظ القرءان , شرحت للشباب الحالة , وحثثنهم علي التبرع بالدم , وزيارة

المريض , وذكرتهم بأحاديث الصادق المصدوق صلى الله عليه وسلم الحاثة على ذلك

وإن شاء الله نذهب جميعا

وأكرر لي طلب عند الإخوة الأفاضل والأخوات الفضليات وأبدأ بنفسي

1 - أن يخرج كل منا صدقة بنية شفاء أخينا محمد فالحبيب صلى الله عليه وسلم يقول " داووا

مرضاكم بالصدقة "(صحيح الترغيب عن أبي أمامة رضي الله عنه)

2- أن نقوم الليل ونخلص الدعاء له بالشفاء , لقول الحبيب صلى الله عليه وسلم "عليكم بقيام

الليل ، فإنه دأب الصالحين قبلكم ، و قربة إلى الله تعالى ومنهاة عن الإثم و تكفير للسيئات ،

ومطردة للداء عن الجسد " ( صحيح الجامع عن بلال و أبو أمامة و أبو الدرداء و سلمان و

جابر بن عبدالله رضي الله عنهم )

هذا والله مجرب مرارا ( وثقة في الله لن يمر وقت طويل إلا وسيشفي أخونا محمد بإذن الله)

اللهم اشف كل مريض وعاف كل ميتل واهد كل ضال وأرشد كل حيران

والشيء بالشيء يذكر الدال على الخير كفاعله حديث شريف صحيح رواه الألباني عن بن

عباس وأنس رضى الله عنهم عنه صلى الله عليه وسلم

الأخ الفاضل المهندس / سمير جزاك الله خيرا

خالص شكرى لأخونا الفاضل

الشيخ خالد

على هذا الكلام الطيب

وأكثر الله من أمثال حضرتك

فالحق يقال

لم ألتمس فيك الا النموذج المحترم والفاضل

الذى يجب أن يكون عليه كل مسلم

وأرجو من الله أن يهدينا جميعا ويشملنا بهدايته وعفوه ورحمته

لك منى خالص التحيات أخى الفاضل

وجزاك الله كل خير فيما تقوم به من أعمال الخير

______________________________

وحقا الكلمه الطيبه كالدواء الناجح
والكلمه الخبيثه كالسم القاتل

**lido_pink2000** · 02-05-2010 11:44 PM

اللهم اشفه شفاء لا يغادر سقما

**temokemo** · 02-05-2010 11:47 PM

اصلي الي الله ان يشفية

**icehearted girl** · 03-05-2010 12:03 AM

لسه جية من هناك وابتدي في الكيماوي النهاردو وهيقعد عليه فترة

هو الحمدلله نفسيته كويسة جدا ووصلتله سلامكم فرد فرد

وهو بيسلم عليكم فرد فرد

والشخص اللي راح النهاردة من نايل موتورز مشوار الدقي بدل زوجته بصراحة هو شال عنها حمل كبير ولو انها مستحية جدا انها تتقل علي اي شخص

فياريت لو حد يلاقي عنده المقدرة يروح

خصوصا اني لما سبتها كان احتمال يحتاج صفايح تاني فمنتصف الليل وهي هتروح لوحدها

حاجة كمان بخصوص البعض اللي سأل عن امكانية شراء الصفائح دي

انا سالتها قالتلي انها بتروح تشتريها بجواب من الطبيبة اللي هناك

نا هحاول اتاكد بكرة باذن الله الجواب دا شرط اساسي ولا ممكن اي حد يعرف حالته يجيب الصفايح دي

زوجته برده كانت راففضة لكن اقنعتها شوية ان دي مش مساعدة مادية ولكن في بعض الاعضاء ايديهم قصيرة عن التبرع وعاوزين يساعدوا

كمان عرفت ان فرق سعر وحدة الصفايح بمتبرع ام لا هو 100 جنيه

30 جنيه دي زمان ايام مكان بيشتروه ملفرنساوي

يعني اعتقد فرق المبلغ يستاهل

وفلمرحلة الجية كمان طول مهو بيتلقي جرعة الكيماوي محتاج جرعات اكتر بصفةمستمرة

**khpopo** · 03-05-2010 12:23 AM

المشاركة الأصلية كتبت بواسطة lido_pink2000

اللهم اشفه شفاء لا يغادر سقما

اللهم امين يارب العالمين

**AbuHusam** · 03-05-2010 01:03 AM

[justify]محمد دلوقتي بياخد جلسة الكيماوي وحسب كلام زوجته الجلسة هاتنتهي تقريباً 8 الصبح.. والمؤكد إنه ها يحتاج صفائح مع نهاية الجلسة.. ويمكن قبلها يعني خلال الساعات القادمة
أنا اتفقت مع زوجته إنها لو احتاجت إحضاء الصفائح من دلوقتي ولغاية الصبح تتصل بي للحضور وتوصيل الصفائح علشان ما تتحركش لوحدها في الوقت المتأخر ده..
وأرجو من السادة الأعضاء اللي وقته يسمح الصبح يعني الساعة 6 أو 7 أو 8 لو يقدر يوقم بعملية استلام الصفائح وتسليمها لهم فلا يتردد.. المطلوب بس الحضور إلى القصر العيني في المكان اللي وصفه أحد الأخوة قبل قليل.. وهايخد كوبونات الاستلام من زوجة محمد ويروح مستشفى الزراعيين يستلم الصفائح ويرجع بيها للقصر.. المسافة مش طويلة ومش هاتاخد وقت بالمرة.. لكن للأسف أنا مش ها اقدر أقوم بالمهمة دي الصبح.. فأنا استاند باي تحت الطلب في حالة الاحتياج للصفائح بالليل من دلوقتي ولغاية الصبح.. واللي يقدر يوصلها الصبح يبقى كتر خيره..
وأنا اتفقت مع زوجة محمد إنها تبعت الكوبونات كلها مع أول واحد هايروح علشان تبقى موجودة دايماً في الزراعيين.. بحيث وقت ماتحتاج صفائح أي حد مننا يقدر يروح ويستلمها ويوصلها مرة واحدة بدل ما يضطر يروح القصر الأول ياخد منها الكوبونات وبعدين يجيب الصفائح ويرجع تاني.. وهي وافقت على الاقتراح ده..
واللي عنده استعداد منكم للقيام بالمهمة دي سواء بكرة أو في أي وقت بعد كدة (المشاوير يومياً مرتين وأحياناً تلاتة) يبقى بيكسب ثواب كبير وبياهم برضه في مساعدة محمد عن طريق التعجيل بتوصيل الصفائح وتخفيف العبء عن زوجته الحامل..
أنا وضعت رقم تليفون السيدة زوجته في مشاركة سابقة وده رقم تليفوني للي حابب يستفسر عن أي حاجة أو اللي عنده استعداد يروح الصبح بكرة.. فقط يكلمني الصبح الساعة 7 علشان يتأكد إننا ما رحناش بالفعل واستلمنا الصفائح بالليل:
0113319990
واللي يفضل يكلمها مباشرة سواء بكرة أو في أي وقت تاني علشان يشارك معانا في مشاوير توصيل الصفائح ده رقمها مرة تانية:
0145524268
وشكر جزيل لسرعة استجابة الأخ hramadan وزوجته لدعوتنا بالتواجد والتخفيف عن محمد وزوجته.. وهو ده المتوقع من أعضاء المنتدى الكرام مع أخ تقريباً كلنا ما نعرفوش شخصياً.. لكن كل واحد فينا كان ممكن يبقى في مكانه.. اللهم لطف بنا جميعاً وارحمنا من شر ما نعلم وما لا نعلم.. آمين[/justify]