مداخله : معكم على الهاتف مواطن مصرى قرفان عايز يقول كلمتين
بخصوص الدونيه ايوه كل مصرى هو مواطن درجه تالته لاى مواطن عربى و مواطن مالوش اى حقوق ولا ايه اى صفه ولا ليه اى لازمه اصلا غير انه اجير بيشتغل عندهم و بيدوه فلوس و لو فيه واحد هندى من غير دين يعمل الشغل ده يبقى الهندى احسن ميت مره
ليه الكلام ده
عشان احنا من اقذر الشعوب فى التعامل مع بعض من اول السفاره اللى فى اى دوله عربيه لغايه المواطنين اللى موجدودين
اى واحد مصرى ممكن يبيع زميله المصرى عشان قرشين و كل العرب فى اى حته ايد حتى السودانيين اللى سبحان الله احنا بنبصلهم نظره دونيه
فى اى دوله ممكن يبيعك عند اللى مشغلك عشان ياخد هوه زياده قرشين و يقوله انا اقوم بشغله و مالوش لازمه اتنين و ووفر
المصرى يروح و ينصب عليهم و يعمل فتك و يسرق ده و ينصب على ده ولما يفهموا انهم كانوا فى الطراوه يقولوا على اى مصرى انه حرامى و انه نصاب
المصرى اللى بيقبل يبيع بنته بكام الف عشان واحد عجوز متصابى عايز بنت صغيره كل واحد من دول بيفهم اى عربى ان احنا بنبيع بناتنا
القذاره اللى فى شارع الهرم فاتحه عشان العرب و عشان فلوسهم و عشان نقولهم ان احنا شعب قذر
اى واحد عربى مايسواش تلاته نكله و يتلم عليه كل حرامى و كل شحات عايز ياخد منه فلوس بيقول للى يسوا وللى مايسواش ان احنا شحاتين
كل سواق و كل واحد قدم خدمه لعربى و ضارب سعر فى العالى استغلالا لانه عربى و يقعد يحكيله حكايات مالهاش معنى عشان يصعب عليه و يديله فلوس هو فى الواقع بيفهمهم ان احنا استغلاليين و كمان نصابين و كمان شحاتين و كدابين
لو عربى او اجنبى خبط مصرى و موته ولو حته 10 مصريين واقفين مستنيين اتوبيس فى حضن الحكومه ماحدش يقدر يسأله انت عملت ايه و هيبات فى بلده فى حضن امه قبل حتى مايوصل اللى ماتوا للمستشفى -
ده معناه ايه يا ابن بلدى؟ معناه ان انت ببلاش و ممكن لو ربنا وفقك ناخد من الشيخ كام باكوا مقابل عمرك اققل من الى بيدفعه فى بلده لو قتل جمل شارد فى يوم حر و بيدور على ميه يشرب عشان العيال عطشانين
ده لو حمار -- شوف لو حماااارررر و بيشوف ناس بالمنظر ده اققل حاجه يبصلهم بدونيه
و ال ايه بيسألونى عنك يا نور عيونى