و الله نفس الشعور بجد موضوع يحرق الدم
عرض للطباعة
ممكن كمان نبص على الموضوع ده ويا ريت ياخد اهميه ذى ما الموضوع ده اخد اهميه انا شايف ان اغلب التعليقات بتقول مش علشان هو مصرى احنا بنتكلم كل يوم والتانى بيحصل اكتر من كده بكتير فى مسلمين واشراف ومقاومين والمدافعين عن الدين والارض والشرف والكرامه يمكن المصرى ده اكثر الناس لا تعلم اذا كان اخطأ ام لا ولكن ارجو ان يكتب كل يوم موضوع عن ما يحدث ضدنا من اعدائنا
.. من هي دلال المغربي الذي مثل باراك بجثتها؟؟؟؟؟
أنا كما ن عاوز أقول حاجة تانية مهمة جدا ، وهي أنه في الماضي كانت الإهانة للمصريين تفسر دائما على انها حالات فردية، ولكن بعد موقف الجزائر ولبنان أصبحت الصورة الان واضحة تماما، ولا تحتاج الى تأويل لما يكنه لنا هؤلاء، والبقية تأتي كي يظهروا على حقيقتهم .... واللهم اكفينا شر الفلاسفة أصحاب النظرات الثاقبة الذين يرون ما لا نراه ويسمعون ما لانسمعه ..... عموما دا مجرد رأي شخصى والله أعلم
أنا شايف إنى مش هفكر بالقطعة ولا هحكم حكم استراتيجى بموقف عمله مجموعة من حثالة الكائنات الحية
كلام الغاضبين عن عدم التعاطف مع الشعوب المقهورة أو المحتلة بواسطة أعدائنا الحقيقيين كلام عاطفى وغير عقلانى ويؤدى لضرر كبير
من الممكن أن أتفهم جدا حقنا فى القصاص لكن أبدا لا أوافق على تعميم الشعور بالعداء للشعوب الأخرى بل وتشجيع أعدائنا على الاعتداء عليهم .. منتهى السطحية والانزلاق وراء الأفخاخ مننا لو دا كان رد فعلنا.
إستفسار ....؟
لماذا لا تنظم الأحزاب المصرية اللى كل يوم عاملة مظاهرة ، وتقوم بتنظيم مظاهرة سلمية أمام السفارة اللبنانية والإحتجاج على تقصير وتؤاطو السلطات اللبنانية في هذه الجريمة البشعة؟
.... لو سمحتوا حد يرد عليا أقبل ما أتجنن ....
جايبيين أبوه على القاهره اليوم دلوقتي و الله الواحد هيتجنن
هيتجنن
أمه لسه فاكراه من 4 شهور بعد 34 سنة نسيان و بعديها يسافر لبنان يلبس قضية قتل
و الله فيه إن
[QUOTE=factorialx;3872612143]حضرتك ممكن تعمل موضوع جديد عنها
كل الشكر والتقدير لكلام حضرتك ده
لكن الحمد لله انا اقرأ كثير فى التاريخ وعندى من الوثائق المرئيه والمكتوبه ما يكفينى للرد على اى موضوع ولكن سأحتاج للمئات او الملاين من الصفحات للرد وعمل موضوع ذى ما قلت لحضرتك مش كفايه واتمنى ان اى شخص تانى هو اللى يكتب عنه لكن اغلب الناس اهتمامها اصبح بالاهلى والزمالك وحفلات مارينا وغيرها عدم المعرفه والقراءه فى التاريخ بكل جوانبه هو ما يؤدى بنا الى ما يحدث ومره تانيه كل الشكر والتقدير لشخصك الكريم
المصريين المغدورين كتير يا جماعة
و دايما حقنا ضايع
و ماعتقدش حد فيكم مر بالتجربة اللي انا مريت بيها
ابن خالتي اتقتل في السودان سنة 2007 أثناء خدمته بقوات حفظ السلام .... و دمه راح ...... و ماحصلش أي حاجة ......
كنت باكلمه عالمسنجر قبلها بكام يوم و باساله نازل مصر امتى و نشوفك على خير
الاشد من كده اني كنت باكلم خالتي (امه) قبل ما يوصلنا الخبر بيوم باسالها عليه ..... و هو في نفس اللحظة كان بيصارع الموت في المستشفى ...... و احنا مش عارفين ......
و لا حد مننا اللي احنا اهله شتم السودان و لا السودانيين و لا قال السودان هي السبب
و انا باحب السودانيين جدا ..... مع ان اللي قتلوه سودانيين
و قتلوه من غير ذنب ...... مسلحين دخلوا السكن ...... و ثبتوا الناس كلها و محدش قاومهم و ادوهم كل الفلوس و غيره ...... و فرغوا الرشاش فيه و مشيوا
الله يرحمك يا إيهاب ......
خلاصة القول ......
الموضوع مش مصري و لبناني ..... الموضوع ان فيه واحد مغدور و دمه ان شاء الله مش هيروح زي اللي قبله ....... بس هو مغدور لظروف و ملابسات ..... مش مغدور لأنه مصري ....
كفاية بقى ........