الجلدة سربت كل الزيت تحت العربية والنهاردة الجمعة محدش فاتح وهنزل بكره للميكانيكي في دميياط المسافة بين دمياط الجديدة والقديمة 30 كيلو هل ينفع امشيهم ولا الفتيس يجرالو حاااجة
الجلدة سربت كل الزيت تحت العربية والنهاردة الجمعة محدش فاتح وهنزل بكره للميكانيكي في دميياط المسافة بين دمياط الجديدة والقديمة 30 كيلو هل ينفع امشيهم ولا الفتيس يجرالو حاااجة
بصراحة انا كنت بسافر والفتيس مفيش فيه نقطة زيت
بس انا مكنتش اعرف
ومقدرش اقولك امشى بيه
طب حضرتك متعرفش حد بتاع عفشة كويس اروحله
حقولك فكرة أحسن احسبها صح لو ثمن كيلو زيت الفتيس قول 15 جنية أدخل أقرب محطة بنزين وحط كيلو واحد وامشى باعربية لحد المكانيكى خ:fun_36_3_4[1]:سارتك هى ثمن كيلو الزيت ومكسبك هو اولا سلامة الفتيس لانة ممكن يلدع منك يعنى يبوظ شوف ثمنة كام تانيا وفرت ثمن قطر العربية بونش ثالثا لو مشيت بالعربية وفى نصف الطريق عملت معاك حركة نقص ستدفع كل ذلك مع أكتساب ضربة شمس وحرق أعصاب لا تزعل انا بفكر معاك ولو مكانك حمل كدة و يحيا طلعت حرب ملك الاقتصاد
الف شكر ياباشا
امشي عادي يعني بس مفيش داعي لسرعة عالية و لا حرق علي غيارات
ارفع الغيارات بدري و امشي عادي ولا اي مشكلة
30 كيلو مش مسافة يعني
زود زيت فتيس الاول يا احمد قبل التحرك وبعدين روح للميكانيكى.
اعتقد انك عند اويل سيل الكوبلن الداخلى بايظ من المطب اياه و الكاوتشه دورها ثانوى فى موضوع التسريب ده
الحمد لله انا عملتها النهاردة جلدة جديدة ولحد دلوقتي مافيش تسريب .. بس معلش سؤال هوا اويل سيل ده عبارة عن ايه .. شرح دقيق معلش رخااامة بقى :)
الاويل سيل ده عبارة عن شيئ دائرى زى اللى فى الصورة ده
sell TRANSMISSION oil seals,sell TRANSMISSION oil seals manufacturer, supplier of sell TRANSMISSION oil seals
و ده بيركب على نقطة دخول عامود الكردان فى الفتيس لمنع تسريب الزيت من النقطة دى و علشان تغيره لازم تفك الشمعدان او الكوبلن كله و يطلع بره و يطنطر الاويل سيل القديم اللى غالبا حاتلاقيه معووج و يبات الجديد فى مكانه على النقطة اللى ان وضحتها فى البداية