الموضوع: رحله داخل فلتر زيت بتاع بروتون

السلام عليك
تسلم يا باشا عالموضوع الهايل دة
بس ممكن اضيف تعليق بسيط نظرا لخبرتي المتواضعة في الفلاتر (سنتين شغل في الفلاتر)
1- مش كل من حط ورقة في صفيحة بقت فلتر ولا كل من كتب عالفلتر genuin بقى اصلي. حلو الطقم دة :)
2- الغش في الفلاتر كتير جدا ممكن يتلخص في نقطتين:
واحد: اهم حاجة في الفلتر هية مقاس الاخرام الي بيعدي منها الزيت عشان يتفلتر ودي بنسميها Pore sizeودي بتتقاس بوحدة قياس اسمها ميكرن (Micron) وهية عبارة عن واحد على عشرتلاف من السنتيمتر. فلو المقاس مش مظبوط الشوايب هتعدي من غير متتفلتر فبالتالي كإن الفلتر ملوش لازمة.
اتنين: كمية الفلتر الي محطوطة جوة الصفيحة ودة بيتقاس بالمتر المربع وطبعا كل ميزيد مساحتة كل ما عمر الفلتر يزيد وكل ما الزيت يمر بسهولة اكتر.
ثلاثة: الخامة المصنوع منها الفلتر-- ممكن تكون مبتستحملش درجة حرارة عالية فبالتالي بعد مرور زمن على استخدام الفلتر يا إما حجم الاخرام يوسع او يتقطع او يدوب فميحجزش الشوائب الي المفروض يحجزها.
طلعو تلاتة مش اتني
النتيجة الحتمية: نجيب الفلتر من التوكيل اضمن (فرق 15 جنيه) بس نحافظ على الموتور بتاعنا.
ومش كل من باع فلاتر بقى بقال.
وقالو الفلتر دة بيطلع النخلة, آدي الفلتر وآدي النخلة.