الموضوع: موتور نوبيرا عامل كام استيراد

المشاركة الأصلية كتبت بواسطة lada2010

واحد قريب لى الموتور قفش منة انا قلت لة بلاش عمرة هات استيراد احسن اية رايكم وسعرة كام استيراد

أنا من شهرين تقريباً كنت محتار أجيب موتور إستيراد ولا أعمل عمرة وإخواني هنا نصحوني إني أعمل عمرة طالما الموتور ينفع يتعمله عمرة ولفيت وسألت على المواتير الإستيراد إتعرض عليا واحد ب2000 جنيه بالمفتيس كمان
للعلم أنا من سوهاج والحجات دي مضمونة من عند واحد إسمه نقاوة بطريق أخميم هو فاتح محل بيبيع فيه قطع غيار جديدة تحت بيتنا إتعرفت عليه وحيتله مشكلتي قالى هاتلى العربية وكان هيركبهولي كمان وقالى ضمان شهرين تلاتة وقالى الوش فى الوش مش ممكن أخدعك وأنا قولت فى سري لو خدعني والله أكسرله محله فى الآخر محصلش نصيب وعملت عمرة زي ما نصحوني إخواني هنا
وللعلم العمرة كفتني أكتر من 3000 تلاف جنيه عشان عملتها فى مركز صيانة معتمد ودلوقتى ماشية ولا موتور الرينو ما شاء الله عليا ربنا يحفظها يااااااااااااارب وشكراً لكل إللي ساعدوني