ما هي السيارة الافضل .. جيتا "بيز لاين",فورد فوكس "هاي لاين" ولا اوبل استرا

**Kareem_A** · 01-05-2010 11:27 PM

التلت عربيات الحضرتك مختارهم اسعار صيانتهم غالية !!

افضل ان حضرتك تذكر ما تريده من العربية و احنا نساعد حضرتك في اختيار الانسب

**ahmedlr** · 01-05-2010 11:34 PM

للشباب الناصحين بالباسات ... :b4_611:

العربية ممتازة و برستيج .. و موتور جبار و اوبشنز بالمجنون ... بس . . المشكلة الوهمية اللي مالهااش حل هي "البنزين 95"

البنزين ده لازم لموتور الباسات و طبعا معني كدة ان التفويلة حتعدي ال250 جنيه مستريح .. فضلا عن ان سعره كدا و مدعم .. مصر داخلة علي ازمة طاقة و ممكن يتهفو في عقلهم اكتر و يشيلو الدعم من عليه ... ساعتها حيكون الليتر ب 6 -7 جنيه اقل واجب .. و طبعا ساعتها انا حستخسر امشي بيها اساسا .. و غالبا هعلقها عندي في النجفة .. فهمتوني اما كنت بتكلم علي اقتصاديات التشغيل

**ahmedlr** · 01-05-2010 11:39 PM

المشاركة الأصلية كتبت بواسطة kareem_a

التلت عربيات الحضرتك مختارهم اسعار صيانتهم غالية !!

افضل ان حضرتك تذكر ما تريده من العربية و احنا نساعد حضرتك في اختيار الانسب

هوا طبيعي صياناتهم غالية بس اكيد في التلات توكيلات (ياسين , فكري , منصور) ناس احسن من ناس في اسعار الخدمة و قطع الغيار للعربيات المذكورة

و بالنسبة لطلباتي في محدودة و بسيطة و هي كالتالي

التقفيل الداخلي و التجهيزات ( مثبت سرعة , طارة ملتي فنكشن , تكييف كويس)

الاداء (الثبات , العزل , تسارع جيد )

اقتصاديات التشغيل ( مهم جدا متوسط استهلاك الوقود - متوسط تكاليف الصيانة - توافر قطع الغيار)

**Kareem_A** · 01-05-2010 11:43 PM

طب انا شايف ان الحاجات دي متوفرة في السيفيك و الكورولا و باسعار افضل

**blazer** · 01-05-2010 11:46 PM

المشاركة الأصلية كتبت بواسطة samy2010

ممكن كمان تفكر فى الرينو فلوانس و فيها كل الكماليات اللى انت طالبها و سعرها بالكماليات من135 الف جنيه و الهاى لاين 157 عربيه ممتازه و تزكيل ممتاز هيكون لها مستقبل رائع و على فكره الفئه 135 الف جنيه فيها كل طلباتك من الكماليات و الفرق بينها و بين اعلى فئه 4 ايرباج و فتحه سقف و زينون وباركينج سينسور و حتى الهاى لاين قى حدود ميزانيتك اما عن التوكيل فهو محترم جدا و قطع الغيار متوفره ممكن وفى حدود سعر الفئه اللى انت بتتكلم عليها

+9999
,ودا بناء على طلبات حضرتك اللى هى

التقفيل الداخلي و التجهيزات ( مثبت سرعة , طارة ملتي فنكشن , تكييف كويس)

الاداء (الثبات , العزل , تسارع جيد )

اقتصاديات التشغيل ( مهم جدا متوسط استهلاك الوقود - متوسط تكاليف الصيانة - توافر قطع الغيار)

دا غير ان الفلونس مش فئه اقل ولا حاجه دى تعتبر فئه اعلى كمان لانهم وسعوا قاعده العجلات وكبروا ابعاد العربيه بحيث انها تكون فئه وسط بين عربيتين زى الجيتا والباسات مثلا
و توكيله محترم جداا
والعربيات الفرنسيه مريحه فى السفر مسافات طويله

**ahmedlr** · 01-05-2010 11:54 PM

المشاركة الأصلية كتبت بواسطة kareem_a

طب انا شايف ان الحاجات دي متوفرة في السيفيك و الكورولا و باسعار افضل

لو لاحظت .. انا بتكلم علي فئة السيارات الالماني في حدود الفئة السعرية (160-170 الف )

انا عندي تحفظ علي الكورولا لمشاكلها مؤخرا و الهوندا لعدم ملائمتها للطرق المصرية المليئة بالمطبات فضلا عن ان ثباتهم و عزلهم غير مرض بالنسبالي

**Eng.Sameh** · 02-05-2010 12:01 AM

لو مش لازم سيدان .. يبقى ليون dsg أحسن من التلاتة وهي هي الجيتا الهاي لاين كمان مش البيزلاين ... نفس موتور الجيتا ، وفتيس dsg ، وتعليق وعفشة أودي a3 وكماليات تمام التمام ... وشكل طبعا تحفة ... فكر فيها هتلاقيها أحسن بكتير من البدائل المطروحة .. وفي رأيي أحسن عربية ألماني في فئتها

**ahmedlr** · 02-05-2010 12:13 AM

المشاركة الأصلية كتبت بواسطة eng.sameh

لو مش لازم سيدان .. يبقى ليون dsg أحسن من التلاتة وهي هي الجيتا الهاي لاين كمان مش البيزلاين ... نفس موتور الجيتا ، وفتيس dsg ، وتعليق وعفشة أودي a3 وكماليات تمام التمام ... وشكل طبعا تحفة ... فكر فيها هتلاقيها أحسن بكتير من البدائل المطروحة .. وفي رأيي أحسن عربية ألماني في فئتها

هي حلوة قوي بس مستحيل اجيبها .. لأني عايز سيدان علشان السفر العائلي المتكرر

**M.Osman** · 02-05-2010 12:30 AM

المشاركة الأصلية كتبت بواسطة mando_07

أنا لو من مكانك تحاول توصل المبلغ ل 220 ألف وتجيب باسات
لكن لو مش هتقدر خليك في الجيتا عشان الفرد هتعبك في صيانتها وقطع غيارها شوية بس خلي بالك موتور الجتا مش جبار يعني لو قدرت تجيب الباسات 1.4tsi يبقى أحسن

بس الـtsi لازم بنزين 95 على حد علمي... و الراجل بيقولك عايزها إقتصادية في التشغيل

**ashrafsadany** · 02-05-2010 12:32 AM

يا اخى الفاضل الفورد الفوكس افضل اداء فى العفشة خاصة من الجيتا والاوكتافيا وهيا السيارة الاولى 2007 فى اوربا والسيارة الشعبية فى انجلترا عاملة زى الالنترا عندنا ويا ريت يا جماعة اما حد يتكلم عن عربية يكون تعامل معاها كويس مش سمع او ركبها مرة اما بلنسبة لقطع الغيار والصيانة فتعتبر رخيصة جدآ ومتوفرة فى التوكيل وبرة فى اكتر من حتة وبأسعار الكورولا تقريبأ اقل كتيير من الاوكتافيا والجتا العربية معايا عاملة 60 الف ولم يتغيير ادائها تقييم التوكيل متوسط الاداء بس بيحتاج مراقبة ومتابعة منك

الموضوع: ما هي السيارة الافضل .. جيتا "بيز لاين",فورد فوكس "هاي لاين" ولا اوبل استرا

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة