الموضوع: هل الفرك ممنوع؟؟؟؟

انا بصراحه ياجماعه شوفت منظر امبارح والله العظيم صعبت عليا العربيتين من اللي حصل فيهم

واحده مازدا ثري2009 ايرو كنت ناوي أشتريها بس بعد اللي حصل من اللي مأجرها صرفت النظر والتانيه

كيا نيو سيراتو 2010والأتنين هاتك يافرك وتخميس لحد مالعربيات دخنت وبصراحه قلبي كان بيتقطع

عليهم لأنه لو كانت عربيتهم مكنش هان عليهم اللي بيعملوه فيها والفلوس اللي دفعوها فيها حسبي الله

ونعم الوكيل فضلت متعطل حوالي ربع ساعه والبهوات مش مبطلين فرك ومش همهم عطلة الناس اللي واقفين

بصراحه انا لو ظابط مرور كنت خدتهم حبستهم وسحبت رخصتهم سحب نهائي وكنت عملتلهم شوية

مخالفات من اللي قلبك يحبهم تعطيل حركة المرور والقياده برعونه مماأدي الي زعر الماره والسير عكس الأتجاه

القياده تحت تأثير المخدرات لأن اللي عملوه ميدلش علي انهم في قواهم العقليه لا حول ولا قوة الا بالله

ربنايهديهم و يهدي اللي زيهم وللأسف مابيتعظوش الا بعد فوات الأوان