انهاردة الصبح وانا جاي الشغل فجأه لقيت الحرارة بدأت ترتفع وتعدي الـ 90
رحت مهدي شوية لحد ما قدرت اوقف العربية في مكان امان ولقيت الحرارة وصلت للـ 100 والسرعة التانية للمراوح اشتغلت
رحت مبطل العربية وسبتها تبرد نفسها بالمراوح ولحد ما هديت خالص ووصلت الحرارة لـ 70
حاولت افتح الردياتير لقيته بيطلع بخار جامد وبعدين مياه مضغوطة ومش مغلية
المهم فتحت الردياتير لقيت الميه مش ناقصة كتير لأني شايفها في الردياتير
المهم حاولت ادور العربية مافيش فايدة .... فضلت وراها لحد ما دارت وكانت مبرجلة كانها شغاله 3 سلندر وبطلع دخنه بيضاء من الشكمان والحرارة بدات ترفع تاني رحت مبطلها ومقفلها كويس خدت تاكسي للشغل لحد ما اشوف هاعمل ايه
طبعا انهاردة الاحد والاخوة الميكانيكية قفلين
انا هانقلها بالونش للورشة وابيتها وبكرة ربنا يسهل ونشوف فيها ايه
دعواتكم يا رجالة تكون حاجة بسيطة
وشكرا لسعة صدركم
المفضلات