شوية أسألة لاصحاب التيدا و لفة فى التوفيقية
السلام عليكم ورحمة الله وبركاته
الحمد لله اشتريت تيدا مانيوال 2007 خليجى
كنت عايز اسألى على ميكانيكى يفهم فيها ؟
امبارح نزلت التوفيقية اسأل على قطع غيارها و كانت قطع غيارها قليلة جدا فى السوق و مش اى حد بيجيب حاجتها ادخل اى محل قطع غيار نيسان يقولى معنديش حاجة للتيدا الا كام واحد كدة بس عندهم بعض الحاجات منها
تيل اصلى امامى يابانى 250 جنيه
تيل رمسا اسبانى 190 جنيه الراجل قالى لو صفر منك هاته و خد فلوسك
كبالن 600 جنيه الاتنين
علامة نيسان الصغير اللى على الشنطة بـ5 جنيه
الكبيرة اللى على الاكصدام بـ 10 جنيه
لا يوجد اكسسوارات
قلت اشترى طقم نواكل للمقابض و المرايات مش لاقى
فهل حد يعرف حد مضمون بيبيع قطع غيارها ؟
العربية فوق الممتازة فى النعومة و الثبات و الصالون و نعومة العفشة و الباور الكهربا و الفتيس المانيوال روعة تحية كبيرة لنيسان لانى عمرى ماشوفت فتيس مانيوال بالنعومة و الراحة دى
ياريت يا جماعة تقولولى على ميكانيكى يفهم فيها او يكون شغال جوا التوكيل
و محلات بتجيب قطع غيارها