ياجماعة مصر طرقها آمنة تماما ومفيهاش اى مشاكل خالص
واللى بيقول غير كدا يبقى ميعرفش حاجة
ودى اشاعات مغرضة بيطلعوها فئة من البشر بان طرقنا وحشة مع ان طرقنا من ءامن الطرق فى العالم والكلام دا مش كلامى دى الارقام والاحصائيات هى اللى بتوضح كده
والفئة اللى بتطلع الاشاعات دى انا بحذرهم جميعا
وبقولهم بلاش تصطادوا فى المية العكرة لان احنا عارفين غرضكم كويس وفاهمنكم
وبعدين الراجل اللى بيقول ان احنا عندنا حوادث (مع انى مش شايف اى حوادث خالص) احب اقوله ان دى كلها قضاء وقدر ومنقدرش نقف قدام امر ربنا ولا حتعترض كمان بقى على امر ربنا
وبعدين ماكل بلاد العلم فيها حوادث اشمعنى احنا يعنى اللى مش حيبقى عندنا حوادث
وبعدين بالنسبة للكام حادثة اللى بيحصلوا كل حين وفين دى منظومة جديدة احنا بنطبقها عشان تحديد النسل ولو نجحت حنبقى نعممها ان شاء الله
بيان حيصدر عن الحكومة بلسان واحد منهم
اللى نفسى فيه بجد انه لما تحصل حادثة ياريت الناس التانية تمشى وبلاش تقف تتفرج
يعنى النهاردة حادثة تحصل عند الدايرى عند منزل الزهراء العربيات واقفة على مسافة كيلو بحاله عشان البهوات اللى قدام عمالين يتفرجوا
طب اللى عاوز يتفرج يركن على جنب وينزل يعمل اللى عاوز يعمله
المفضلات