توكيل عز العرب في صيانة ال 1000

**mino** · 27-01-2008 11:25 AM

ذهبت امس لتوكيل عز العرب بالإسكندرية لعمل صيانة ال 1000 كم لل GEN-2 وصلت الساعة 8.50 صباحأ و جدت عدد 2 عربية JEEP و 1 CHRYSLER فكنت انا رابع سيارة تصل وصل بعدي 2 Gen-2
المهم الساعة 9 تماما وصل العمال و المهندسين اتضح ان كل نوع عربية له المهندس المختص بمعني ان مهندس البروتون غير ال JEEP غير ال CHRYSLER فبقيت انا اول واحد
جاء المهندس وسألني و كنت محضر ليستة عشان اقولهالو عشان اللي سمعته عن سمعتهم من واحد هنا في المنتدي فقلت يا قاتل يامقتول خاصة ان العربية كانت لسه واحدة بنت حلال بعربية 127 حكالي الجنب كله فا كنت علي اخري
اولاً: السبب الرئيسى صيانة ال 1000 و كنت جايب الزيت معايا موبيل1 و سعرة 225 جنية و هما كان عندهم توتال 240 جنية
ثانياً: فرامل اليد كانت مش بتترفع للأخر يعني بتنزل سنتين بس هيا بتوقف العربية عادي
ثالثاً:الرفرف كان مفارق بتاع 2 او 3 مم كان عاوز يتربط من اليمين و مفكوك من نايحة الشمال لانه اتشد مني في رصيف عالي المسامير اتفكت و الكليبسات اتكسرت
رابعاً:مكنتش لاقي حاجة اقولها فقولتلو الاول و التاني بيعضو في الغيار و العافشة ناشفة شوية
خامساً:ودي انا ما قولتهاش بس كان في صوت لا يذكر لما تجيب الدريكسيون علي الاخر

بعد ما رصيتلة الليستة السالفة قولتلوا هتخلص امتي قالي اتفضل حضرتك استريح في الريسبشن و الساعة 11 هتكون خالصة قولت الراجل ده بيشتغلني
المهم انا رحت قعدت قدام التليفزيون شوية و بعدين قومت الف شوية اتسحبت و رحت وقفت علي اول باب الورشة لاقيتهم اربعة ملمومين علي العربية و بعدين رفعوها وقعدوا يشتغلوا و انا عمال اروح واجي المهم قابلت واحد شاب شكلة محترم سألته بتعمل ايه هنا قالي انا بعمل صيانة ال 15000 قولتله العربية عاملة ايه معاك قالي زي الفل هي بقالها 9 شهور تقريباً و قالي ان مهندسين صيانه عز العرب جالهم امر يعملوا موضوع ال الخبطه بتاعة الدريكسيون فقولتلو هي مش ملحوظة اوي
جات الساعة 11 رحت ابص علي العربية تاني عشان افرح فيهم و قولهم اهي ما خلصتش و الساعة بقت 11 مالقتش العربية ابص يمين شمال مافيش استجمعت شجعتي و رحت داخل علي الورشة مع ان مكتوب ممنوع الدخول لغير العاملين
اخر الورشة في ساحة فيها عربيات كتير جميع الماركات اللي بيتعامل فيها عز العرب و عربيات الحوادث -ربنا يبعدنا- و لاقيت عربيتي واقفة عليها الدور في الغسيل
لاقيت المهندس جاي لي و قالي احنا عملنا كل اللي حضرتك قولته و بالنسبة للفرامل هنغير دراع الفرامل خالص مدام هيا في الضمان احنا عملنا اوردر و هنكلم حضرتك علي اخر الاسبوع
رحت عشان ادفع الحساب لقيت المحاسب بيحاسبني علي الفلتر ب 55.50 جنية و ضريبة مبيعات فقط دفعت 61.50 جنية
مافيش مصنعيات و لا اخدو فلوس عشان الرفرف و لا حاجة سألته علي دراع الفرامل تاني - اصل انا زنان شوية - قالي احنا هنكلم حضرتك و لو عاوز تسأل دي النمرة اللي تتصل بيها

انطباعي ان الناس محترمة جداً و انت قلت انقلكم صورة تفصيلية من اللي حصل عشان اللي خايف من التوكيل بتاع عز العرب

و العربية بعد ما اخدتها بصراحة فعلا زي الفل نمسك الخشب بقت انعم اكتر ما كانت يعني لو كنت بحبها بنسبة 95% دلوقتي بقت 99%
اسف للأطاله

**mu7ammad** · 27-01-2008 12:23 PM

tamam wallahy ya basha enta keda tamenteny el 7amdolilah bas ya reet tewsefly makan 3ez el 3arab feen a7san ana mish 3arfoh w kaman 2oly eih el far2 been zeet mobil w total w anho el a7san w ma3lesh ta3bak ma3aya ana 2odamy keda yegy 250 km w aroo7 a3mel el seyana w 3ala fekra bel nesba l el daman ana kalemtohom w 2aloly 3ady tegy tekhtemoh fy seyanet el alf w 2oly heya seyanet el 1000 betetkalef kam w beye3meloh fiha eih 3ashan a3mel 7esaby w ana raye7

**mohamed el hussien** · 27-01-2008 03:39 PM

يا جماعة
محدش يشغل بالة بموضوع الختم دة
انا عامل 50 الف
ولسة مختمتش
ولا حاختم :)

**fahd_628** · 27-01-2008 03:44 PM

تمام يا مينا باشا الله ينور و ان شاء الله تكون العربية عاجباك و بجد انت فرحتنى اوى اوى اوى لأن كان فية ناس بيقولو ان توكيل عز العرب فى الأسكندرية تعبان و جرب بقى العربية و احرق جامد :):):) بهظر معاك :WINK: بس ياريت تفتح المحرك واحدة واحدة يعنى تنقل على 4000 rpm و بعدين تحرق شوية على 5000 و بعدين 6000 و بس كدة علشان المحرك بيقى نشيط معاك

و شكرا على التقييم و عازوين تقييمات زى دية كل صيانة ان شاء الله :)

**grandh135** · 27-01-2008 05:30 PM

كلام جميل وكلام معقول ما أقدرش اقول حاجة عنه

**tmz9111** · 27-01-2008 05:44 PM

عقبال عز العرب الصحراوى

**mino** · 28-01-2008 09:37 AM

المشاركة الأصلية كتبت بواسطة mu7ammad

bas ya reet tewsefly makan 3ez el 3arab feen a7san ana mish 3arfoh

الكيلو 1 الطريق الزراعي ابيس
و انت رايح كارفور بدل ما تكمل علي طول اطلع الكوبري طريق المطار بعد توكيل مرسيدس بحوالي 5 كم

المشاركة الأصلية كتبت بواسطة mu7ammad

w kaman 2oly eih el far2 been zeet mobil w total w anho el a7
san

بص حضرتك انا معرفش الفرق بينهم انا لسه بجرب و علي حسب اداء الموتور بعد كده يعني المرة اللي جاية في صيانة ال 5000 هحط الشل الالترا لانه مستورد و علي فكرة سعرة ارخص من موبيل 1

المشاركة الأصلية كتبت بواسطة mu7ammad

w 2oly heya seyanet el 1000 betetkalef kam w beye3meloh fiha eih 3ashan a3mel 7esaby w ana raye7

لو انت اللي هتجيب الزيت معاك مش هتدفع هناك غير 61.5 جنية ثمن الفلتر بالضريبة لو مش هتجيبة يبقي زود 240 ثمن الزيت اللي هما بيحطوه و مش بياخدوا اي مصنعية دا حتي مياه المساحات بيزودوها

**mu7ammad** · 28-01-2008 10:07 AM

alf shokr ya basha w ana sa2alt 3ala mawdoo3 el zeet 2aloly en mobil 1 beye3od 1000 km bas el a7san ageeb mobil xhp 3ashan beye3od 5000 km bas w maytawelsh fy el motor

**mino** · 28-01-2008 10:12 AM

زيت موبيل1 اللي ب 225 جنية بيقعد 10000 كم مش 1000 كم مش معقول

**mu7ammad** · 28-01-2008 12:49 PM

sorry ana asef ana kan asdy 10000 km w ely 2aly en el 5000 km a7san 3ashan el zeet mayo3odsh keter fy el motor

الموضوع: توكيل عز العرب في صيانة ال 1000

LinkBack

أدوات الموضوع

عرض

-

-

المواضيع المتشابهه

مشكلة مع توكيل عز العرب

توكيل عز العرب

توكيل ذل العرب

انتظروا قريبا تقرير صيانة 30000 كم وعجائب توكيل عز العرب

توكيل غبور ولا توكيل عز العرب

الكلمات الدلالية لهذا الموضوع

المفضلات

المفضلات

ضوابط المشاركة