يا جماعة الراجل ده من تراث التعليق المصرى (انتو نسيتو عدالة السماء اللى نزلت على استاد بالريمو ولا ايه)
احلى حاجة فيه انو بيفكرنى بايام زمان و الله يرحم كابتن لطيف و على زيور
عرض للطباعة
يا جماعة الراجل ده من تراث التعليق المصرى (انتو نسيتو عدالة السماء اللى نزلت على استاد بالريمو ولا ايه)
احلى حاجة فيه انو بيفكرنى بايام زمان و الله يرحم كابتن لطيف و على زيور
جت فى بالى فكرة... لو حد دمه خفيف (مش أنا طبعا) يتخيل اللمبى بيعلق على ماتش من دول هيقول إيه؟
كده مثلا:
إلى كل شاب وكل فتاة
أهلا بوكوم فى مشت الأهلى والتارسنة
المشت اللى كل البنى أدمين مستنياه
فى إمبابة والموسكى والعتبة
الأهلى على إيدك اللى بتاكل بيها والترسنة على إيدك اللى بتهش بيها الدبان
فى ماتش الاهلى والاسماعيلى
كان لاعب بيلعب اوت
الكاميرا جابت واح ببدله بيتكلم فى الموبايل واقف فى التراك
قال ( التراك انهارده ملغغغغم ....مباحث دول ولا ايه ؟ )
وعلى فكره رد فعله سريع جدا مبيفكرش هايقول ايه
لسه النهاردة ماتش الأهلي و الاسماعيلي
بيقولك الترنج الاسود بتاع عماد سليمان ده غريب أووي
عامل زي ما يكون أمن مركزي ،،،،
ههههههه
و أنتا مالك يا عم بترنج الراجل
الله يرحم محمد لطيف- كان برقبة كل الموجودين- بس محمود بكر لما كبر وبقى يخرف فكرنى بلطيف فى اخر ايامه- كان بيبقى صوته باين وهو بيسال اللى حوليه مين اللى جاب الجون مين - ههههههههههه
عموما هو ارحم من مصايب قناة النيل ولا احلق شلبى اللى شبه المكروباص المخبوط
انا بستمتع بمتابعة المباريات اللي بيعلق عليها محمود بكر و علي فكرة انا قابلته و اتكلمت معاه كتير - لما بيكون فاضي بيقعد علي كافيتيريا شحتوت -
و الله تعليقه في منتهي الروعة يعني انا مراتي مالهاش في الكورة اساسا بس بتحب تسمع تعليقه - و هو بدأ يهنج من فترة قريبة بحكم السن بقي انما بصراحة من زمان و الواحد بيستمتع بتعليقه و بتحليله اثناء المباراة و بعدين بيكون تحليله الي حد كبير صحيح خصوصا في توقعه للتغييرات
و افتكره موقف برضه اثناء تعليقه علي ماتش الاهلي و المحلة لما احمد حسن دروجبا احرز هدف و راح ناحية راية الكورنر و خلعها و عملها مجداف و قعد كأنه بيجدف في فلوكة فقام بكر قاله جدف جدف براحتك ما انت بقالك سنتين ما جدفتش قبل كده و برضه بيكون عسل قوي لما بيحكي عن مشاكله اثناء التعليق يعني مثلا كان مرة بيقول فوجئت امبارح و الله و انا نازل في محطة سيدي جابر انهم نقلوا المحطة و الرصيف و كل حاجة
فهو بصراحة راجل طلته حلوة و ما تزهقش منه ابدا