لو عايز مكنة اقتصادية مع قوة تسارع 10\10 وحقن وقود و باور و جرى يشبع ،يبقى مكنة 2000 سي سي طراز 2e ولو مش فارق معاك ترخيص و ممكن تدفع اكتر و تظبط العربية موتور و عفشة كاملة، و جري و تسارع واووووو وكمان تبقى معروف فى اى حتة بالعربية بتاعتك ومش محتاج تستعرض امكانيات سيارتك لأى حد ،العربية هى اللى حتتكلم عن نفسها يبقى امامك موتور VR6 2.8L بعفشته و كله موجود فى الحرفيين واحسن 100 مرة من بورسعيد سواء فى وفرة المحركات او فى السعر النهائي بعد الفصال و انت وشطارتك
انا مش عارف الأسعار الحالية شكلها ايه بس لما سألت من فترة قريبة كان مكنة 2000سي سي بالعفشة والفتيس نهائي 5000 بالفصال (8500 اول الكلام)
ومكنة VR6 بالعفشة والفتيس تعمل 7000 بالفصال(11000اول الكلام) .
وطبعا اهم من انك تسقط مكنة استعمال هو انك تلاقى الحالة الحلوة و تفاصل صح للسعر المقبول وتكون فلوسك حاضرة علشان الفلوس بتنشط البيع و الشراء وبتخلق جدية فى التعامل وفى المفاصلة