عايز اشتري عربيه في حدود 85000 بالكتير

**saeed85** · 03-05-2010 04:19 AM

انا بفكر في 307 هاتش باك الهاي لاين موديل 2007 او مازدا 3 موديل 2007 او رينو ميجان 2006 او 2007 او ستروين c4 ايه رايكوا ؟
انا بفكر في العربيات دي عشان اولا الاوبشن العالي و كمان الكماليات الي بتديهالك
يا ريت تفيدوني عشان انا ببيع عربيتي و محتار جدااا مع العلم اني هبيع عربيتي و هي لانسر و مانوال فزهقت و خصوصا ان البلد كلها زحمه
و كمان الواحد بقي عايز رفاهيه زياده

**احمدعبدالعزيز** · 03-05-2010 08:50 AM

حاول تزود اربعه بس وهات لانسر 1300 مانوال فول اوبشن عرض عمله توكيل متسوبيشى عربيه ممتازه ...

**د.محمود صلاح** · 03-05-2010 09:46 AM

لانسر بومة 1600 اوتوماتيك عشان ما تحسش باللفرق

**etsh1413202** · 03-05-2010 01:51 PM

المشاركة الأصلية كتبت بواسطة saeed85

انا بفكر في 307 هاتش باك الهاي لاين موديل 2007 او مازدا 3 موديل 2007 او رينو ميجان 2006 او 2007 او ستروين c4 ايه رايكوا ؟
انا بفكر في العربيات دي عشان اولا الاوبشن العالي و كمان الكماليات الي بتديهالك
يا ريت تفيدوني عشان انا ببيع عربيتي و محتار جدااا مع العلم اني هبيع عربيتي و هي لانسر و مانوال فزهقت و خصوصا ان البلد كلها زحمه
و كمان الواحد بقي عايز رفاهيه زياده

هو حضرتك بصراحه مختار شويه عربيات جامده ومش جامده ..... لان كل دول سواء البيجو او الرينو او المازدا او الستروين كلها عربيات ملهاش حل ..... بس سوقهم فى المستعمل مش مضمون وانك تلاقي عربيه نضيفه وتبقى متأكد منها 100% صعب شويه بس مش مستحيل طبعا.

فا لو هتحصر نفسك فى الاربع اختيارات دول انا افضل المازدا لانها في نظري افضلهم من حيث الاعتماديه والثبات وقله الاعطال وقله الاشاعات ... هي مشكلتها في ان ملهاش توكيل بس محلوله يعنى في سونستا وفي سمارت كار ومراكز الصيانه كتير وقطع الغيار موجوده برده مش نادره زى زمان .

اما لو ممكن تتقبل اخيار تانى فا ارشحلك اوكتافيا a4 برغم انى مش بحبها نهائي او ممكن لانسر سوبر اكشن 2007 مثلا وهتبقى كويسه .

وربنا يوفقك في الاختيار

**shekosheko2003** · 03-05-2010 02:49 PM

ستروين c4 d

**eng_ahmedryad** · 03-05-2010 03:02 PM

مازدا 3 لو حالتها كويسة

**saeed85** · 05-05-2010 03:38 AM

يا جماعه اصل انا استخدامي خفيف و مبهلكش العربيه فعايز اجيب عربيه يكون فيها رفاهيه جامده و انا اصلا معايا لانسر بس هديها لاختي و هجيب حاجه تانيه و في دلوقت قدامي اوكتافيا موديل 2005 ب 85000 اوتوماتيك و فابريكه بره و جوه بس اصل انا عندي عقده من الاسكودا اصلها اول عربيه ركبتها كانت فليشيا و كانت خشنه و تقيله و تكييفها تعبان و كمان التوكيل زباله و كانت قطع الغيار والله اغلي من الانسر و كمان مش بتعيش فبدور دلوقت علي 307 الهاي لاين 0000 كمان يا شباب انا صعب اغير تاني فبجيب حاجه تظبتني و تكون فيها رفاهيه

يا ريت حد يكون راكب 307 موديل 2006 او 2007 يقول ايه ظروفها

**shiko85** · 05-05-2010 07:25 PM

المشاركة الأصلية كتبت بواسطة saeed85

يا جماعه اصل انا استخدامي خفيف و مبهلكش العربيه فعايز اجيب عربيه يكون فيها رفاهيه جامده و انا اصلا معايا لانسر بس هديها لاختي و هجيب حاجه تانيه و في دلوقت قدامي اوكتافيا موديل 2005 ب 85000 اوتوماتيك و فابريكه بره و جوه بس اصل انا عندي عقده من الاسكودا اصلها اول عربيه ركبتها كانت فليشيا و كانت خشنه و تقيله و تكييفها تعبان و كمان التوكيل زباله و كانت قطع الغيار والله اغلي من الانسر و كمان مش بتعيش فبدور دلوقت علي 307 الهاي لاين 0000 كمان يا شباب انا صعب اغير تاني فبجيب حاجه تظبتني و تكون فيها رفاهيه

يا ريت حد يكون راكب 307 موديل 2006 او 2007 يقول ايه ظروفها

مينفعش تقارن الفليشيا بالاوكتافيا خالص, الاوكتافيا ثبات رهيب موتور قوى صاج محترم جدا تكييف جبار و قطع غيارها منتشره و فى منها استيراد و ممتازه جدا و محتفظه بسعرها و سمعتها فالسوق ممتاز
*على فكره انا شفت موضوع عن قطع غيار الفليشيا و بصراحه مش شايف انها غاليه خالص بالعكس, التوكيل زباله ؟؟؟!!!!