خبطة فى رفرف 128

**mohamed9999** · 03-05-2010 09:36 AM

النهارده و انا رايح الشغل العربيه اتخبطت خبطه محترمه فى الرفرف اللى قدام يمين هو عباره عن انى خبط فى عربيه نقل وحكيت فيها بطول الرفرف الامامى انا عاوز اعرف لو هعملها سمكره و ارشها هتكلفنى كام .............

**midomizo** · 03-05-2010 09:42 AM

حمد على السلامة الاول

عو الرفرف حصل فية قطع ولا مجرد تطبيقة لو تطبيقة بس وعايزة تترد هتترد على البارد مفيش منها مشاكل وبتاع السمكرة هيقولك 10 جنية وربنا يستر وتكون مجرد تطبيقة اما بالنسبة للدهان بتكون الاسعار على قد كمية البوية الهتجبها والمصنعية بتكون برضو فى حدود 10 20 جنية وربنا يكفينا شر الحوادث

**mohamed9999** · 03-05-2010 10:12 AM

هو المشكله انو عمل زى الخربوش بس واخد عمق اصل انا وانا باخد شمال حطيت فى زاويه عربيه نقل اخدت الرفرف خربوش والخربوش داخل لجوه ومبين الدهان واحد صاحبى قاللى انها هتترد ع الشاخن مش بارد وياترى هتتكلف كام(انا بعتلك رساله ع الخاص)

**midomizo** · 03-05-2010 10:16 AM

المصنعية مش هتزيد عن 50 جنية والبويا على قد الكمية الهتجبها بس نصيحة لو مفيهاش برومة خلى العربية زى مهية لحد متيجى ترخص وترشها كلها رشة نظافة

**smsm_cato** · 03-05-2010 10:44 AM

الخبطة لو فى الرفرف اليمين بس مطالتش الباب يبقى هتترد على البارد واسمكرى مش هياخد اكتر من 10 - 20 جنية والرش هيبقى للرفرف بس لو عربيتك لونها عادى مش ميتالك مش هتعدى الـ 30 جنية وحمدالله على سلامتك فى الاول والاخر

**mohamed9999** · 03-05-2010 11:07 AM

متشكر يا سمسم على ردك هى الخبطه معتدش من الرفرف بس هى فى رائى خبطه جامده يعنى انت تفتكر ارده ع الساخن ولو رشتها هتتكلف كام احسن انا مرعوب من الصنيعيه عشان انا زيرو بيبسى فى السواقه