الحكاية بسيطة خالص.. إحنا بنقسم كميةالمياه الموجودة عندنا على عدد السكان يطلعلك نصيب الفر اد ايه... وموضوع التصرفات دى اللى بتترمى فى البحر دى موضوعها انك فى كمية متقدرش تنزل عنها ودا لأن المياه اللى فى النيل بتستخدم فى كل حاجة (صناعة وزراعة) فا إنتا متقدرش تظبط التصرف بتاعك بالضبط على كمية المياه المستهلكة...وبعدين انتا عندك حيز ثابت بتخزن فيه وهية بحيرة ناصر فا انتا لازم تحافظ على مستوى المياه فيها عند حد معين لا تتخطاه وإلا العواقب هتبقة جسيمة على السد... وانا والله يشرفنى مقابلتك ولو فى اى ندوة عن النيل ومستقبل المياه اوعدك انك هتكون اول المدعوين
المياه اللى بتوصلنا هية نسبة ثابتة ودا اللى لو لحظتوا إن الجدال المثار حواليه دلوقتى. إن دول حوض النيل عايزة تعمل سدود على منابع النيل لتوليد الكهرباء والكلام دا واللى بالتالى هيأثر بالسلب على حصتنا فى مياه النيل....وعلشان كدة فكرنا فى أفشل مشروع فى تاريخ مصر الحديث وهوا مشروع توشكى.. اللى اتكلف مليارات والناتج منه ولا شىء يذكر..وأتحدى لو اى حد مننا شاف كرتونة فاكهة مكتوب عليها من إنتاج مزارعنا بتوشكى.. زى ماكانوا بيوعدونا زمان اننا هناكل الكانتلوب والجوافة بتاعة توشكى اللى ملها مثيل.... والمشروع دا انا لو قعدت اقولكم الأخطاء اللى فيه ممكن الموضوع ياخد منى صفحات.. واللى استنذف مننا الكثير والكثير... واللى هوا من أسمه.. مفيض توشكى.. والسبب الرئيسى منه هوا عند زيادة المياه عند مستوى الخطر فى بحيرة ناصر بنفتح المفيض دا ونحط المياه الزيادة فيه ونستخدمها او نخزنها.