رائحة عادم داخل السيارة -حاجة تعكنن-

**cavalier** · 05-05-2010 03:35 AM

شكرا يا جماعة على اهتمامكم
انا ان شاء الله حروح لواحد اسمه المطراوي في الحرفيين بيقولوا كويس و حشوف، بس لو المشكلة مش في الشكمان يبقى الاحتمال التاني بتاع الشنطة بس يعني ايه اقفلها كويس ؟؟؟ اغير طقم الجلد مثلا ولا ايه ؟

**khaled_sabry** · 05-05-2010 03:02 PM

ايه علاقه ريحة العادم بالشنطه اساسا ؟؟؟؟!!!
اه طبيعي ان الريحه اللى فى الشنطه توصل للصالون بس اساسا ايه اللى حيدخل ريحة العادم جوه الشنطه بالغزاره دى ؟؟
لو على الشكل اللى بتوصفو يبقى كأنك موصل ماسوره الشكمان بالشنطه مباشر

**Ahmed Galal** · 05-05-2010 03:20 PM

المشاركة الأصلية كتبت بواسطة khaled_sabry

ايه علاقه ريحة العادم بالشنطه اساسا ؟؟؟؟!!!
اه طبيعي ان الريحه اللى فى الشنطه توصل للصالون بس اساسا ايه اللى حيدخل ريحة العادم جوه الشنطه بالغزاره دى ؟؟
لو على الشكل اللى بتوصفو يبقى كأنك موصل ماسوره الشكمان بالشنطه مباشر

فيه فتحات تهوية فى الشنطة متدارية تحت الاكصدام و لو الشكمان فيه تسريب بيخش العادم من الفتحات ديه و منها للشنطة و للصالون

**hosamwaja2410** · 05-05-2010 08:09 PM

المشاركة الأصلية كتبت بواسطة ahmed galal

فيه فتحات تهوية فى الشنطة متدارية تحت الاكصدام و لو الشكمان فيه تسريب بيخش العادم من الفتحات ديه و منها للشنطة و للصالون

اوافقك الرأي
+ ان ممكن لو الفنوس الوراني او باب الشنطه مش متقفل كويس ممكن تخش من مخرج الشكمان الطبيعي عالشنطه عالصالون

**thedeveloper87** · 06-05-2010 12:08 AM

بس ياباشا معظم اللي بيشتكوا (وأنا منهم) لو قفلنا الزجاج مفيش ريحة.
يعني لو فيه تسريب من الشنطة للصالون والعربية متقفلة المفروض أشم ريحة بس ده مابيحصلش

**cavalier** · 06-05-2010 01:31 PM

الموضوع محتاج بتاع شكمان و لو مطلعش شكمان يبقى السروجي و السمكري يبصوا على الشنطة و تقفيلها

**hosamwaja2410** · 08-05-2010 10:08 PM

المشاركة الأصلية كتبت بواسطة thedeveloper87

بس ياباشا معظم اللي بيشتكوا (وأنا منهم) لو قفلنا الزجاج مفيش ريحة.
يعني لو فيه تسريب من الشنطة للصالون والعربية متقفلة المفروض أشم ريحة بس ده مابيحصلش

لا يا باشا لانه غالبا في حاجه اسمها الضغط فلما بتقفل الزجاج و انا لما بقفل الزجاج ما بشمش اي ريحه فعلاً و ده غالباً راجع لانه الضغط داخل السياره بيقبي عالي يعني بسهوله كده ما يسمحشي للدخان بالدخول و خصوصا ان الدخان خفيف اما لما بنفتح الزجاج بيحصل تفريغ للضغط و الهوا و بيتم تعويض الهوا بالدخان (اعتقد كده)

**hosamwaja2410** · 08-05-2010 10:10 PM

المشاركة الأصلية كتبت بواسطة cavalier

الموضوع محتاج بتاع شكمان و لو مطلعش شكمان يبقى السروجي و السمكري يبصوا على الشنطة و تقفيلها

اوافقك الرأي و اعتقد ان الشكمان عندي كويس عشان كده ان شاء الله الاسبوع اللي جاي لما افضي هاعرضها عالسمكري و اقولكم النتيجه

**tarekhassan** · 15-05-2010 08:04 AM

شوف خرطوم البنزين بالتنك هل هو سليم وفى مكانه.......؟

**hosamwaja2410** · 16-05-2010 01:39 AM

انا رحت للسمكري بتاعي و ظبط الشنطه الي حد ما بس الريحه لسا ما رحتشي , احتمال قلت شويه بسيطه و لسا مش عارف سبب العادم
المهم في ميكانيكي قالي اجرب سائل تنظيف الانجكشن تحط العلبه في التنك و تفول عليه البنزين و تمشي بالعربيه لحد ما التنك يقرب يفضي عالاخر - السائل ده بينظف رشاشات الانجكشن
و انا بدات اجربه انهارده و ارجو من الاخوه اللي جرب المنظف ده انه يقلنا تجربته
و انا عملت كده لاني حسيت فعلا انا ريحه العادم غريبه و العربيه مخنوقه شويه