ههههههه..دي بتاعة مزلقاني المعمورة البلد والمعمورة الشاطئ...طريقك كل يوم يا أبو رقية
عرض للطباعة
معاك حق بس انا بتكلم عن موضع مختلف شويه..
على الطرق الداخلية وسط العمارات (كمثال في مصر الجديدة الشارع الي خلف نادي هليوبلس) اوقات بيكون واقف للي رايح إلى شارع المرغني بمعنى ان الطريق واقف وبيتحرك كام متر كل دقيقتين او ثلاثة) وفجأه تلاقي صاحب الفكر القاصر ساب الصف الي واقفين فيه وراح خارج منه وماشي في المعاكس لحد قبل المفرق او لما يلاقي عربية جاية في وشه ويدخل ثاني في الصف , وطبعا بيحاول يخش في الصف (لو عرف بقلة الذوق او بالعافية) والطريق واقف اساسا وبالتالي يعطل حارة السيارات القادمة ويسبب إرتباك أكبر..
وبالتالي ممنوع التخطي لأن الي قدامه لا يمكن ان يزيد من سرعته اصلا لأن الطريق واقف.
لكن بالنسبة لحالة موجود سيارة عطلانة او مركبة بطيئة (تصميميا ) بالنسبة للطريق كما تفضلت بذكر امثلة او واحد سرحان ومش عايز يفوق والطريق قدامه فاضي بيتم التجاوز بعد التأكد من خلو المعاكس وبرده بدون تهور وللضرورة.
كده تنفع فلاش يا باشا ولا نشوف منتج تاني؟:)
موضوع رائع يا ابو رقيه
ياريت ما تنساش الحركة الشهيرة بتاعت سيد فكاكة .... سيد فكاكة ده بني آدم فكيك جدا
لما يلاقي الناس واقفة صف او صفين على الشمال علشان يعملو يو تيرن ...... هو بقى فكيك جدا ..... يروح واخد يمين لغاية فتحة اليو تيرن ...... وهوب يروح رامي بوز عربيته قدام الغلبان اللي على شماله ...... ويعدي الاول ...... فكاكة بقى
وطبعا سيد فكاكة ده مش واحد لوحده ....... قبيلة فكاكة كلها ح تمشي وراه وتقفل الحارة اليمين و كدة اللي ماشي طوالي ح يلاقي الطرق كله مقفول .... والفضل لسيد فكاكة ورفاقه
ملحوظة .... قبيلة فكاكة تعدادها وصل الى 80 مليون في مصر وحدها
لسه حاصلة معايا من يومين بالظبط
http://www.nilemotors.net/Nile/146617-a.html
, زود عليها يا باشا انه لما بيلاقي حد في وشه بيروح كابس عربيته قدام حد من اللي واقفين في الاتجاه الصح عشان يدخل قدامه بالعافية
تزود ايه يا باشا كمان ؟ , لما يكون فيه حتة الطريقة بيتقسم فيها اتنين منهم واحد واقف (زي مطلع اي كوبري في صلاح سالم مثلا ) تلاقي نفس عينة الناس دي , كتيييييييير , يمشوا كأنهم داخلين الفاضي و داخلين في المليان من الجنب , و طبعا كل اللي واقفين في دورهم دول كاوركات برده
الله يرحم ايامك يأحمد رشدي باشا بصحيح......كان الي يعدي من المشاه من وسط الشارع بعيد عن الخطوط الارضية يدفع غرامة فورية 10 جنيه والي معهوش ممكن يتركن جنب العسكري اه والله العسكري مش الظابط كمان لغاية ماحد يجيله بالفلوس.....كان ناوي يخلي البلد تمشي علي العجين ماتلخبطوش .....بس الحلو مايكملش ماكملش كام شهر وبعد ماساب كل حاجة رجعت امر من قبله.
والله تسلم إيدك بجد فعلا موضوع مظبوط 100%
ومرة كنا هنعمل حادثة بشعة كنا ماشين على الصحراوى على سرعة 100 ومرة واحدة لقينا واحد راكب نوبيرا بيلف وبيتقطع الطريق عشان يمشى يمين المهم والدى راح ماسك فرامل ووقفنا قبل ما نلبس فيه وإنا معانا فيكترا المهم والدى جيه جمبه وأنا اللى بقيت جمب سواق النوبيرا دة بس هزقته تهريق عشان يشغل مخه ويفهم إن التصرف اللى هو عمله دة تصرف مش ممكن ينتج ال من ...........
انا مرة حاجة زي دي حصلت معايا...
كنت واقف في الصف قدام مزلقان ... و الطريق صف واحد زي دا كدا
و جه واحد فاكر نفسه مفتح و احنا اللي خرنجات يعني و راح داخل كدا (عكس اللي هيطلع من الناحية التانية...) عشان يعدي الأول
عارفين اية اللي حصل ؟؟
بس دا بجد على فكرة ... مش هزار... لقيت العسكري جاله ... و وقفه معرفش قاله اية ... بس خلى الصف كله يعدي الأول و خلاه هو في الآخر...
بجد يومها معرفتش انام من الفرحة
لآ يا ريت كمان الجماعة الناصحين اللي يجيوا نازل من علي الدائري يقوم واخد أقصي الشمال لحد النزلة وبعدين يتنقل تاني يمين عشان ينزل (عشان يكسب الدنيا و الأخرة) والله العظيم قلة أدب وتربية.
و فى كمان اللى بيرجع بظهره فى طريع سريع سواء يمين او شمال و لما حد ييجى يتجاوز اللى قدامه يتفاجىء بالكارثة فى وشه ..
و ممكن كمان الناس اللى مش بتبص على كل الحارات المرورية و هى بتعدى الطريق و تتفاجيء ان فى عربية طالعة من ورا التانية و بتسبب كارثة برده .
اللى بيكتشف ان الشارع اللى هيدخله قرب و هو ماشي على الشمال و مرة واحدة يحدف على الطريق كله علشان يدخل الشارع .
و كمان اللى بيتجاوز اللى قدامه من غير ما يبص فى مرايته الشمال او اليمين و يكسر على اللى وراه و ده بيسبب توقف مفاجىء بيلبس الطريق كله فى بعضه .
و لسه من السلبيات كتيرررر .
هايل يا باشا
يستاهل التثبيت
وافضل موضوع الشهر كمان في العام مالم يضاف افضل منه
معلم والله عجبتنى اوى موضوع الميكروباص اللى فى النص دة انا بعانى كتير من القصة دى
اما حكاية اليوتيرن دى فتحس انه بيلف مقطورة مش عربية صغيرة
عموما مجهود رائع
لا انا شفت اللى اروع من كدة 128 كان بيرجع للخلف فى طلعة كوبرى اكتوبر اللى بعد نعمة فى العجوزة و انا كنت طالع كنت هخبط فيه حاجة زى الفل ولا فى الاحلام
موضوع اكثر من رائع بس فى شوية اسئلة بتتعبنى ومبقاش عارف مين الصح
ساعات بنبقى ماشيين فى شارع حارتين مثلا وبعدين يجى مخرج يمين...طيب لو انا مش خارج هل لازم افضى اليمين..طيب مانا كل شوية حسيب اليمين واروح الشمال وافرض الشمال فيه مخارج هو كمان، من ابرز الامثلة كورنيش الاسكندرية ابقى ماشى على اليمين الاقى الميكروبصات والتاكسيات واقفة اروح الشمال كل كام كيلو الاقى نفسي فجاءة قدام اليوتيرن
او حتى لو الدنيا زحمة وماشية سلحافة وانا مزنوق فى اليمين اطلع ازاى على الشمال مانا حلاقى نفسي مستمر غصب عنى للفتحة
السؤال الاهم نفترض -سواء غلط او صح- انى ماسك اليمين وفيه ملف يمين وجالى واحد من على الحارة اللى جنبى (الشمال) وعايز يدخل؟ مين الغلطان؟ لو انا غلطان انى مش مفضى الحارة اليمين؟ طيب مهو غلطان برده لانه ممسكش الحارة اليمين من بدرى؟
السؤال التانى فى اليوتيرن -اسمع ان الصح ان عربية واحدة بس تدخل اليوترن والباقى وراها فى صف - طيب ليه اليوتيرن فى بعض الاماكن بتتعمل واسعة بحيث انها تاخد 3 عربيات ، طيب ولو افترضنا ان شارع رئيسى عمودى على شارع تانى عمودى رئيسى- مثلا شارع الاستاد عمودى على طريق النصر طيب ازاى العربيات اللى فى شارع الاستاد تتجمع كلها فى حارة واحدة علشان تدخل النصر على الضيق؟ وهل لو النصر فاضى اقدر ادخل على الواسع شوية؟
السؤال الثالث طيب لو كان يوتيرن شمال وانا دخلت وماسك الشمال وداخل واحد على يمينى واحنا بنلف لازم حد يقف يستنى التانى...مين ليه الاولية؟
السؤال الرابع: موضوع اللى ورا غلطان دايما ده غريب، وحصل معايا قريب اننا عدينا اشارة امن الدولة وبعديها في مطب كبير والناس مهدية وانا كاشف الشارع كويس لغاية اخر لاننا نازلين من فوق لتحت وماشى قدامى عربية وفجاءة وقف بدون اى مقدمات -اتهايله ان الخط اللى فى الارض مطب- وطبعا انا فرملت جامد والحمد لله محصلش حاجة لكن الغريبة انه مكنش عاجبه كمان، طيب وهو من حق اى واحد انه يقف من غير سبب ويقولك اللى ورا غلطان
كل اللى داخل يمين لازم يمسك يمين... مش معنى كدة ان "كل" اللى ماسك يمين داخل يمين...
الاستثناء الوحيد هو فى حالة اذا كان الدخلة اليمين ليها حارة مخصصة للدخول يمين بالتالى لو انت مش داخل يمين لازم تخلى الحارة دى... و برضة دة مش معناة ان اللى ماشى برة الحارة دى يقدر يكسر على الناس اللى فيها بما انة داخل يمين
اعتقد دى مشكلة تصميم فى الشارع لان مش من الطبيعى ان يبقى الدخلة بالشكل دة طالما مفيش تقاطع... نظريا المفروض يبقى فيه حارتين مثلا زيادة فى طريق النصر فى الحتة دى عشان الناس اللى طالعة من شارع الستاد تاخد سرعتها... بس نرجع و نقول ان طريق النصر شارع داخل المدينة و السرعة فيه 60 بالتالى فرق السرعات مش المفروض انة يبقى كبير بشكل يسبب خطورةاقتباس:
السؤال التانى فى اليوتيرن -اسمع ان الصح ان عربية واحدة بس تدخل اليوترن والباقى وراها فى صف - طيب ليه اليوتيرن فى بعض الاماكن بتتعمل واسعة بحيث انها تاخد 3 عربيات ، طيب ولو افترضنا ان شارع رئيسى عمودى على شارع تانى عمودى رئيسى- مثلا شارع الاستاد عمودى على طريق النصر طيب ازاى العربيات اللى فى شارع الاستاد تتجمع كلها فى حارة واحدة علشان تدخل النصر على الضيق؟ وهل لو النصر فاضى اقدر ادخل على الواسع شوية؟
و طبعا الحل الاسلم انك تحاول تكون يمين قدر الامكان عشان متطلعش فى سكة اى حد مندفع على طريق النصر
مش عرف... نظريا كل واحد المفروض يمشى فى حارتة... و غالبا حارة اللى على يمينك هى اللى حتقفل علية... بالتالى المفروض ان الطريق بتاعكاقتباس:
السؤال الثالث طيب لو كان يوتيرن شمال وانا دخلت وماسك الشمال وداخل واحد على يمينى واحنا بنلف لازم حد يقف يستنى التانى...مين ليه الاولية؟
قصة ان اللى ورا غلطان اكذوبة كبيرة جدا وليس لها اى اساس من الصحةاقتباس:
السؤال الرابع: موضوع اللى ورا غلطان دايما ده غريب، وحصل معايا قريب اننا عدينا اشارة امن الدولة وبعديها في مطب كبير والناس مهدية وانا كاشف الشارع كويس لغاية اخر لاننا نازلين من فوق لتحت وماشى قدامى عربية وفجاءة وقف بدون اى مقدمات -اتهايله ان الخط اللى فى الارض مطب- وطبعا انا فرملت جامد والحمد لله محصلش حاجة لكن الغريبة انه مكنش عاجبه كمان، طيب وهو من حق اى واحد انه يقف من غير سبب ويقولك اللى ورا غلطان
MMamdouh
ردود اكتر من ممتازة يا استاذ ممدوح
بس للاسف لاحظت حاجة حتى لو عرفت الاجابة الصح مش حقدر اطبقها
لان كل الناس مقتنع انك مدام مش داخل يمين يبقى لازم تخلى اليمين وبالتالى حتلاقى اى واحد جايلى من الشمال بيصغرلى ويقولى ايه اللى جايبك هنا مدمت مش داخل
وطبيعى كل الناس حافظة ان اللى ورا غلطان
فلو جادلت مع اى حد حتبقى عامل كانك "انسان طبيعى" فى وسط مجتمع يعانى من "عمى الوان" وبالتالى مهما حاولت معهم محدش حيقتنع
لو اللي ورا سايب المسافة القانونية بينه وبين اللي قدامه عمره ما حيخبط فيه حتى لو وقف تماما.
المسافة القانونية بتقول انك تسيب مسافة سيارة لكل 16 كلم/الساعة . يعني لو ماشي على سرعة 60 لازم يكون المسافة بينك وبين اللي قدامك مقدار أربع سيارات.
الكلام ده طبعا عمره مبيطبق على أرض الواقع، بس هو ده القانون العالمي!!!!!!!!!!!!!!!!
تسلم دماغك وايديك وكلك يا فنان. الموضوع مهم فعلا بس المشكلة الحيقيقة ان المرور سايب البلد وشغال على مواكب الريس والوزراء ووسط البلد. حتى المحور جابو ال4 -5 عربيات وموقفنهم طول النهار. المفروض الشرطة تعمل زى امريكا (الافلام والمسلسلات) دوريات راكبة كتيير كاميرات مراقبة ويبقى فيه عربية بتعدى فى كل شارع غلى الاقل كل نص ساعة. وتكون مسئولة عن كل جاحة مرور ومخالفات فورية و امن.
حاجة على ماشى فى اليو تيرن. الناس اللى بتدخل عكسى علشان تدخل اليو تيرن اللى ورا (50 متر مثلا)
+11111
تمام.....طيب لو 3 عربيات ماشين ورا بعض ولبسوا في بعض....الغلط علي مين!
العربية الاولي ماعليهاش غلط في جميع الحالات
الحالة الاولي الي قدام فرمل جامد او خفيف(مش فارقة قانونا)......الي بعده(العربية2) مالحقش يفرمل ولبس في الي العربية الاولي...........جات العربية ال3 وراحت خبطة الي في النص رقم2 وبالتبعية خبطت رقم 1....كده الغلط علي الي في النص رقم 2 هايصلح لرقم 1 ورقم 3 كمان.
الحالة التانية
رقم واحد فرمل ورقم 2 فرمل وماخبطش في رقم 1 جاه رقم 3 مالحقش يفرمل وخبط رقم 2 وخلي رقم 2 يخبط في رقم 1...........كده الغلط كله علي رقم 3 ويصلح ل1 و2
باشا شكلك نسيت المروحة. فى اشارة او صينية كله يدخل على الصينية ومحدش يبقى عارف يخرج لان اللى بالعرض قافل عليه. فيها من موضوع المزلقان و التقاطع t بس اوحش لان محدش بيعرف يوسع واقل حاجة بتاخد 5 دقائق لو الناس نزلت تسلكها
الحالة الأولى 3 حيصلح ل 2 و2 حيصلح ل1
الحالة التانية 3 حيصلح ل 2+1
طبعا ده بافتراض ان رقم واحد مش غلطان ومعليهوش نسبة تحمل. يعني مثلا لو كان بيتكلم في التليفون وسرحان مش من المنطق انه يشيل الليله للي وراه بشكل كامل. هيكون عليه نسبة من التحمل ، بس طبعا النسبة الأكبر على اللي ورا.
رقم 2 هو الي غلطان لانه تقديره كان غلط وماداش مسافة كفاية من الاول بينه ورقم 1 وتسبب في وقوف مفاجيء اقوي من اي فرامل فكل مازاد فرق سرعة مابين العربية رقم 2 وسرعة العربية رقم1 كل ماكانت الفرامل مفاجئة اكتر لرقم 3 ..........وده كله بفرض ان الثلاث عربيات كانوا ماشين علي نفس الحارة.
رقم 2 هو الي غلطان لانه تقديره كان غلط وماداش مسافة كفاية من الاول بينه ورقم 1 وتسبب في وقوف مفاجيء اقوي من اي فرامل فكل مازاد فرق سرعة مابين العربية رقم 2 وسرعة العربية رقم1 كل ماكانت الفرامل مفاجئة اكتر لرقم 3 ..........وده كله بفرض ان الثلاث عربيات كانوا ماشين علي نفس الحارة.
ماهو كده انت اكدت نظريتي........بمعني هانقول العربية الي قدام رقم واحد كان سرحان او عايز ينام ومش مركز ولقي مرة واحدة الطريق وقف قدامه تمام بس طلع سويق ووقف العربية في الوقت المناسب .......جاه رقم 2 ومالحقش يفرمل مع انه كان مصحصح وزي الفل بس ماكنش سايب المسافة القانونية فخبط رقم 1....جاه رقم 3 وزي الفل وسايب المسافة القانونية بس الدنيا وقفت قدامه بسبب الوقوف القصري لحادثة 1و2 ايه ذنبه في الموضوع!
لأ لازم تفضل فى الشمال وعشان كدة لازم يكون الطريق مجهز بمسافة لا تفل عن 40 متر واخدة جزء من الجزيرة عربيتك تسحب فيهم لتقارب سرعة السيارات القادمة وده كان لازم توضيحه فى الجرافيك - ولو إن الكلام ده لا ينطبق على شوارع داخل المدينة بل ينطبق على الطرق الأكثر سرعة مثل الكورنيش وطرق السفر - عشان كده فى أمريكا بيقولوا على السيارات الأكثر قوة إنها الأأمن لأنها بتوصل لسرعة الطريق أسرع فتتقلل نسبة الخطر - على فكرة طرق أمريكا لا تطبق السرعات المختلفة لأنواع السيارات عشان يحافظ على تدفق واحد للسيارات ومايكونش فى فروقات سرعة تسبب حوادث
أنا بعمل كدة جــــداً لغاية ما نعلمهم يا إحنا يا هما
الموضوع ده هايل بس مطلوب من الإدارة تنظموا شوية لأنه بقى عامل زى شوارع المحروسة - بمعنى إن كل جزئية تكون مستقلة فى النقاش عليها - وأجمد حاجة إن أساسيات القيادة دى لم ترد فى قانون المرور الجديد ( فاكرينه ) زى مثلا عندك كام لمبة محروقة أو معندكش نور فرامل دى حاجة خارج قانون المرور تماماً
راجع الكلام اللى انت كتبتة... حتلاقى انك افترضت ان اللى قدام معملش اى حاجة غلط و سبب الحادث عدم ترك مسافة امان فقط لاغير... هنا بس يبقى اللى ورا غلطان
انما مينفعش تبقى ماشى فى طريق سريع و تكبس فرامل على الاخر و لما اللى وراك يلبس فيك تقول هو غلطان... ما تصرفك المفاجىء هو اللى غلاه يغلط و يدخل فيك
مينفعش يبقى الاساس فى الحكم هو موقع السائق على الطريق... لازم تقيم كل واحد عمل ايه و امتى و بعد كدة تحكم مين غلطان
لو اللى ورا هو اللى غلطان و خلاص مكنش حد غلب ولا كان يبقى فيه معاينة لمكان الحادث ولا حصر للتلفيات و خلافة... مهى المسالة محسومة لمصلحة اللى كان قدام و خلاص...
MMamdouh