عاوز افتح سرعة للعربية

**MMamdouh** · 05-05-2010 12:09 PM

المشاركة الأصلية كتبت بواسطة ahmed31031

يعني المفروض الواحد ينقل علي كام ار بي ام انا عن نفسي بنقل من 3 الي 3.5 كد صح ولا غلط

للاستخدام الاقتصادى خللى دايما لفات الموتور بين 2000 و 3000 لفة

MMamdouh

**hosar** · 05-05-2010 02:36 PM

ما هو الجرى لة أحكام و قواعد

**محمد الشامي** · 05-05-2010 03:07 PM

المشاركة الأصلية كتبت بواسطة hosar

ما هو الجرى لة أحكام و قواعد

كلام حضرتك صح , لكن انا حاسس من الناس اللي بترد بتسرع انها معتقده ان المفروض الواحد يطلع من تحت بيته مثلا على اقصى سرعه !!!!!

الحكايه مش بالمنظر ده , بس الطبيعي لأي عربيه في الدنيا انها لازم كل فتره تجري شويه عشان تفك , امال ليه الواحد لما بتكون عربيته مخنوقه يقولك اديها مشوار طويل او سفر وهتلاقيها فاقت !!! مهو عشان الموتور بياخد راحته على الطريق وبيجري

و اكيد البني ادم اللي ربنا انعم عليه بنعمه العقل عارف بيجري امتى وازاي وفين , وعارف كويس يحدد الأخطار اللي ممكن يتعرضلها اثناء الجري , وطبعا ده بعيده عن الأقدار والنصيب , انا بتكلم في العادي

بلاش ياجماعه لما حد يهاجم فكره معينه كلنا نقول وراه ( +1 )غير لما نفكر فيها شويه , وكمان نفكر هل احنا عملنا الفكره اللي بتتهاجم دي ولا كله ماشي قانوني اوي

**samcar** · 05-05-2010 09:13 PM

المشاركة الأصلية كتبت بواسطة محمد الشامي

هو حضرتك بتتكلم على حد من المنتدي هنا ولا بشكل عام ؟ !!!

لا طبعا شكل عام- السرعات اللى بيتكلموا عليها اخونا - ال 120 وطالع مفيش طريق فى مصر متصمم عليها- ده اذا كان فى تصميم بيحسب السرعه اصلا
يبقى سوبر مان السرعه اللى عايز يمشى على 140- حيمشى بيها فين وازاى - اذا كان الكلام على التجاوز- لو واح ماشى على 120 - مثلا عايز تتجاوز او تطلع منه ليه - !!!- هو اصلا مجازف بمشيه على السرعه دى - يبقى اللى عايز يشد ويطلع منه مصيره ايه-
يا خونا الموضوع ده مالوش دخل بالمهاره - او الفهلوه- جنابك مش حتغلب قانون الجاذبيه ولا القصور الذاتى - كمان اى عربيه حتى لو مرسيدس فى نسبه للخطا او الاختلال المفاجئ- فى اللى حيقول ده نصيب- صح بس لو ماشى معقول - الاحتماليه فى الاصابه تقل
اعقلها وتوكل
فى ناس عاملين موضوع فى المنتدى عن رحلات السفارى فى الطرق البعيده زى الواحات وغيرها- اه هنا ممكن اللى غاوى السرعه يروح ويحرق فى الغيرات زى ما هو عايز لان الاحتمالات تساعد- مفيش زحمه طريق ممكن يكون مش هلكان ومطباته معقوله
انا بابقى مستعجب فى الدائرى بالقى ناس ماشيه على 130 او 150 كمان وياخد غرز ويزنق ويدى كلاكسات وسرينه- وبعد كده ب 5 او 10 دقايق الاقيه مرصوص ورا صف عربيات فى كمين او منزل او مطلع- وعمال ينفخ- والمضحك ان اللى كان ماشى وراه ظروف الطريق خدمته فيعدى واخينا مزنوق مش عارف يخلع - طيب فادك بايه الجرى والمجازفه ؟؟؟؟
معلش الكلام للمصلحه- وزى ماقلت للاسف الشباب ما بيعجبوش الكلام

**M!SHO** · 06-05-2010 02:53 AM

المشاركة الأصلية كتبت بواسطة samcar

انا بابقى مستعجب فى الدائرى بالقى ناس ماشيه على 130 او 150 كمان وياخد غرز ويزنق ويدى كلاكسات وسرينه- وبعد كده ب 5 او 10 دقايق الاقيه مرصوص ورا صف عربيات فى كمين او منزل او مطلع- وعمال ينفخ- والمضحك ان اللى كان ماشى وراه ظروف الطريق خدمته فيعدى واخينا مزنوق مش عارف يخلع - طيب فادك بايه الجرى والمجازفه ؟؟؟؟
معلش الكلام للمصلحه- وزى ماقلت للاسف الشباب ما بيعجبوش الكلام

كلام حضرتك مظبوط

**lanos_power** · 06-05-2010 04:33 AM

مبدئيا انا عن نفسى مش بجرى على طول لا حبة كدة و حبة كدة و السرعات العالية بتبقى على طرق السفر فقط و و بشكل نادر انى اجرى على سرعة زى دى

**wael_dosoky** · 06-05-2010 01:13 PM

والله يا جماعة انا ادعوكم ونفسي لمراعاة موضوع السرعة
فعلاً الواحد بيكون ماشي علي الطريق علي الأوتستراد او الدائري وتلاقي واحد جاي طاير من علي يمينك او شمالك ما تفهمش هو وراه ايه ياعني
وجاب مين فين الثقة العالية اوي في سيارته او في سائقي العربيات إلي حواليه وإلي هيعمل الغرزة بينهم
المشكلة انه كده بيعمل فزع في الناس إلي علي الطريق وممكن يخلي حد يعمل رد فعل غير متوقع يتسبب في كارثة علي الطريق
ربنا يهدي ويحفظ الجميع