الى كل ملاك و عشاق السيفيك..مساعدة قبل الخطوة النهائية و الحجز

**CosmicOne** · 28-01-2008 09:44 AM

هيا وطية على الارض
بس مش بالشكل الى بتوحى بية معادا الشنب قدام
لكن بصراحة انا حكيت بيها مرتين تلاتة بس اول مجبتها و كان راكب معايا 4
بس من ساعتها لو كنت حريص كولو بيكون تمام
اظن بردوا ان الكرولا الجديدة شرحوا

**NaBeLeOn** · 03-02-2008 02:13 AM

و أخيرا تم الحجز بحمد الله

باركولى يا جماعة حجزنا خلاص من فرع الفطيم فى اسكندرية و بعد مغامرات شاقة فى جو عاصف جدا فى الاسكندرية .. اللى حصل انى كلمت ال3 فروع اللى فى القاهرة اتنين قالوا دفعة مارس خلصت و بنحجز فى دفعة أبريل حاليا و فرع التجمع قال أبريل كمان خلص و بيحجزوا مايو .. طبعا قلقت جدا و قلت اجرب اسكندرية و امرى لله قالى فاضل عربيتين بالظبط فى دفعة مارس واحدة سيلفر و واحدة شامبين انا ما صدقت خدت بعضى و طلعت على اسكندرية مع ان الجو كان صعب جدا و المطر شغال طول الطريق .. و الحمد لله حظى كويس كان فى واحد هناك فى التوكيل لما رحت بيستلم عربيته و كانت سيلفر عجبنى اللون عليها جدا و توكلت على الله و حجزتها .. و فى نقطة تانية مهمة برضه ان الشامبين الفرش بتاعها بيج و طبعا مش محتاج اقول انه بعد فترة بسيطة بيكون عامل ازاى لكن الفرش الرمادى اللى مع السيلفر احسن بكتير طبعا فى النقطة دى

ان شاء الله المفروض الاستلام 20 مارس .. دعواتكم

**mostafa.sharkawy** · 03-02-2008 05:02 AM

أولا الف مبروك يا باشا ممكن تقولى اية اللى عملتو بالظبط يا نابيليون . يا ريت بالتفصيل لو سمحت.

**NaBeLeOn** · 05-02-2008 02:13 AM

الله يبارك فيك يا أستاذ مصطفى

مش عارف حضرتك عايز تعرف ايه بالظبط غير اللى انا موضحه .. عموما أنا أفضل ان حضرتك تسألنى أسئلة محددة عن المعلومات اللى عايز تعرفها و انا مش هتأخر ان شاء الله .. عشان بس انا مش عارف اتكلم فى ايه بالظبط

**mostafa.sharkawy** · 06-02-2008 05:52 AM

خلاص يا باشا الف شكر انا كنت عند التوكيل امبارح و حجزت السيفيك الفرانى و هستلم يوم 25 مارس .الف مبروك لينا

**NaBeLeOn** · 07-02-2008 02:26 AM

ألف مبروك

بس حجزتها من انهى فرع ؟

**mostafa.sharkawy** · 07-02-2008 12:26 PM

الله يبارك فيك . حجزتها من فرع اسكندرية طبعا اللى فى شارع السلطان حسين. واحد اسمو احمد بيشتغل هناك جدع اوى .

**NaBeLeOn** · 08-02-2008 02:09 AM

مبروك مرة تانية

فعلا الناس هناك محترمين جدا .. أحمد و سيد الجداوى مدير الفرع برضه

**mostafa.sharkawy** · 08-02-2008 03:08 AM

ربنا يبارك لينا يا باشا . بقولك اية انت مفكرتش تعمل تأمين على العربية اصل انا عاوز اعمل تأمين بس مش عارف انهى شركة تامين احسن .

**omar_megane** · 08-02-2008 05:06 AM

السلام عليكم ورحمة الله وبركاته
اولا الف مبروك على السيفيك
انا برده اشتريتها من الاسكندرية ومن فرع السلطان حسين وفعلا الاستاذ سيد الجداوى قمة فى الاحترام وكان حصل ان ورق العربية اتأخر يوم عن موعده وبالتالى الاستلام اتأخر ..مقولكش على التليفونات اللى بيعتذروا فيها.
حضرتك استلام العربية بيبقى من مركز المأمون للصيانة لأن ده هو جراج المعرض بس معرفش هما غيروا النظام ولا لأ وهوة نسبيا قريب من الفرع
اما بخصوص التأمين انا بنصح حضرتك بيه مع انى ماليش معاه تجربة قبل كده (والحمد لله) انما انا مأمن مع الشركة السعودية للـتأمين لأن دى اللى نصحنى بيها الاستاذ سيد الجداوى بس مقدرش افيدك اذا كانت كويسة ولالأ علشان مليش تجربة معاها اوى غير انهم كانوا كاتبين فى البوليصة هوندا سيتى مش سيفيك بس غيروها بسرعة.انا صفصفت معايا على 3 الاف فى السنة بس التأمين ضرورى فى العربيات دى
اتمنى انى اكون افدتك ومبروك مقدما.