الموضوع: مش عارف ده يبقي أيه ؟؟ أستهتار و لا جهل و لا أستهبال؟؟

أخواني الكرام ....

أسعد الله مسائكم بكل الخير ....

لسه من شوية كنت راجع من بره و طبعا ماشي علي مهلي جهة اليمين في أحد شوارع الرحاب و أذا بسيارة كورولا طالعة من الطريق الجانبي المؤدى لساحات الانتظار و بسرعة تكاد تزيد عن سرعتي

المهم انا تخيلت أن قائد هذه السيارة سوف يخفض من سرعته بمجرد خروج مقدمة سيارته الي الشارع حيث و لابد من تقابل سيارتينا و لكنه لم يفعل و بدأت أشعر أن الصدام قادم لامحالة فأنحرفت قليلا جهة اليسار الذي تأكدت من انه خالي من أي سيارات قادمة من الخلف مع زيادة سرعتي قليلا

المهم أن قائد الكورولا عندما وجد سيارتي أصبحت أمام سيارته توقف تماما , و تفادينا و الحمد لله الاصطدام

المهم هنا سؤال سألته لنفسي و محتار في أجابته :
- هل هذا السائق يجهل ان أولوية المرور لي (لأني في الشارع الرئيسي الاكثر عرضا و قادم من جهة اليسار) لذا صمم علي الخروج من الطريق الفرعي و بهذه السرعة رغم رؤيته لسيارة قادمة من يساره ؟

- ام هل هو أستهتار بسلامته و سلامة الاخرين ؟
- أم هو أستهبال و شغل دراع و عافية و خلاص و اللي يسبق ؟

بجد حاجة بقت تحرق الدم و تجيب الضغط و أصلا أنا مش ناقص
ربنا يسترها معانا و معاكم

مع خالص تحياتي
م/ سمير الشهاوي

المشاركة الأصلية كتبت بواسطة m.osman

انا ساعتها بطريقة تلقائية جداً روحت منزل الإزاز و شاتمه (يا متخلف)...

و دي نادراً ما بتحصل

طب فى مرة حصل اتنين دخلو فى بعض بسبب العكس بتاع الصوانى ده و الناس بتعدى و بتتفرج كالمعتاد و انا عايز اخلص و امشى من الهيصة ديه فبارعش النور لواحد تنح واقف بعربيته بيتفرج و موقف الشارع البيه مشى سنة صغيرة و انا ابتديت اتحرك ام واقف عشان يزنقنى و ام شاتم بالكلكس و عايز انزله بقا و نتخانق احنا كمان طبعا عديت بعربيتى من خرم الابرة اللى سابه و مشيت و ما عبرتوش قللى بقا لو كنت قلتله يا متخلف كان ايه اللى حصل