مثال للموظف المصري الاصيل (اصيل اصيل يعني )

دا مثال للموظف المصري ال بيحب يسعي للخير :devil2:
وال ربنا اكيد هردو الخير دا اضعاف :049:
عندنا في التكليف بتعمل جواب الاول من مديريه الصحه و بعدين تروح بيه الاداره
عملت انا الجواب في المديريه يوم الاربع و مكتوب فيه اني اروح الاداره يوم الخميس

انا روحت علشان استلم تكليفي يوم الخميس المهم مدير الاداره كتبلي وحده مش عاجباني و مضي بتاريخ اليوم دا (يعني انا موجود اهو في الاداره يوم الخميس )

انا خدت الجواب و مكملتش الاجراءات لحد ما اشوف اي حد يكلمو علشان يكتبلي اداره عدله شويه
المهم مشيت الخميس و كان جمعه و سبت و حد اجازه

المهم انا روحت تاني الاتنين ملقيتوش و التلات كسلت
ورحت الاربع استلمت

الموظف ال .................. دا تفتق ذهنو عن ان الايام من الخميس(ال انا موجودفيه في الاداره ) لحد الاربع بما فيهم ايام الاجازات دي ايام انقطاع عن العمل (عمل يا عم الحج هوا نا استلمت اصلا)
وكتب مذكره و حولني لتحقيق:rolleyes2:
من قبل ما استلم الشغل اصلا


وبعتلي اخطار التحقيق علي اداره تانيه غير ال انا مستلم فيها (طيب اوي الراجل دا :reddevil:)



المهم انا بقي ناوي اشتكيه في النيابه الاداريه
يا تري في حاجه تانيه ممكن اعملها فيه؟ علشان انا بصراحه حبيتو اوي :049:
وعاوز اردلو جزء من جمايلو دي معايا:3mla:

البيروقراطية المصرية الأصيلة !!!!!!!!!!!! ربنا معاك، اقرا كتاب نبيل فاروق عشان تشوف مذكراته في فتر التكليف ... تحفة
الكتاب اسمه "رجل المستحيل .. أوراق لم تنشر"
إدارياً المفروض بعد 5 أيام انقطاع عن العمل يتم توجيه إنذار .. لو انت على قوة المديرية يبقى لازم تروح يومياً .. روح واضرب لك شهادة مرضي وللا حاجة وسيب أبو المعاطي البيروقراطي يولع.
وبالمناسبة ماتحاولش تتحدى غيلان البيروقراطية احنا ولاد ناس ومانعرفش في ملاعيب شيحة الإدارية المصرية .. ده من جبروتهم حسبوا تسجيلات دبي في قضية السكري ب 750 مليون جنيه .. نفسي اعرف إبن أبالسة مين اللي فنن التفنينة بنت الحرام دي !!!!!!!!!!

ربنا معاك وتعرف تتصرف مع الذكى دة

المفروض حضرتك كده منقطع لمدة يومين اللى هما الإثنين والثلاثاء لإنك روحت تستلم عملك يوم الأربع .. وفي نفس الوقت يوم الخميس إنت كنت في المديرية ومكنتش منقطع ولا حاجة ودليلك على كده التأشيرة بتاعة مدير الإدارة المؤرخة في اليوم ده غير إن السبت والأحد إجازة (هما كانوا إجازة ليه صحيح .. ؟) ول هما فعلا إجازة رسمية يبقى إنت مش محتاج إثبات عليهم خالص

وعموما مشاكل الإنقطاع الخاصة بالأطباء بتروح النيابة الإدارية ولو ماراحتش .. ممكن تروح إنت النيابة الإدارية تعمل عريضة وترفق معاها أي إثبات على اللى عمله الموظف ده .... بس في الأغلب الواقعة نفسها بسيطة وحتى لو ثابتة ممكن تتحفظ

سواء واقعة إنقطاعك يومين أو واقعة خطأ الموظف

ياراااااااااااجل

مرحبا بك فى عالم الحكومة كومة كومة

دا كده بعدها بكام يوم حتلاقى نفسك اتعودت على الوضع دا

انا لما كنت شغال فيها ربنا لا يعدها ايام سودة

كنت عاوز اخد يوم تفرغ عشان اكمل دراسات رفضوا وقالولى مينفعش وبما انى طبعا كنت دفعت المصاريف فبقيت اغيب اليوم دا بلطجة

وسبحان الله التفتيش مكنش بيحلاله ييجى فى اى يوم غير اليوم اللى مش موجود فيه وطبعا الجزاءات كانت على ودنه

وبعدين لما جت فترة الامتحانات قلت لازم الواحد يمشى فى اجراءات اجازة بدون مرتب عشان اعرف اروح الامتحانات وابتديت الاجراءات دى من شهر قبل الامتحانات والموظفة فى الادارة تبعتنى للدور اللى فوق وبعددين انزل لتحت وبعدين فوق وحبة تحت واللى هو المفروض اصلا شغلها اللى المفروض تعمله لكن بما انها خلاص من كتر قعدتها على الكرسى لزقت فيه فكانت بتبعتنى انا

واحلا حاجة ان كان فيه ورقة كنت تعبت اوى عما خلصتها وسيبتها عندها وجيت بعد فترة لاقيتها بتقولى بكل برود انت لما اتاخرت على رميت الورقة وروح اعمل غيرها

كان هاين على باللى فى رجلى والسوعها بيه على نافوخها

المهم لقيت نفسى بعد العذاب دا كله مخدتش الاجازة ومبقاش غير 3 ايام على الامتحان قمت مقضيها بلطجة وسيبت العمل لمدة شهر والدكتور مدير الوحدة كان بيحضرنى الايام ويعملى ايام اجازات على عارضات على اعتيادات على سمك لبن تمر هندى

وبعد مخلصت الامتحانات قررت انى اسيب الحكومة لقيت ورقة الاجازة اللى المفروض اخدها قبل الامتحانات طلعت بعدها

بلطجججججججججججججججج

عشان تعرف تسلك في الوزارة بنت الإيه دي.....

وكبر دماغك على الآخر...

بس نصيحة لوجه الله.....حاول تراعي ربنا شوية في موضوع الحضور.....ومتعملش الحركات دي إلا للضرورة القصوى....


معلومة....لو اتحولت للتحقيق....ومرحتش التحقيق.....هتاخد جزاء غيابي....تروح حضرتك تطعن في الجزاء في الشئون القانونية لأنك محضرتش جلسة التحقيق....في الغالب هيترفع الجزاء.....

لكن للضرورة برضه