الموضوع: حد عندو معلومات عن فكترا c 2007

السلام عليكم

مشكله بمعنى كلمه مشكله - لا يوجد - انما الفيتيس بيحتاج تتعود عليه و فيه ناس بتستريح و ناس لا - النصيحه تجرب قيادته بنفسك.

فيه على المنتدى مواضيع كتيره عى الفيكترا c ضرورى هتفيدك

و ربنا يوفقك

انا معايا العربية و مانيوال جميع الكماليات موديل 2007 و كانت تاني عربية تتباع في الاسكندرية 25-12-2006
و عاوز اقول انها منغير اي مشاكل و الحمد لله و دلوقتي عاملة 45000 كم و الحمد لله مفيهاش مشاكل خالص و بالعكس ركبتلها كماليات اصلية زي سبويلر شنطة و سبويلر اكصدام امامي و دلايات عجل امامي و خلفي و مثبت سرعة و كله اوبل اصلي من المنصور و كان هناك و احد في قطع الغيار محترم جدا اسمه فخري ارمنيوس و كان متعاون جدا و بيطلب كل اي انا محتاجه و كمان لما ركبت مثبت السرعة في حملة الصيانه في مارينا في الصيف كان هناك رئيس قطاع خدمات ما بعد البيع و علشان العربية كانت ساعتها لسة نازلة و شاف ان البرباريز مكسور كتب طلب اصلاح و تغيير الزجاج على حساب ارضاء العملاء و كان اول برباريز يتغيير في مصر و ده كله من غير ما اقولو و كان محترم جدا و بصراحة العربية ثابته جدا جدا و انا جربت بعد اول ماعملت 3400 كم اوصل لاقصة سرعة و كانت بين ال 210 و 215 في طريق الصحراوي و كان ده باين انه اخر سرعة ممكن اوصلها بس لو قارنتها بعربيات تاني كتتير حتلاقيهال تحفة و كمان سعر قطع الغيار رخيص جدا مثلا فلتر البنزين ب 68 جنية مقارنه بفلتر بنزين الكرولا الزفت ب 288 جنية و يمكن يكون تيل الفرامل الالماني هو اغلى حاجة 800 جنية بس فيه جي ام هندي في التوكيل ب 400 جنيه و فلتر الزيت ب 32 جنية (حاجة ببلاش كده)
و ربنا يوفقك
و اي استفسار تلفوني 0181877000
و لو جبتها مش حتفكر تبيعها خالص خالص زيي

هي العربيه بصراحه معرفش عنها حاجه
بس مره شوفتها علي طريق سفر إسماعيليه -بورسعيد ,,,,,ماشيه من جنبي زي الصاروخ ,,,,,وتحسها لازقه في الأسفلت من الإتزان
تقريبا مكنش ماشي أقل من 170 كيلو ساعتها

المشاركة الأصلية كتبت بواسطة n.a.j.d

هوا دا الكلام .......
ربنا يباركلك فيها ياباشا

يا باشا انا بشكركم لاني لاقيت ناس محترمين في منتدى محترم و المشرفين ناس فاهمة و واعيين و اكيد انا سعيد بانه يكون عندي اصدقاء محترمين زي اعضاء اجمد عصابة اوبيلاوية