هههههه
ربنا يخليهولك
انا بقي عندي مشروع طاغية
و هو السيد ادم ابن اختي
عنده 6 شهور و طبعا بما انه الحفيد الاول فمتشال علي كفوف الراحة و 100 واحد ينفذوا طلباته الغير معروفة اصلا بس هو يعيط و تلاقي الخدم و الحشم اتجمعوا عشان خاطر مزاج سعادته
عرض للطباعة
هههههه
ربنا يخليهولك
انا بقي عندي مشروع طاغية
و هو السيد ادم ابن اختي
عنده 6 شهور و طبعا بما انه الحفيد الاول فمتشال علي كفوف الراحة و 100 واحد ينفذوا طلباته الغير معروفة اصلا بس هو يعيط و تلاقي الخدم و الحشم اتجمعوا عشان خاطر مزاج سعادته
انا من كام سنه كان لسه اخويا صغير قوي وكان دايما والدي يخليه يطفي الجهاز عشان اقوم اكل
دلوقتي البيه الصغير ابني محمد مستولي تماما علي التليفزيون وطول اليوم طيور الجنه وحتي لو مش بيتفرج لازم تفضل شغاله
البارح لما جينا ننام قال كلمه فطستني من الضحك- كنا خلاص قربنا ننام وفجأه لقيت بيقولي "واد ياهيثم" طبعا مكنتش واضحه قوي عشان لسه يادوب سنتين بس معرفش جابها ازاي
ده غير انه دلوقتي لما بيحب يندهني انا ومامته بيقول "مابا"
الصراحه محمد لسه معملش حاجه بمزاجه علشان يبقي مستبد بس لو استنيتوا عليه لاخر السنه احتمال اكلمكم من الشارع بميكرفون وجلابيه مقطعه
الطاغية الصغير
معنى كده ان فيه الطاغية الكبير
ده الستات دول ليهم الجنة :)
ابنى الصغير عبدالرحمن بيمسك الموبايل يعمله شاكوش ويدبدبه فى الارض ، ولو قاعد على الكمبيوترلازم يقعد على رجلى و ايده بتسبق ايدي
بس بالرغم من كل مشاكلهم لما يبقوا عيانين بنتمنى ان ربنا يشفيهم ويبقى يعملوا اللى هما عاوزينه
الله احفظ اولادنا واولاد المسلمين
مراتى عايزه تقعد على الكومبيوتر محمد قالها اب توب بابا اهو اودى اليه انا العب الله بقى
محمد سنتين و نص
الأطفال نعمه و فرحه و قبل ذلك مسئولية
أنا ربنا أنعم عليا بولدين و الحمد لله ، العلاقة بيني و بينهم حب واحترام
الأول 3 سنين و نصف و الثاني سنة و نصف
تعرفوا إن شخصية الطفل بتتكون بشكل أساسي في أول 5 سنين من عمره
أوعي تكون الـ 5 سنين دي أمام ميلودي و مزيكا و مسلسل عربي فيه علاقات غريبة و فيلم أجنبي مرعب
بس الله ماشاء الله ربنا يطرح لكم البركة فى الأولاد
لما كنت مسافر الخليج وسايب ابنى وبنتى مع زوجتى كنت باسمع حكاوى كتير عن طغاة صغار فى بيتى وكانت زوجتى فى حالة يأس من اصلاحهم ههههههههه
لكن لما بيرجع الدكتاتور الكبير للبيت فى الاجازات كله بيتظبط
علشان كده ما كملتش فى شغلى فى قطر ورجعت حتى لا يتجبر الطغاة الصغار على امهم الغلبانة والتعبانة معاهم وانقذت ما يمكن انقاذه
ملحوظة الطفل طاغية مؤقت بيجس نبض والديه فلو لقى لين وعدم صلابة فى مواقف معينة بيتمادى خصوصا مع الام ونصيحتى للاب انه يتدخل فى الوقت المناسب لان السن من2 الى 6 سنوات ( الطفولة المبكرة ) اهم سن لتكوين الشخصية
وربنا يخليهم لنا ويقدرنا على تربيتهم صح ..