الموضوع: مطلوب جهاز يدعم الشيرنج بفتحة لان مستعمل بحالة جيدة في القاهرة

المشاركة الأصلية كتبت بواسطة shouk_1987

يا محمد باشا شكرا على مجهودك الرهيب ده مش عارفين نقولك ايه
و عندى شوية استفسارات على طلبات :

1- أنا والدى قرّب يخلعنى من البيت عشان أنا معشمه بالريسيفر و بكاس العالم و بديسكفرى و حاجات كتيير أنا جبت التلفزيون 42 و مستنى الفرحة تكمل + ان هو موسوس حبتين .
2- نتيجة لهذه الوسوسة أبويا عمال يزن عليا ويقولى ماله الريسيفر اللى بالانترنت و من غير اطباق وسلوك و دياولو (معلش اعذره عشان هو مالوش فى القصص ديه)
3- فى ريسيفر اسمه q-max و فيه HD و usb و انترنت sharing و ب 750 جنيه طبعا أنا عارف ان كل ده ما يسواش بصلة و ضرب فى ضرب بس هل ده أحسن الوحشين ؟؟؟
3- ايه هى الريسيفرات اللى مدعومة للموربوكس و ماتعملش أىّ مشاكل و موجودة فى السوق
4-أنا أخويا فعلا معاه ترومان 1000 بس كان فى مشاركة قبل كده و تقريبا طلع توين بروتوكول و أنا جايبله الدونجل لوحده
5- ياريت تبعتلى كل البرامج الخاصة بالريسيفر من تظبيط قنوات و تحميل software أو على الأقل أساميهم
و الايميل : shouk_1987@hotmail.com

و فى النهاية أنا مش عارف أقولك ايه على ذوق حضرتك و كرمك معانا

اولا بعتذرلك علشان كان عندى اجتماع لما كلمتنى

و ثانيا اتفضل الأجابات على الأسئله بالترتيب :

1- مفيش حاجه اجاوب عليها ههههههه

2- الكيوماكس 999 hd او ما يسمى بالجوكر فعلا تمنه متراوح بين 750 الى 800 جنيه مع انه اول لما نزل كان ب 650 جنيه فقط ... انا حاولت اسأل عليه و كانت الردود متباينه فى ناس بتشكر فيه و فى ناس بتذم ... انا شايف ان ده الطبيعى لآن الناس كلها مش بتجتمع على حاجه بس الملاحظ من متابعتى ان حته رداءه الصناعه لأجهزه عبد العال دى معظم الناس متفقه عليها و بيعكس ده ان المستورد الزفت بتاع الجهاز بيبيعه من غير ضمان !!!

يعنى لو خرجت من باب المحل اللى اشتريت منه و رجعت تانى تقوله انا هغيره هيقولك معرفكش

عموما الجهاز معاه سيرفر مجانى سنه و طبعا بيفتح قنوات ال hd وده ميزه كبيره ... ممكن تجيب واحد تجربه و تستخدمه كام يوم وتحكم عليه ... الحياه تجارب ... انا اول لما جربت اجهزه المورسات كانت مغامره و محدش كان يعرف عنها حاجه


3- للأسف الريسيفرات اللى بتعم الموربوكس فى مصر قليله قوى و تقريبا مفيش لآن اجهزه المورسات ممنوع استيرادها فى مصر و محطوطه على قائمه المحظورات ... بدل ما تجيب ريسيفر و دنجل الأوفرلك تجيب سام سات 560 و جواه الدنجل و السعر هيبقى اوفر كتير

بس انا سمعت ان فيه ريسيفر اسمه ستاربورت تقريبا 9400 او 9500 مش فاكر الموربوكس شغال عليه كويس اوى مع انه غير مدعوم من المورسات وهوا جهاز رخيص تقريبا تمنه 250 جنيه و تقريبا صتاعه مصريه

4- الترومان 1000 هيعملك مشاكل مع الدنجل زى ما حصل مع ايمن

5- هبعتلك كل حاجه ... عاده السوفت فى موقع المورسات بيبقى جةاه اللودر

اللى فاضل هو لودر سحب القنوات و لودر التعديل عليها ...طبعا ده بالنسبه للسام سات ... اما بالنسبه للدنجل لوحده فاللودر بيبقى موجود فى الموقع الرسمى بالأضافه مبينزلش عليه قنوات لآنه مجهز لأستقبال الداتا فقط

ارجو ان اكون اجبت على جميع الأسئله

تحياتى ....

المشاركة الأصلية كتبت بواسطة KoDaK_Gti

انا محتاج ريسيفر دلوقتى يقبل الشيرنج lan وياريت لو يكون hd
وفى امكانيه انى اجيبه من الخارج ( الكويت - السعودية - الامارات)
رشحلى حاجة تكون كويسة وسوفت وير سهل

دريم بوكس 800 hd

او انتظر سام سات 80 hd

نازل اول الشهر ان شاء الله