الموضوع: مطلوب جهاز يدعم الشيرنج بفتحة لان مستعمل بحالة جيدة في القاهرة

المشاركة الأصلية كتبت بواسطة hazemhassan

اسعارهم كام؟؟؟؟؟؟؟؟

يعنى الترومان تعبان مالوش لزمة
عشان هنزل اجيب واحد وهوة عند اصحابى شغال
وانا عندىAdsl 2 ميجا

1- صدقنى معرفش اسعار الأجهزه ده ببساطه علشان مفيش منها اصلى فى مصر و علشان كده انا بفضل الشيرينج الفضائى لآنه رخيص مقارنه بالنوع الأول و اجهزته اصليه و موجوده


2- لو الترومان شغال عند صاحبك و شوفته بعينك و عاجبك و ميزانيته مناسبه بالنسبالك توكل على الله

لآن الأنواع اللى كتبتها دى الأفضل على الأطلاق يعنى اللى عايز احسن حاجه هيا نظام تشغيلها لينيكس تخيل الثبات بتاع الجهاز هيبقى عالم ازاى

3- الشيرينج عن طريق الأنترنت ملوش دعوه بالسرعه خالص انت عارف الملف اللى بيستقبله الريسيفر كام ؟؟؟ لا يتعدى 2 kb حتى لو عندك 128 هيشتغل كويس و متخليش حد يدحك عليك بموضوع السرعه ده علشان الفنيين فى مصر عندهم سيرفرات زى الزفت و بيضحكوا على الناس بموضوع ان سرعه الأنترنت هي السبب ... و ده تانى سبب خلانى افضل الشيرينج الفضائى علشان انتا بتستقبل الداتا من الساتالايت و السيرفر معمول من ناس محترفه و عرفه هيا بتعمل ايه ... و مهما زاد عدد المشتركين ملوش تأثير على السيرفر (تخيل لو 100 مليون واحد جاب محطه دريم 1 فى نفس اللحظه ولا هيحصل حاجه و كله هيتفرج تمام ... انما تخيل العدد ده دخل على سايت واحد فى لحظه واحده ... يبقى الله يرحمه)

تحياتى

المشاركة الأصلية كتبت بواسطة hugan

انا عندي واحد اي جي وكنت عايز سيرفر والراجل اللي كنت شاريه منه حرامي تقريبا السيرفر ماشتغلش غير شهرين وقطع شهر لو في حد يعرف مكان كويس اشتري منه سيرفر يقولبس يكون كويس ومش بيقطع

الأى جى جهاز كويس ... و معرفش حد حاليا عنده سيرفر كويس كله نصب x نصب للأسف الشديد هحاول اسأل حبايبى و لو لقيت حد ثقه هقولك

و علشان كده الشيرنج الفضائى ارخص و احسن كتير من الشيرينج بالأنترنت

تحياتى

انا اشتركت الشهر ده في سيرفر كويس ب 25 جنيه في الشهر وفاتح كل النايل والعرب والاوروبي وقنوات الجزيرة كاس العالم طبعا وجهازي بيرفكس 9400
هيا الشوتايم كان فيها شوية تقطيع اول كام يوم بس ظبطت واللي عاوز ممكن ابعتله موقع السيرفر
تحياتي

ولسه عاوز اجيب رسيفر تاني مستعمل اللي عاوز يبيع يقولي

المشاركة الأصلية كتبت بواسطة afrtow

ممكن من فضلك ترشحلي احسن اجهزه للشيرنج الفضائي مع ان امكن اسعار تقريبيه ليها ومنين اجيبها ولك جزيل الشكر

الشيرينج الفضائى بيعتمد اساسا على دنجل و ده الى بيقدر يستقبل الداتا المشفره من القمر الصناعى و يحولها لشفره يفهمها الريسيفى و بالتالى تفتح القنوات

وببساطه علشان انا حاسس ان الموضوع فيه ناس مش مستوعباه بص يا سيدى :

2- لو الريسفر اللى عندك بيدعم خاصيه التوين بروتوكول و الخاصيه دى بتبقى جوء منها سوفت ويير و جزء هارد ويير من جانب البروسيسور .. المهم علشان منتهش لو الريسيفر فيه الخاصيه دى و هيا فعلا موجوده فى اغلب الأنواع الجديده يبقى هتحتاج دنجل فقط ...

و افضل الدناجل حاليا من وجهه نظرى و اكثرها عمرا هم ودنجل الموربوكس وده ثمنه فى حدود 350 جنيه و متتخضش من كلمه دنجل دى لأنه فى شبه الريسيفر بس صغير قد كف الأيد كده و بيتوصل بالريسفر اللى عندك عن طريق وصله التحديث RS232 و بيدخله مدخل lnb لوحده من القمر اللى بيستقبل منه الداتا ... فتره الصلاحيه بتبقى قى حدود عامان يعنى و من الفريق الاعم بيقول لحد اخر 2012 ..... طبعا انت طول الفتره دى بتتفرج من غير اى اشتراكات شهريه ... و بعد الفتره دى ممكن تحول الدنجل لريسيفر عادى و تستفاد بيه ... و بيتم اصدار دنجل جديد من الفريق الداعم و الطبيعى بيطلع دنجل كل سنتين لنفس الفريق

2- لو الرسيفر اللى عندك مفيهوش توين بروتوكول يبقى تجيب ريسيفر فيه دنجل داخلى افضل وده بيبقى جهاز 2 تيونر

افضل الأجهزه التى بداخلها دنجل و تعاملت معها :

1- سامسات 560 وده مميزاته انه فيه pvr يعنى بيسجل على الفلاشه و بيعرض صور و mp3 و جواه دنجل الموربوكس و ده فى حدود من 750 جنيه الى 800 جنيه متوسط سعره فى السوق

2- جهاز اسمه الشبح HD2 و ده مدعوم من السيرفر الأيرانى اللى هو من اقوى السيرفرات فى العالم حاليا و ثمنه اعلى قليلا من السامسات و بيدعم الصوره فائقه الوضوح HD

على فكره الشيرنج الفضائى متفوق فيه جدا الأيرانيين (هما اول ناس اخترعوه ) و الأتراك

اعنقد الصوره وضحت شويه عندك و لو لسه عندك اسئله تانيه انا تحت امرك