اقتباس المشاركة الأصلية كتبت بواسطة aboamina مشاهدة المشاركة
بقالي 10سنين بسافر على طريق القاهرة شرم بسرعة 150 - 180 طول الطريق وياما اتنصحت بعدم الجري وعمري ما سمعت للنصايح وكنت متخيل انه عمري ما هعمل حادثة في حياتي لاني عارف امتى اجري وامتى اهدي زي حال اغلبية الشباب...ولكن من شهرين ربنا اراد فردة كاوتش ضربت وكنت ماشي 180 وفي لحظة العربية عامت مني واتقلبت 3قلبات سبحان من وقعني من باب العربية ونجاني من موت مؤكد والحمد لله اني كنت لوحدي بدون زوجتي أو بنتي...من كرم ربنا طلعت من الحادثة بكسر وشوية كدمات والحمد لله دلوقتي بقيت تمام والعربية بعتها بخسارة 40000ج عن اللي اتعرض عليا فيها قبل الحادث باسبوع....اقسم لكم بالله ما كان فارق معاية الخسارة ولا الكسور اللي عندي واكتر حاجة كانت مأثرة فية هي ان انا لو كنت مت مش بعيد اكون في منزلة المنتحر واخش النار عشان ماشي على 180بعربية لوجان.... انا طولت عليكم معلش لكن حبيت بس انصحكم بالله عليكم بالله عليكم بلاش السرعات المبالغ فيها عشان ارواحنا هنتحاسب عليها يوم القيامة ولو ربنا سترها معاك مرة واتنين وألف في مواقف بتقابلها وانت سايق مش لازم يسترها على طول.
انا حبيت انصحكم سائلا الله السلامة والصحة للجميع
ياغالي حمد لله على سلامتك...
ياريت ياغالي توعي الشباب وتحكي قصتك في كل موضوع بيناقش او يدعو للسرعات الجنونية دي....
تحياتي

Sent from my LT18i using Forum Runner