لا منا بسوق يعني شويه كده بس بشدة اعصاب
و هنجيب فانتا بالمناسبه بس مينفغش اعمل حاجه و انا سايقه يعني مش وقت كانزات ده
لا منا بسوق يعني شويه كده بس بشدة اعصاب
و هنجيب فانتا بالمناسبه بس مينفغش اعمل حاجه و انا سايقه يعني مش وقت كانزات ده
المهم بجد اني لما بسمع ان الموضوع ممارسه و انه مع الوقت هيكون كله تمام برتاح نفسيا عكس الي بسمعه بقا زي ( علم في المتبلم يصبح ناسي ) و ان الموضوع انه في ناس عندها استعداد و ناس لأ و كده
انا بحب العربيات جدا اصلا بس بجد اتمنى من ربنا يعني و الله اني اسوق بدون قلق كده زي الناس يعني و ابقى مستمتعه بحاجه بحبها بجد
و ربنا يسهل ان شاء الله
و شكرا عالمشاركات :)
انا خلاص نويت اشتري العربيه و انزل اسوق كل يوم علشان موضوع اني اسوق كل 5 شهور مره ده مش نافع خالص
بالعكس دا وقت للكانزات جدا لأن دى أبسط حاجة ممكن تضيع شدة الأعصاب منك و فى نفس الوقت هتخليكى برضة مركزة وأسئلينى أنا مجرب و فاهم فى الموضوع دة ,,,, ياما نزلت فى بلاعات و دخلت فى مطبات من غير ماشوفها و ساعات ألاقى ضهر العربية (الرفرف) لازق فى الحيطة و أنا ماشى و مكمل عادى ,,, بس دلوقتى الحمد لله الواحد بقى طبيعى جدا رغم أن علاقتى بالعربيات محدودة لانى مش ممتلك عربية لحد دلوقتى فتجاربى كلها بيبقى بناء على طلب صحابى لانى طبعا مش هقولهم تعالوا أنا هسوق لأ هما إلى بيطلبوا منى أسوق كدة عشان يشوفونى ,,, و ربنا بيستر الأيام دى و بقيت كويس أو على الأقل مقبول يعنى فعادى متحطيش فى دماغك طلاما تحت أيدك العربية و الوقت عندك فاضى عيشى وتعايشى
من الحاجات الصعبه لما اقف خالص و ابدأ امشي تاني يعني مثلا اقف في تقاطع و بعين لما الطريق يفضى على ما اطلع يكون في عربيات جات تاني ,, بطيئه في الحجات دي و في كل حاجه ,, هو الي مطمني شويه انه من سنه كده واحده صاحبتي جابت عربيه مانيوال و كانت بتسوق جديد كنا بنشتم من الناس كلها بصراحه مكانتش بتسوق كويس يعني ( بس احسن مني حاليا طبعا ) المهم انها دلوقتي ما شاء الله زي الناس يعني
شكرا على وقتك و مشاركتك :)
طالما بتحبى العربيات اصلا
يبقى هتسوقى كويس
وفى امل انك تكونى محترفه كمان
عادى يعنى
انا معرفش حد اتولد سواق
كلام جميل ,, هو ده التشجيع
شكراااا
ولا يهمك يا سلمى الموضوع ده حصل معانا كلنا فى الأول وأنا عن نفسى كنت بتلخبط جدا بما باجى أطلع بالعربية وحتى لما كنت بنقل كنت بتلخبط وكان صوت العربية بيعلى زى اللى بيحصلك بالظبط وكانت ساعات العربية تبطل منى وأنا لسه طالع ومشاكل الركن وخلافه .
كل ده عادى جدا فى الأول تعليمك لأنك لسه ماأتعودتيش على الربط بين الدبرياج والبنزين فطبيعى جدا هاتلاقى رجلك ثقيلة شوية على الدبرياج ولسه مافيش الجرأة أنك تدخلى بين عربيتين وأنتى واثقة أنك هاتعدى من بينهم عادى .
أطمنى خالص كل اللى أنتى محتجاه فى الأول أنك تنزلى بالعربية فى وقت مافيهوش زحمة وأمشى بيها وجربى كل حاجة النقلات والرجوع للخلف وكل شيئ ولما تتعودى على كده أبدئى أنزلى فى أوقات تكون فيها عربيات بس مش زحمة أوى علشان تقدرى تتعودى على جو الزحمة وبعد كده إن شاء الله هتلاقى نفسك بتنزلى فى أوقات الزحمة وأنتى متمكنة من العربية ومن أبعاد الطريق والسيارات التى بجوارك . فا مافيش أى مشكلة خالص كلنا عدينا على الموضوع ده فى الأول لكن لما أتعودنا مابقاش الموضوع ده مقلق لأن فى الأول والأخر السواقة ماهى إلا تعود وممارسة . وأتمنى لكى التوفيق
انتي فكرتيني لما كنت عاوز اتعلم السواقه من سنه كده وكنت مرعوووووب لكن طلعت سهلة جدا
باختصار بسيط بسيط بسيط
لازم يكون واحد (او واحدة) صحبتك بتكون بتسوق كويس وبقالها كتير بتسوق توجهك
الحساسيه ع الدبرياج والدواسه بتاعت البنزين مش بيجي من اول مرة ولا من 5 مرة ده بيجي مع الوقت والتعود والسواقه دي كلها تعووووووووووود مش اكتر