http://www.nilemotors.net/Nile/127724-a.html
على فكرة كلنا كنا كدا محدش فينا اتولد سواق ... انتي بس متشديش اعصابك و بلاش حكاية طريق سريع دي دلوقتي
و اهم حاجة في الموضوع دا كلة العامل النفسي .. اللي بيعلمك لو غلطي و اتنرفز عليكي مش هتستفيدي حاجة و هتتعقدي .. انما لو فهمتي كنتي المفروض تعملي اية كلة هيبقى تمام
يعني تختاري حد كدا من قرايبك او صاحبتك بس ميكونوش بيتنرفزوا بسرعة
لو بتركني العربية نزلي المراية اليمين شوية عشان تشوفي الرصيف و عجل العربية بس ما تنسيش لما تيجي طالعة بالعربية تاني تعدليهم
و ان شاء الله نباركلك على الرخصة و العربية قريب
لازم تعرفي ان السواقه ممارسه
اولا مبروك ياسلمى انتى بداتى تتعلمى السواقة
ثانيا طبعا هاتعرفى تسوقى احسن مننا كمان لو حبيتى السواقة والعربيات
ثالثا وده الاهم اوعى ياسلمى تسوقى لوحدك
لازم اول شهر يبقى معاكى حد بيدربك ومش عايزة اقولك شهرين تلاتة
اللى هايدربك ده مش بس هايقولك تنقلى امتى وتقعدى ازاى
الاهم انه هايدربك على قواعد وسلوكيات القيادة الامنة
ومش هاقولك اوعى تتنشنى لان ده سلوك طبيعى جدا لكل اللى بيتعلم
لا انتى هاتنشنى وتعرقى ورجلك توجعك وتنزلى من العربية بتترعشى كمان وده العادى اللى كلنا مرينا بيه
هما كام مرة وهاتعرفى بعديها تسيطرى على العربية بشكل مقبول وبعد كدة مسالة وقت وتدريب كتـــــــــــــــــير لحد ماتبقى سواقة بجد
اوعى تخافى وتزهقى طالما حطيتى الموضوع فى دماغك يبقى لازم تكملى وقريب جدا نباركلك على العربية الجديدة
وربنا معاكى
الموضوع تعود بنسبة كبيرة لا تقلقي...
انا بس اللي مستغرب من الناس اللي بتسوق مانيوال و هما بيتكلموا في الموبايل ؟؟
انا 3 سنين بسوق دلوقتي و لسة مش عارف اعمل كدا...لازم السماعة
اخيراً بصي على قسم شيفرولية الأول ... لأن الأفيو مقلب كبير .. كلام ملاكها
العملية تعود زى أى حاجة تانية , و كمان لو تقدرى تجيبى هاتشباك هاتبقى أسهل بكتير فى السواقة و الركن
بصي ياأستاذه سلمي أنا هلخصلك كام حاجه كده
أولا - خلي عندك ثقه بنفسك وجمدي قلبك لأن السواقه محتاجه ثقه بالنفس وقلب جرئ
لما انتي من دلوقتي خايفه هتعملي ايه لو ماشيه وواحد جه وراكي بسرعه وعمال
يقلبلك نور ويديكي كلاكسات هتعملي ايه ساعتها هتخافي وتروحي رميه الجهه التانيه وساعتها هتبقي عملت أكبر غلطه في حياتك
ثانيا - اتفقي مع مدرسة تعليم سواقه في الأول وخدي عندهم كرس ومنها تبقي كسرتي رهبة الطريق
والعربيه وبعد ماتخلصي الكورس أتفقي مع اللي كان بيعلمك بعد انتهاء عمله يجي يدربك كام حصه علي عربيتك
ثالثا - بعد ماتحسي انك اتقنتي السواقه باردو متطلعيش في الزحمه حاولي تاخدي العربيه 3 او 4 مرات
بعد منتصف الليل علشان بس نصيحه خدي معاكي أخوكي او والدك علشان محدش يغلس عليكي من الشباب المستهتريين
بعد كده اخرجي كام مره بعد العصر ودخلة المغربيه وبعد كده كام مره بعد العشاء وبعد كده تيجي
للأختبار الكبير وقت الذروه بس صدقيني مفيش أسهل منه لأن العربيات اساسا بتمشي بالعافيه
وبتحسي ان الطريق مابيمشيش بس هتظهر مهارتك في الخروج من الزحمه ولوعرفتي
تمشي في النهار يبقي انتي كده نجحتي في أختبار السواقه
نيجي لحتة الركن في يوم روحي حته فاضيه خالص وخدي معاكي المدرب اللي بيدربك وخليه يحطلك حجريين
كمثال لعربيتيت مركونيين وانتي هتخشي تركني بينهم حجر قدام يبقي كانهاية مؤخرة السياره الأماميه
والحجر الثاني كامقدمة السياره الخلفيه والمكان اللي وسهطهم هو المكان اللي هتركني فيه واتبعي
تعليماته وواحده واحده هتحفظي الأبعاد وهتعرفي تركني لوحدك وأتدربي علي كده كذه مره لحد متتقني الركن
حتة لما تيجي تركني جنب الرصيف بتلاقي نفسك ركنه بعيد عنه لو المرايات بتعتك متحركه هتنفعك
جدا في الموضوع ده هتنزلي المرايا اللي في اتجاه الرصيف اللي هتركني جنبه بحيث انك تشوفي
الرصيف في المرايا وهتبدأي تركني زي ماتعلمتي بس بأختلاف انك شايفه الرصيف في المرايا
ولاحظي ان المرايات الجانبيه لاتعطي صوره حقيقيه فراعي ذلك في سواقتك وفي ركنك للسياره
دية كانت الطريقه اللي تعلمت بيها السواقه بس خدي بالك السواقه والطريق مالهمش كبير علشان كده
متجازفيش وتطلعي علي طريق سريع في بداية تعليمك مش قبل 6 اشهر وربنا يسلمك من كل شر
وأحنا في خدمتك لو أحتجتي اي حاجه تانيه
اه نسيت حاجه اخيره وانتي بتاخدي يو تيرن واسع او ضيق بعد ماتخدي اليوتيرن ولقيتي العربيه في
أقصي اليمين متحوليش تروحي للشمال تاني خليكي في يمينك زي مانتي ولوخدتي اليوتيرن علي
الضيق ولقيتي نفسك في الشمال ماترميش علي اليمين وخليكي زي مانتي في الشمال وبعد كده ادي
اشاره يمين وروحي لليمين شويه شويه لأن ممكن تكون في عربيه جايه في نقطه ميته انتي مش شيفاها
التدريب والممارسة لأن السواقة كلها مواقف بااايخة ربنا ما يحطكم فيها
ممكن اى حد بيعرف يسوق يمرنك و يقعد معاكى كل يوم شويه لحد ما تتعلمى .. و ممكن موضوع الدبرياج تتقنيه بانك تروحى مكان فاضى و تبدائى تحركى العربية بالدبرياج بس من غير ما تدوسى بنزين .. و مرة فى التانية حاتتعودى تطلعى بالعربية من غير صوت عالى او تبطل او تكركر ..