عاجل لايحتمل الـتأخير

**Abody1985** · 04-05-2010 01:00 PM

السلام عليكم جميعا .
انا معايا عربية جولف 2 مو 90 وبقالها فترة ماشية معايا زي الفل وكله تمام مايه وزيت وبنزين وبس ولكن مره واحده وبدون سابق اي انذار علبة الدريكسيون كانت مبووشة وكانت بتخلي العربية تعوم المهم عملت الشغل اللي فيها وغيرت كمان التيل بتاع الفرامل بالمره وقولت شغل بشغل لكن بعد اسبوع لاحظت ان زيت الباور بينقص بطريقة غريبة رحت للميكانيكي قالي علبة الباور بتجيب زيت من الناحية الشمال ودي مش بتاعتي يعني مش هقدر احشيهالك ولا افتي فيها بس ممكن تروح شارع معروف (شامبليون ) عند محل اسمه الأطرش قوله ع اللي فيها وهيحشهالك بدال ما تجيب علبة استيراد وتخشلك في 400ج المهم رحت شارع شامبليون وبجد شارع غير مريح والناس هناك تحس انهم ملوك الاشتغالات وشكلهم غير مريح بالمره لاقيتهم بيقولولي 350 هعملهالك وبتاع بس انا محستش اني هبقى متطمن وانا بعملها هناك .
ياريت يا جماعه اللي عنده فكره عن الحوار بتاع الباور ده يفيدني اعمله عند مين يكون كويس وامين
والموضوع هيبقى حوالي كام ؟
ولا اجيب العلبة كلها استيراد وعرفت انها عامله 400ج وخلاص
والف شكر يا جماعه واسف ع الإطاله

**M.Mostafa80** · 04-05-2010 01:13 PM

أكيد تجيب علبه استيراد أحسن وأفضل وعلى الأقل على التجربه
ومش هترمى فلوس فى الأرض
بتوع شامبليون دول كلهم نصابين

**tareksakr** · 04-05-2010 02:06 PM

احسن حاجة انك تغيرها بواحد استيراد نضيفة لان تكلفة اصلاحها ممكن توصل لتمن واحدة استيراد

**Ahmed Mubarak** · 04-05-2010 02:09 PM

الاستيراد افضل من التصليح

**Abody1985** · 04-05-2010 09:27 PM

الف شكر ع الردود
انا نزلت اشتريت واحده استيراد من عند سراج ب 400 ج وهركبها بكره ان شاء الله عشان يحي افندي جولف بيتكلم بمنتهى التناكة وعاوز 100ج تركيب قولتله مش هنختلف قالي لو فيها حاجة وطلعت برضو مش سليمة هتغيرها من عند سيراج وهاخد منك 100 جنيه تانية بقوله طيب وهي سليمة ولا لا قالي الله اعلم اركب واعرف لكن هو ده نظامي + اسلوب الكلام نفسه مش مريح كلمت الميكانيكي اللي انا بتعامل معاه وبإذن الله بكره نشوف ايه حكايتهم

**kasten** · 07-05-2010 06:13 AM

المشاركة الأصلية كتبت بواسطة abody1985

الف شكر ع الردود
انا نزلت اشتريت واحده استيراد من عند سراج ب 400 ج وهركبها بكره ان شاء الله عشان يحي افندي جولف بيتكلم بمنتهى التناكة وعاوز 100ج تركيب قولتله مش هنختلف قالي لو فيها حاجة وطلعت برضو مش سليمة هتغيرها من عند سيراج وهاخد منك 100 جنيه تانية بقوله طيب وهي سليمة ولا لا قالي الله اعلم اركب واعرف لكن هو ده نظامي + اسلوب الكلام نفسه مش مريح كلمت الميكانيكي اللي انا بتعامل معاه وبإذن الله بكره نشوف ايه حكايتهم

الف مبروك وكويس انك حطيط الموضوع هنا لانى ناوى اغير علبة دريسكيون ببارتها كمان
ارجو الافاده فى الاسعار
العربيه جولف 1 - فيها مكنه جولف 2 .. 1800 سى سي